Lucas 20:16 - Tagbanwa

¹⁶ Kanya nay paꞌaduꞌun, ka puuꞌun yay mga siyanaꞌan ya ngayti. Baw ipaꞌarigra ya siꞌ it beken nga manigꞌuma i ubasan ya ngayti.” Ta it nasepsepan it mga taw i pagpapuntuꞌan it iti nga pagꞌalimbawaen ni Jesus, maat nira, “Sana ega naga magꞌabut yan!”

Lucas 20:16 Iomraidhean Croise

Mateo 21:34

Iyan naꞌbut nay timpu nga pararanas nat ubas, tiyaꞌeg it tagpuꞌun ngayti i mga uripen ya ka pisiꞌen nira i kanya nga kabagiꞌan.

Mateo 21:41

Katubag sira, “Siguradu yan nga puuꞌun yay iting mga taw, atna ngayting kararaꞌe-raꞌet it adat, baw ipaꞌarigra ya siꞌ it beken nga mga manigꞌuma, nga iyan i megay it kanya nga kabagiꞌan in timpu nat pararanas.”

Mateo 22:7

Pagkaꞌrut it adiꞌ ngayti, ereꞌeret talagay iseg ya. Piyapaꞌaduꞌun yay mga sundaluꞌ ya, ipiyapuuꞌ i mga mangingimatay ngaytit masigkataw, baw piyasuriban paꞌ i siyudad nira.

Marcos 12:9

Ta kayti, unu yan i buwaten it tagluwak ngaytit ubas? Kanya nay paꞌaduꞌun, ka puuꞌun yay mga siyanaꞌan ya ngayti. Bawnga ipaꞌarigra ya siꞌ it beken nga manigꞌuma i ubasan ya ngayti.”

Lucas 19:27

Baw iyan gasiꞌ nga magkuntraꞌ ngayan it aken, nga ega ireg nira nga pagꞌadiꞌan ku sira, pamisiꞌen mi sira kayti, ka pangimatayen situt adapan ku.’”

Lucas 20:15

Egay beken, riyusuban nira, riyayak duꞌun it liꞌwan it ubasan ngayti bawnga inimatay. Ta, unu nayti i buwaten it kanira it tagluwak ngayti?

Mga Binwat 13:46

Temed miyampang na Pablo, duwa ni Bernabe, it may pagmaꞌiseg it nakem nira. Maat nira, “Kaꞌilangan nga kamuy uꞌnang makagneg it ipagpangadal namen ngaytung ampang it Ampuꞌang Diyus. Temed, it atkayan nga pagdaꞌgaen mi ga, subuk pagꞌukumanen mi i sadili mi nga, kamu, ega mapakay nga begayan it kaꞌgenan nga egay kaskedan. Aypaꞌ, kayti, ega na kamu i tulduꞌan namen, in daꞌga sira nga ega Judio.

Roma 11:1

Ta kayti, itu siꞌ i ingkut ku, unu, manupusan na nga inindiꞌan nat Ampuꞌang Diyus i piniliꞌ ya ngaytung mga taawan ya? Yay matuud, ega. Ka, ungaytu, aku ngaytu. Daꞌga baꞌ esa aku nagang Israelita? Inapuꞌ aku naga ni Abraham baw, kagiyaringanan ku, nanggaring naga kat kuyunang mga tungtung-inapuꞌ ni Benjamin.

Roma 11:11

Ta unuytu, pandaꞌga ngaytu it mga Judio it ki Cristo, pabetang-betang it Ampuꞌang Diyus isaꞌun lamang maꞌilang sirang muꞌsa? Ega naga. Sabap, kat pabetang-betang ya, yay liꞌwan it pandaꞌga nira ngaytu, inabut na gasiꞌ it karibriyan i mga taw nga ega Judio isaꞌun sikayan minggit na sana i mga Judio ngaytu.

Roma 3:31

Ta it atkayan, barang pagpikiren mi nga ipagpabetang namen nga ega nay kapulusan it mga urdin ngaytu nga garing duꞌut Ampuꞌang Diyus, nga ega na kaꞌilangan sunudun it taw? Temed ega. Ega maat magꞌaꞌatkayan, in daꞌga pagpanindegan namen naga.

Roma 3:4

Temed ega. Maski maꞌambut i muꞌsang taw, ega maꞌambut i Ampuꞌang Diyus. Tumanen ya naga i isiyanggup yat mga Judio. Ka may magsusurat naga duꞌun it kasuratan nga magꞌaat, “Isaꞌun matanyag kat matat kadakel nga matuud i mga ampang mu. Baw isaꞌun maski sang unu i batir it taw it imu, limiꞌwan nga purus kataldengan talagay imu.”

Roma 3:6

Ayaw! Ega pikiren i atkayan. Ka in pakugayenen it Ampuꞌang Diyus i kasalaꞌan it taw, magꞌuꞌunu maꞌukumanan ya asan it pagdadarapaꞌen i kasalaꞌan it muꞌsang taw situt sinirungat langit?

Roma 6:15

Ta unu, it kayti nga kat sakep ta na it ildaw it Ampuꞌang Diyus, mapakay na nga sumari ta nat buwat it kasalaꞌan sabap, yanayan, pagsisiguruun ta nga ega yay ikapisiꞌ tat karibriyan, pagsunud ngaytit mga urdin ni Moises? Talagang ega maat magꞌaꞌatkayan.

Roma 6:2

Talagang ega atkayan. Ka kabilangan ta kayti, atnat miyatay na kat tagnang pangaꞌgenan ta nga makasalaꞌan, baw ipiyagꞌugad na kat baꞌgung pangaꞌgenan. Ta unuka mangaꞌgenan ta paꞌ kat kasalaꞌan ngayti?

Roma 7:13

Temed, maat it beken, in talagang matuud nga magayen i urdin ngaytu unuka iyan nagay magtaban it taw duꞌut kamataynen nga egay kaskedang panriga? Ega maat atkayan. Mga urdin, magayen naga temed paggamiten it kasalaꞌan isaꞌun mga taw, sumari nat buwat it karaꞌe-raꞌetan. Aypaꞌ sikaytu ta magkamuyaan in sang unu talagay karaꞌway it kasalaꞌan ngaytu, nga yanayan i magtaban it taw duꞌun it kamataynen nga egay kaskedang panriga, ega maat mga urdin.

Roma 7:7

Ta, unuy ireg sugiden kaytu? Barang pagpikiren mi na nga maraꞌe-raꞌet palan i urdin. Temed ega maat magꞌaꞌatkayan, in daꞌga magayen naga, ka mga urdin it Ampuꞌang Diyus i magtulduꞌ it aten in unuy ega magayen kat panleteg ya. Subung alimbawa it paꞌaaten ngayan nga, “Kuydaw ka it irak.” In daꞌga may itu ngaytung urdin ega naꞌrutan ku nga maraꞌe-raꞌet palan i paꞌaaten ngaytung irak.

Roma 9:14

Ta it atkaytu na unu, maꞌaat tami i Ampuꞌang Diyus nga ega mataldeng i pabetang yat taw? Yay matuud, ega ta maꞌaat i atkayan.

1 Corinto 6:15

Unu bayan, ega paꞌ magkaꞌrutan mi nga, kitang mga magpamayaꞌ, bilang sang bagiꞌ na nga bilug ni Cristo i bilug tami? Ta unu, pisiꞌen tami i sang bagiꞌ ngaytu nga bilug ni Cristo, ka buwaten ta nga sang bagiꞌ nga bilug it babay nga ega magayen i pangaꞌgenan ka ipagpanulus yay bilug ya? Talagang ega mapakay yan.

Galacia 2:17

Temed, kita nga magsarig nat binwat ni Cristo isaꞌun tumaldeng kat panleteg it Ampuꞌang Diyus, in beteꞌ ipabetang tami nga makasalaꞌan it mga kabilug tang mga Judio, sabap ega na pagsunudun tay mga kaꞌurdinan kat nasulagan tami nga rilihiyun, daꞌga nangangaꞌulugan nga manigpabetang-betang it kasalaꞌan si Cristo? Temed talagang ega magꞌaꞌatkayan.

Galacia 3:21

Ta kayti, barang tanud mi kuntraꞌ na kat mga sanggup it Ampuꞌang Diyus i mga urdin ya ngaytu? Temed ega. Lamang nagbelag it puꞌun-sabap i mga urdin baw mga sanggup ngaytu. In beteꞌ may urdin nga magkapisiꞌan it kaꞌgenang egay kaskedan it mga mamagsunud kaytu, simpri yanay panggaringan it tumaldeng na i taw kat panleteg it Ampuꞌang Diyus, iti na, pagsunud it urdin ngayti.

Galacia 6:14

Takaꞌ in aku, alaid nat aken i adat ngayang patuꞌgud. Ega talaga ipagpatuꞌgud ku i sadili ku in daꞌga iyan binwat ni Jesu-Cristo nga Ampuꞌan tami, nga tiyanggung ya i kasalaꞌan tami duꞌun it krus. Ka, sabap it kamataynen ya ngayti duꞌut krus, ipagpabetang ku na nga egay kuwintaꞌ it muꞌsang pagpaꞌresan situt banwa, nga maat yay ipagkatanggap it kanira it Ampuꞌang Diyus. Baw pabetang gasit banwa it aken kayti, taw nga egay kuwintaꞌ, ka pagbaliwalaꞌen ku nay mga bagay ngaytu nga pagpaꞌresan nira.