Lucas 20:47 - Tagbanwa

⁴⁷ Baw pagꞌubsun nira gasiꞌ i kaꞌgenan it mga babay nga balu kat mga ipagpabgay nira. Baw paribasay kutagnepan i mga adat nira nga maraꞌe-raꞌet, pagkaꞌlayen na nira nga panalangin. Talagang subraꞌ naytu nga mabeꞌgat i panriga it kanira.”

Lucas 20:47 Iomraidhean Croise

Mateo 23:13

Talagang subrang makuriꞌ i magꞌaꞌareg it imyu, mga manigpaꞌyag it urdin baw mga Pariseo, mga magbete-beteꞌ nga magpamayaꞌ it Ampuꞌang Diyus. Ka sabap it imyu magkabaeran i katataawan it pasakep it kaꞌadiꞌan it Ampuꞌang Diyus. It daꞌkamu nay imyu magꞌireg pasakep it kaꞌadiꞌan ya ngayti, pagpaaren mi paꞌ i magꞌireg pasakep.

Mateo 23:14

Subrang makuriꞌ talaga i magꞌaꞌareg it imyu, mga manigpaꞌyag it urdin baw mga Pariseo. Magbete-beteꞌ kamu nga magpamayaꞌ it Ampuꞌang Diyus. Pagꞌubsan mi nay mga babay nga balu it kaꞌgenan nira kat mga ipagpabgay mi. Baw paribasay kutagnepan i mga adat mi nga maraꞌe-raꞌet, pagkaꞌlayen mi na nga panalangin. Aypaꞌ ka subraꞌ pang dakulaꞌ i panriga nga malabayan mi.

Marcos 12:40

Baw pagꞌubsun nira gasiꞌ i kaꞌgenan it mga babay nga balu kat mga ipagpabgay nira. Baw paribasay kutagnepan i mga adat nira nga maraꞌe-raꞌet, pagkaꞌlayen na nira nga panalangin. Talagang subraꞌ naytu nga mabeꞌgat i panriga it kanira.”

Lucas 12:1

Iyan sigi na nga abut it rinibu na nga mga taw, ta unupat magkapagtegda-tegdayen na sirat aꞌay. Miyampang si Jesus nga mga alagad ya daꞌan i inaat ya. “Iyan,” maat ya, “magꞌintur kamu it ipagpaꞌalsa it mga Pariseo, isaꞌun daꞌkamu matindakan. Paꞌaaten ku ngayan, adat nira nga pagbete-beteꞌen nira lamang nga magpamayaꞌ it Ampuꞌang Diyus.

Lucas 20:46

“Iyan magꞌintur kamu kat mga manigpaꞌyag it urdin, nga maꞌireg magpanaw-panaw it masagyad i pakayan nira nga pakayan it mataꞌas. Baw kasasagyaan nira nga pagsaluduꞌan in duꞌun it mataawun nga mga rugar. Baw iyan i kaꞌiꞌirgan nira nga adungan in duꞌun it papagsambaan, mga araꞌdungan nga pagpaꞌdungan it mga matataꞌas. Atnaga in duꞌun it pamagkaraꞌnenan.

Lucas 21:1

Duꞌun paꞌ si Jesus it Templo, pagpanigmata ya, naltegan ya i mga manggaden nga magꞌulug duꞌun it pagꞌulugan it pirak nga ipagbegay duꞌun it Templo ngayti.

1 Tesalonica 2:5

Magkaꞌrutan tu it Ampuꞌang Diyus baw maꞌyag gasiꞌ it imyu nga, pangadal namen, egay uyut nga ampang nga magpaꞌdung it taw baw ega gasiꞌ desang piyaribaran namen it kupamirak kami.

Tito 1:16

Mga taw ngaytu, magꞌaat nga magkilala sirat Ampuꞌang Diyus, arit maꞌyag kat pangaꞌgenan nira nga buwa-buwat nira lamang yan, egay kamatuudan. Ka mararaꞌway i adat nira, masusutil, baw alaid duꞌut kanira i kakayaan nga muwat it magagayen.

Santiago 3:1

Mga sulsug ku kat pamayaꞌ, magayen in ega basta-basta magꞌireg i kadakel mi it katengdanan nga manigpangadal it ampang it Ampuꞌang Diyus. Sabap magkaꞌrutan mi na nga kami nga manigpangadal, subraꞌ kami nga ukumanan in ega pagsunudun namen i ipagpangadal namen ngaytu.