Lucas 20:23 - Tagbanwa

²³ Temed pagꞌuꞌrutan ni Jesus nga antap it nakem nira, magpandayaꞌ lamang. Aypaꞌ ka maat yat kanira,

Lucas 20:23 Iomraidhean Croise

Mateo 16:1

Kaꞌsang aldaw, naꞌaduꞌut ki Jesus i may pirang kataawan nga Pariseo baw Saduceo, ka ireg nirang sukda-sukdanan kanya. Aypaꞌ ka pagꞌangutan nira it tandaꞌanan nga maltegan nira duꞌun it langit nga kariꞌgenan ya.

Mateo 22:18

Temed pagꞌuꞌrutan ni Jesus i maraꞌe-raꞌet nga antap it nakem nira. Aypaꞌ ka maat ya, “Matuud nga magbete-beteꞌ kamu nga magpamayaꞌ it Ampuꞌang Diyus. Unuka pagtinggelen mi i liꞌeg ku?

Lucas 20:20

Talagang pagniidan na si Jesus it mga kudakep ngaytit kanya, ka pagꞌelaten niray katimpu sira. Yay binwat nira, may tiyaꞌeg nira nga pirang kataawan nga bilang baklay, nga magbete-beteꞌ it egay antap it nakem nira nga ega magayen. Piyapaꞌaduꞌun sirat ki Jesus ka sigapulun nira kanya kat pagꞌampangen ya, isaꞌun may kadimanda nira kuntraꞌ it kanya, bawnga ipaꞌalima kanya duꞌun it pudir it gubirnadur ngayting magpamegbeg it banwa nira.

Lucas 20:22

Ta unu bayan, uyun duꞌun it ipiyagꞌurdin ni Moises nga mayad tami it barayadan nga ipagpabayad it Romano ngayting Impiradur nga magsasakep it aten? Unu yan, mapakay u ega?”

Lucas 20:24

“Isini mit aken i pirak ngayan.” Pagkakawaꞌ ya, maat ya, “Ta, kasiyuytu nga rikratu baw ngaran i situt pirak ngaytu?” “Ta, kat Impiradur,” maat i tubag nira.

Lucas 5:22

Temed magkaꞌrutan ni Jesus i kat nakem nira ngayti. Aypaꞌ ka maat ya it kanira, “Unuka atkayan i kat nakem mi?

Lucas 6:8

Temed ega nataguꞌ it ki Jesus i pagpikiren nira ngayti. Inaat yay kimay ngayti, “Tindeg. Paꞌasini kat uꞌnaan ngayni.” Egay beken, minlep i kimay baw timnindeg duꞌun it sarungaan it kadakel.

Mga Binwat 13:10

Maat i inampang ya, “Ikaw ngaytu nga taw, subuk nagpaꞌanak ka nat ki Satanas! Purus pangakal baw kalukuwan i muꞌsang pagbuwaten mu. Maski unung kataldengan, pagkalabanen mu. Unu, ega paꞌ pedkanan muy buwat mu ngayan nga pagpakiꞌambutun muy kamatuudan nga ampang it Ampuꞌang Diyus?

1 Corinto 10:9

Kaꞌilangan gasiꞌ, ega sukda-sukdanan tami i Ampuꞌan, nga subung gasit binwat it beken nga mga kaꞌibaan it mga taw ngayti, nga yay napuꞌnan it simnari sirat patay sabap siyari sirat tundaꞌ it mga dalitan nga dukul.

1 Corinto 3:19

Sabap, iyan ipagpabetang it banwa nga magayeng kasepsep, nga ega Ampuꞌang Diyus i pagkilalaen, egay kuwintaꞌ kat panleteg ya. Ka maat i duꞌun it kasuratan it tagnaꞌ paꞌ, “Iyan mga pangtasan na kat adat nga mapiyandaya-dayaꞌ, ipapanaw it Ampuꞌang Diyus nga pandaya-dayaꞌ nira ngayti i ikasigapul yat kanira.”

Efeso 4:14

Ka ireg it Ampuꞌan nga daꞌta na subung it mangaꞌwaꞌ nga magkataban it duꞌun-sini nga panulduꞌ, nga subung sirat sakayan nga maglultaw lamang nga ipagtingbeꞌ-tingbet langeb baw ipagpirpir it deres. Magayen daꞌta na maluku it panulduꞌ it mga taw nga ega magayen i antap it nakem nira ka subung sirat magpangapaꞌ lamang it in siyuy maꞌakalan nira.

Hebreo 4:13

Talagang egay magkataguꞌ duꞌun it Ampuꞌang Diyus. Muꞌsang bagay, maꞌyag kat panleteg ya, baw kanya i panubagan tami nga muꞌsa kat muꞌsang mga binwatan ta.