Lucas 21:10 - Tagbanwa

¹⁰ Maat paꞌ ni Jesus it kanira, “Magꞌabut yan nga magira-giraen i mga bangsa, mga kaꞌadiꞌan kuntraꞌ it beken nga kaꞌadiꞌan.

Lucas 21:10 Iomraidhean Croise

Marcos 13:8

Sabap magira-giraen yan i mga bangsa, mga kaꞌadiꞌan kuntraꞌ it beken nga kaꞌadiꞌan. Yemegyeg i lugtaꞌ it paꞌari-aring rugar baw gemtem it masaki-sakit na nga mga getem. Takaꞌ muꞌsa ngaytu, papuꞌun lamang tu it kakuriꞌan.

Lucas 21:11

Yemegyeg it makekseg i lugtaꞌ, baw kat paꞌari-aring rugar gemtem it masaki-sakit na nga mga getem baw lemkep i mga panalakep. Baw duꞌut langit may maltegan nga kaiꞌiꞌlaman na nga mga bagay baw mga kalililuꞌang tandaꞌanan.

Lucas 21:9

Baw in makabaritaꞌ kamu it mga kaguluwan baw gira-giraen, ayaw kamut patarantaꞌ. Sabap talagang magꞌabut i mga itu ngaytu, temed ega payan umur it banwa.”

Mga Binwat 11:28

Kaꞌsang aldaw nga tingped i mga magpamayaꞌ duꞌun, timnindeg i sang kataawan ngayting prupitaꞌ nga pagpangaranat ki Agabo. Kat panakem it Espiritu Santo isiyugid ya nga mabut it muꞌsang banwa i dakulang getem. (Miyabut tu nga matuud it iyan si Claudio pay Impiradur.)

Hebreo 12:27

Ta, kat mga ampang ya ngaytu, maꞌyag nga kat iting aldaw, muꞌsa ngaytung bagay nga maat payegyegen, talagang maꞌawaꞌ. Ka lamang giyuna it Ampuꞌang Diyus, kat pabetang-betang ya, egaytu manupusan. Buwaten yaytu isaꞌun yanay maneꞌteꞌ nga paganti, mga bagay nga ega na ngaytuy kaꞌawaꞌan.