Lucas 21:16 - Tagbanwa

¹⁶ Talagang ilangen kamu it mga giyaringan mi, mga sulsug, mga kaduguꞌan nga beken baw mga iba-iba mi, baw iyan beken it imyu, imatayen.

Lucas 21:16 Iomraidhean Croise

Mateo 10:21

Talagang sabap it aken, sulsug ya nga namayaꞌ na ipaꞌimatay it sulsug ya nga egay pamayaꞌ. Atkayan naga i buwaten it amaꞌ it sadili ya nga anak. Baw labanen it anak i giyaringan ya nga namayaꞌ na. Ega desang labanen, ipaꞌimatay ya paꞌ.

Marcos 13:12

Talagang sulsug ya nga namayaꞌ nat aken, ilangen it sulsug ya nga egay pamayaꞌ. Atkayan naga i buwaten it amaꞌ it sadili ya nga anak. Baw labanen it anak i giyaringan ya nga namayaꞌ na. Ega desang labanen, ipaꞌimatay ya paꞌ.

Lucas 12:53

Ka papagkuntraꞌen nay namayaꞌ na baw daꞌga, anak nga lalaki baw amaꞌ ya, anak nga babay baw inaꞌ ya, miyagad baw punyangan ya.”

Lucas 21:15

Sabap aku ngaytu i megay it imyu it pangangampang mi nga may ega basta-bastang kasepsep, nga ega kaya nga tubagan u pakidaꞌgan it maski siyu nga mga kakuntraꞌ mi.

Lucas 21:17

Talagang isgan kamu it muꞌsang taw sabap it pamayaꞌ mit aken.

Mga Binwat 12:2

Esa it mga apustul, nga si Santiago nga sulsug ni Juan, ipiyabunuꞌ ya.

Mga Binwat 7:59

Siging buntal nira, siging panalangin ni Esteban nga magꞌaat, “Ampuꞌan ku nga si Jesus, tanggapen mu i kiyarurwa ku.”

Mga Ipiyalteg 12:11

Diyaꞌeg si Satanas it mga kasulsugan tami ngayti kat keseg it ipiyaturuꞌ nga duguꞌ it paꞌaaten nga Uꞌuybun It Tupa baw kat pamatuud nirat kamatuudan pasar it kanya ngayting si Jesu-Cristo. Ka ega talaga riyarasan niray ginawa nira, sabap lamang it pamayaꞌ nirat kanya.

Mga Ipiyalteg 2:13

Talagang magkaꞌrutan kuy kabetangan mi, nga pagtataꞌidan mi ngayan, pagsasakpan ni Satanas. Takaꞌ lamang atkayan, talagang teꞌteꞌ i pamayaꞌ mit aken. Daꞌkamu magpangindiꞌ it pagsarig mit aken, maski tagnaꞌ ngayan nga pagꞌimatay it ki Antipas nga matuud nga manigsirbi ku nga nanindeg it aken maski ikiyagtas na it ginawa ya, asan it rugar mi ngayang pagsasakpan ni Satanas.

Mga Ipiyalteg 6:9

Bawnga ikalima siꞌ ngayti nga papaꞌnget i iniriꞌ it paꞌaaten ngayting Uꞌuybun It Tupa. Sakaliꞌ nga naltegan ku duꞌun it sirib it papangantengan i mga kiyarurwa it iyan mga inimatay sabap it pamatuud nira it ampang it Ampuꞌang Diyus baw panindeg nirat kamatuudan ya ngaytu.