Lucas 20:22 - Tagbanwa

²² Ta unu bayan, uyun duꞌun it ipiyagꞌurdin ni Moises nga mayad tami it barayadan nga ipagpabayad it Romano ngayting Impiradur nga magsasakep it aten? Unu yan, mapakay u ega?”

Lucas 20:22 Iomraidhean Croise

Nehemias 9:37

Temed kayti, iyan i magpasamunsayaꞌ it mga piyatbasan namen, mga adiꞌ nga piyapandaꞌeg mu it amen sabap it mga kasalaꞌan namen. Kat sakep na nira i bilug namen. Magkasunud nira i in unuy magkaꞌirgan nira. Pati mga ayep namen, pagꞌambuꞌun na nira nga kanira na. Talagang ega naytu basta-basta i kakuriꞌan namen ngaytu.

Mateo 17:25

“Aaꞌ, eeꞌ,” maat i tubag ni Pedro. Pagkaꞌuliꞌ ni Pedro duꞌut balay nga pagꞌiꞌistaran nira, iningkut nga lagi kanya ni Jesus. “Unuy kat pikir mu, Simon? Siyuy pagpabayaden it mga adiꞌ situt banwa it mga barayadan duꞌun it kanira? Sira nga kat pamalay-balay nira u iyan mga sinakepan nira?”

Lucas 20:21

Pagꞌabut it mga taw ngayti, iningkut nira si Jesus. Maat nira, “Manigtulduꞌ, magkaꞌrutan namen nga matuud talagay ipagꞌaat baw ipagpanulduꞌ mu. Talagang ega magꞌaliꞌ ka nga tumulduꞌ it kamatuudan nga kaꞌirgan it Ampuꞌang Diyus, maski siyuy magpagneg.

Lucas 20:23

Temed pagꞌuꞌrutan ni Jesus nga antap it nakem nira, magpandayaꞌ lamang. Aypaꞌ ka maat yat kanira,

Lucas 23:2

Ipiyaꞌapyat na niray dimanda nira nga magꞌaat, “Nadakep namen i itung taw nga magpaneꞌag-teꞌag it mga kabanwa namen. Baw pagpaaren ya gasiꞌ, nga egay magbayad it mga barayadan duꞌun it Impiradur. Baw dungag paꞌ kayan, pagpapamayaꞌnen yay katataawan nga kanyay Cristo ngayting isiyanggup nga magꞌadiꞌ it amen.”

Mga Binwat 5:37

Sumunud sing minwat it atkaytu, si Judas nga taga Galilea, iyan timpu nga paninsus it katataawan. Dakel gasing taw i napasunud ya, temed pagkaꞌimatay gasit kanya, ega nagay liyapusan ka subung nagat tagnaꞌ ngayti, namagkatari-tariwanak gasiꞌ.

Roma 13:7

Aypaꞌ magbayad kamu talaga it in unu nga barayadan i magkaꞌiguꞌ it imyu nga pagbayadan. Baw galangen mi gasiꞌ it may iꞌlam i mga may mataꞌas ngaytu nga katengdanan. Eeꞌ baꞌ, galangen mi i maski siyu nga may katengdanan.

Deuteronomio 17:15

Ta in atkayan, siguruun mi nga iyan lamang i ipaꞌdung mi nga adiꞌ mi, kanya nga piniliꞌ naga it AMPUꞌANG DIYUS mi. Kaꞌilangan nga manengteng nga Israelita i ipaꞌdung mi. Ega mapakay nga dayuꞌan i magꞌadiꞌ it bangsa ta.”