Lucas 21:19 - Tagbanwa

¹⁹ Baw basta maneꞌteꞌ i pamayaꞌ baw pagsarig mit aken maski maat pagpakuriꞌan kamu, siguradung maꞌimyu i kaꞌgenan nga egay kaskedan.

Lucas 21:19 Iomraidhean Croise

Mateo 10:22

Talagang isgan kamu it muꞌsang taw sabap it pamayaꞌ mit aken. Temed in siyu-siyuy maneꞌteꞌ i pamayaꞌ yat aken seked naꞌbut nay umur, siguradung maribri yan kanya.

Mateo 24:13

Temed iyan maneꞌteꞌ i pagsarig baw pamayaꞌ yat aken seked it maꞌbut nay umur, siguradu yan nga maribri.

Lucas 8:15

Baw itu, paꞌaaten ngaytu nga nasaꞌbugan nga magayeng lugtaꞌ, mga taw nga magayen i adat, nga pagpamayaꞌnen nirat kamatuudan i nagnegan nira nga ampang it Ampuꞌang Diyus. Ta it ipagdawaꞌ na duꞌun it ulu, baw pagpaꞌresan it pagsunudun, aypaꞌ ka magbuwaꞌ it magayen i pamayaꞌ nirat kanira.”

Roma 15:4

Ega lipaten mi nga, muꞌsa nga magbebtang duꞌun it kasuratan garing paꞌ it tagnaꞌ, panulduꞌ naytut Ampuꞌang Diyus it aten. Ka sabap it ampang ya ngaytu magkasagkaꞌ ta it mga kakuriꞌan nga magꞌabut it aten, baw pagpaksegen i nakem tami isaꞌun subraꞌ nga maꞌingget i paniguru ta it kagayenan nga maꞌaten kat pagdadarapaꞌen.

Roma 2:7

May mga taw nga mapiyaꞌres it buwat it magagayeng pagbuwaten ka iyan nagay kat nakem nira, nga galangen sira nga sakpen it ega basta-bastang kabantugan duꞌun it langit, baw begayan it egay kaskedang kaꞌgenan. Ta, sira ngaytu, siguradung begayan it kaꞌgenan ngaytu nga egay kaskedan.

Roma 5:3

Baw ega lamang itu ngaytu i masagyaan tami. Maski mga kakuriꞌan nga paglabayen ta kayti, pagsagyaan ta gasiꞌ sabap urut ta nga, liꞌwan ya kaytu, subrang madungagan i kateꞌteꞌ tat pamayaꞌ ta.

Roma 5:4

Ta daꞌga, in atkayan, subrang sagyaan tami it Ampuꞌang Diyus ka matanyag nga magkateꞌteꞌ tami nga mga taw? Aypaꞌ, liꞌwan ya gasiꞌ, subrang magmapaꞌgen i kasiguruwan tat kagayenan nga ibgay yat aten kat pagdadarapaꞌen nga timpu.

Roma 8:25

Temed in ega paꞌ miyabut i pagpapaꞌbutun ta, elatan tami it teꞌteꞌ talaga i paniguru ta ngaytu.

1 Tesalonica 1:3

Sabap pagdedemdemen namen nga pirmi i buwat mi nga buwaꞌ it pamayaꞌ mi, mga paꞌres mi nga magbayaꞌ it raras mit esa may esa, baw pagsagkaꞌ mit kakuriꞌan it magayen i nakem. Pagsagkaꞌ mi ngaytu, tanaꞌan ya, mapaꞌgen nga paniguru mi. Ka pagsisiguruun mi nga, sabap it pagsarig baw pamayaꞌ mi it Ampuꞌan tami nga si Jesu-Cristo, maribri kamu asan it umur nat banwa, nga duꞌun kamu na it adapan it Ampuꞌang Diyus nga Amaꞌ tami.

2 Tesalonica 3:5

Ipagpanalangin namen duꞌun it Ampuꞌan nga sana padakulaꞌen ya nga banar i kasepsep mi it ega ngaytu basta-basta nga pagmaꞌal baw raras it Ampuꞌang Diyus it aten. Baw iyan paneꞌteꞌ ni Cristo maski pagpakuriꞌan, sana ipatantu yat imyu isaꞌun maguru mi.

Hebreo 10:36

Kaꞌilangan nga temeꞌteꞌ kamu isaꞌun masunud mi nga banar i kaꞌirgan it Ampuꞌang Diyus. Bawnga in atkayan matanggap mi i isiyanggup ya.

Hebreo 6:11

Temed yay kaꞌirgan ku nga kada esat imyu i magpaꞌres it atkaytu nga pagbuwaten seked it pamaꞌuliꞌ situ it Ampuꞌan, isaꞌun subraꞌ nga mapaꞌgen i kasiguruwan mi it muꞌsa nga pagꞌiꞌinawaren tami nga mga magpamayaꞌ it kanya.

Hebreo 6:15

Talagang ega naꞌyawan si Abraham it elat. Piyaꞌbut yang banar seked it nagꞌabut i isiyanggup ngaytit kanya.

Santiago 1:3

Sabap magkaꞌrutan ta na nga in pagsukdanan i pamayaꞌ ta, basta daꞌta padaꞌeg, liꞌwan ya subrang kemseg i pamayaꞌ ta ngaytu, nga teꞌteꞌ na talaga.

Santiago 1:4

Baw kaꞌilangan nga papaꞌres i pamayaꞌ ta nga magpaneꞌteꞌ nga mapaꞌgen, isaꞌun sagyaan tami nga banar it Ampuꞌang Diyus, nga ega nay kakurangan it kagayen it adat ta.

2 Pedro 1:6

Baw ega lamang kasepsep ngaytu i paꞌresan, in daꞌga kaꞌilangan supilen tami i bilug ta, baw talagang teꞌteꞌan i pamayaꞌ ta. Sana yay magdadaꞌeg kat nakem ta nga magpangaꞌgenan tami nga pirmi nga uyun it kaꞌirgan it Ampuꞌang Diyus.

Mga Ipiyalteg 1:9

Talagang aku nga si Juan, sulsug mi kat pamayaꞌ baw kaꞌibaan mi naga it pagpakuriꞌan sabap it pamayaꞌ tami it ki Jesus. Baw esa aku nagang sinakepan it kaꞌadiꞌan ya, baw kasubung mi it temeꞌteꞌ it pagsunud it ki Jesus ngaytu. Idiyuꞌlung aku duꞌun it pulaw nga pagpangaranat Patmos, ka yay ukuman it aken sabap it pangadal kut ampang it Ampuꞌang Diyus baw pamatuud kut mga bagay pasar it ki Jesus.

Mga Ipiyalteg 13:10

Kumpur piyabetang-betangan nga pirisuun, siguradung pirisuun naga yan. Baw kumpur piyabetang-betangan nga imatayen it tarep basiꞌ, ta atkayan naga, imatayen yan. Aypaꞌ ka mga taawan it Ampuꞌang Diyus, kaꞌilangan papaꞌgenen niray pamayaꞌ nira baw pagsarig it kanya ngaytu isaꞌun makateꞌteꞌ sira, maski sang unuy pakuriꞌ it kanira.

Mga Ipiyalteg 14:12

Aypaꞌ it atkayan i mabetangan nira ngayti, kaꞌilangan talaga nga kumpur mga taawan it Ampuꞌang Diyus nga mamagsunud it kaꞌirgan ya baw magpamayaꞌ nat ki Jesus, kaꞌilangan nga teꞌteꞌan nira kanya maski ikagtas nat ginawa nira.

Mga Ipiyalteg 3:10

Sabap it siyunud mi i urdin ku nga temeꞌteꞌ maski pagpakuriꞌan, talagang tatarimaen ku kamu isaꞌun ega maꞌilang, pagꞌabut it timpu nga makuriꞌan i muꞌsang taw situt sinirungat langit ka sukdanan ku na sira.