Lucas 21:1 - Tagbanwa

¹ Duꞌun paꞌ si Jesus it Templo, pagpanigmata ya, naltegan ya i mga manggaden nga magꞌulug duꞌun it pagꞌulugan it pirak nga ipagbegay duꞌun it Templo ngayti.

Lucas 21:1 Iomraidhean Croise

1 Mga Adiꞌ 14:26

Sabap karaꞌe-raꞌetan ga i binwat ya kat panleteg it AMPUꞌANG DIYUS. In unuy karaꞌe-raꞌetan nga binwat it amaꞌ ya nga ipiyagkasalaꞌan it mga Israelita, ipiyasigi ya naga.

2 Mga Adiꞌ 24:13

Riyangpas ya i muꞌsang mga kamanggadan duꞌun it pamalay-balay it adiꞌ ngayti baw mga marerga nga kagamitan duꞌun it balay ngayting papagsambaan nirat AMPUꞌANG DIYUS. Piyanranggaꞌ ya paꞌ i mga bulawan nga garamiten nga ipiyabwat nagat adiꞌ it tagnaꞌ nga si Solomon, duꞌun it Templo ngayti nga papagsambaan nira, subung nat ipiyasugid nagat AMPUꞌANG DIYUS it tagnaꞌ paꞌ.

2 Cronica 36:18

Temed parabir piyamagsuriban nira, riyangpas nira i muꞌsang mga kagamitan duꞌun it Templo ngayti, mga dadakulaꞌ pati mga dedekeyeꞌ. Atkayan naga, riyangpas nira gasiꞌ i kumpur marerga nga duꞌun it Templo ngayti nga papagsambaang balay it AMPUꞌANG DIYUS, baw duꞌun it mabakas nga balay it adiꞌ, baw duꞌun it mga babalayan it mga matataꞌas nga taawan ni Sedequias ngayti. Tiyaban nira nga muꞌsa duꞌun it Babilonia.

Mateo 27:6

Kiyuꞌmit it mga pagbayaꞌen it mga sasirduti i pirak ngayti. Maat nira, “Talagang kuntraꞌ tu kat urdin nga idawaꞌ i itung pirak situt pagdawaꞌan ngaytu situt Templo, sabap itu ngaytu, bayad tu it ginawat taw.”

Lucas 20:47

Baw pagꞌubsun nira gasiꞌ i kaꞌgenan it mga babay nga balu kat mga ipagpabgay nira. Baw paribasay kutagnepan i mga adat nira nga maraꞌe-raꞌet, pagkaꞌlayen na nira nga panalangin. Talagang subraꞌ naytu nga mabeꞌgat i panriga it kanira.”

Juan 8:20

Mga itu ngaytu, inampang ni Jesus iyan magpanulduꞌ kanya duꞌun it esang bagiꞌ it Templo nga duꞌun manggid it adeꞌdeng it mga berebtangan it bilang ipagbegay it mga taw duꞌun it Ampuꞌang Diyus. Temed ega naga diyakep kanya it maski siyu, ka ega paꞌ naꞌbut i ipiyabetang-betang nga timpu.

Josue 6:19

Temed muꞌsa nga bagay nga bulawan, pirak, tumbaga u basiꞌ i binwat, ipasiguru nga kat AMPUꞌANG DIYUS na yan. Kaꞌilangan idawaꞌ duꞌun it pagdawaꞌan it mga bagay nga kat AMPUꞌANG DIYUS.”

Josue 6:24

Siyuriban nira i siyudad ngayti baw inanteng i muꞌsa nga betang ya duꞌun. Yamanay ipiyaꞌped, mga bagay nga bulawan, pirak, tumbaga baw basiꞌ i binwat. Mga iti ngayti, idiyawaꞌ nira duꞌut pagpangaranan nirat darawaꞌan it manggad it AMPUꞌANG DIYUS.