Lucas 20:14 - Tagbanwa

¹⁴ Arit pagkalteg it mga siyanaꞌan ya ngayti it anak ya na i miyabut, maamaatan sira, ‘Bilaꞌ, wayan nay manunubliyen ngayan! Magayen imatayen tami, isaꞌun maꞌaten nay ubasan ngaytu nga subliyen ya.’

Lucas 20:14 Iomraidhean Croise

Mateo 16:7

Pagkagneg it mga alagad, kimidem-kideman sira nga magꞌaat, “Inaat ya bayan i atkayan ka ega ngaytuy balun tami nga tinapay.”

Mateo 21:25

Ari giyaringan it pudir ni Juan nga mamawtis? Unu, duꞌun it Ampuꞌang Diyus u duꞌun it mga taw?” Pagkagneg nira kayti, remeteng-retengan sira, “In aaten ta, ‘Garing duꞌun it Ampuꞌang Diyus,’ aaten ya siꞌ kita, ‘Ta unuka ega pagpamayaꞌnen mi kanya?’

Mateo 21:34

Iyan naꞌbut nay timpu nga pararanas nat ubas, tiyaꞌeg it tagpuꞌun ngayti i mga uripen ya ka pisiꞌen nira i kanya nga kabagiꞌan.

Lucas 19:47

Bawnga aldaw-aldaw magpanulduꞌ si Jesus duꞌun it Templo ngayti. Temed mga pagbayaꞌen it sasirduti, mga manigpaꞌyag it urdin baw beken nga may mataꞌas nga katengdanan kat mga taw, magtulus sirat ikaꞌimatay nirat ki Jesus ngayti.

Lucas 20:13

Kaꞌampang i tagpuꞌun ngayti, ‘Unuytu i magayen nga buwaten ku? Aaꞌ daꞌga,’ maat ya, ‘magayen siguru, pagmaꞌa-maꞌalen ku na ngaytung anak ku i paꞌaduꞌunun ku. Siguru basta kanya ngaytu, istimaren nira it magayen.’

Lucas 20:15

Egay beken, riyusuban nira, riyayak duꞌun it liꞌwan it ubasan ngayti bawnga inimatay. Ta, unu nayti i buwaten it kanira it tagluwak ngayti?

Lucas 20:19

Egay beken, mga manigpaꞌyag it urdin baw mga pagbayaꞌen it sasirduti, kudakpen nira si Jesus ngayti it iti nga uras, ka nasepsepan nira nga siray pagpaꞌiguꞌan it iti nga pagꞌalimbawaen. Temed magꞌiꞌlam naga sira it kadakel it mga taw ngayti, aypaꞌ daꞌsira naga magkaꞌurum.

Lucas 20:5

Pagkagneg nira kayti, remeteng-retengan sira, “In aaten ta, ‘Garing duꞌun it Ampuꞌang Diyus,’ aaten ya siꞌ kita, ‘Ta, unuka ega pagpamayaꞌnen mi kanya?’

Lucas 22:2

Iyan mga pagbayaꞌen it sasirduti baw mga manigpaꞌyag it urdin, sigi nga pagrundingen nira in magꞌuꞌunu maꞌimatay si Jesus it ega dalaꞌan sirat mga taw. Sabap yanayti, magꞌiꞌlam sira naga it mga taw ngayti nga magkasaga it panulduꞌ ya.

Mga Binwat 2:23

Temed ta, ipiyaꞌalima mi kanya ngaytu duꞌun it mga taw nga ega magkilala it Ampuꞌang Diyus, ka ipiyaꞌimatay mi kanya duꞌun it krus. Temed yay matuud, pagtuman tu lamang it pabetang-betang it Ampuꞌang Diyus.

Mga Binwat 3:15

Baliswaꞌ talagay binwat mi ka, si Jesus ngayti, kanya i puꞌun it kaꞌgenan ta, temed kamataynen i itiyumbas mit kanya. Takaꞌ inggen kanyat Ampuꞌang Diyus it paꞌuliꞌ, baw magpamatuud kami kaytu, ka pagkaꞌgen ya ngaytit paꞌuliꞌ, nakitaan namen naga kanya.

Roma 8:17

Baw ega lamang desang inanak ya na kita, in daꞌga siguradung may kabagiꞌan tami gasiꞌ it kagayenang ibgay ya kat muꞌsang mga anak ya kat pagdadarapaꞌen. Talagang kaꞌuyutan tami ni Cristo it mabagiꞌan it ituꞌun ngaytu. Masiguru tami i kagayenan ngaytu in sagkaꞌen tat masagyay nakem i mga kakuriꞌan nga magꞌabut it aten sabap it pagsunud ta it kanya, nga sikayan subuk magpaꞌuyu-uyut ta it mga siyagkaꞌan ya nga kakuriꞌan.

Hebreo 1:2

Temed kayti, kat aten na ngaytu nga timpu, mismu Anak ya na i magtataban it ampang ya nga miyabut situt aten. Anak ya ngaytu i ipiyatindeg ya nga tumagpuꞌun it muꞌsang bagay baw egay beken nga piyaguna yat muꞌsang mga paryaman nga magkaltegan ta in daꞌga Anak ya naga ngaytu.