Lucas 2:9 - Tagbanwa

⁹ Sakaling minyag i pagꞌaꞌanuꞌan nira ngayti ka miyabut i esang anghil it Ampuꞌang Diyus. Binisaraꞌ sirat singkar ngaytit kabantugan it Ampuꞌang Diyus. Unupat namagꞌiꞌlam na sira.

Lucas 2:9 Iomraidhean Croise

Exodo 16:10

Egay beken, tiningped ni Aaron i kadakel. Magꞌampang paꞌ kanya, namaglawag sira nga muꞌsa duꞌut rugar ngayti nga kapupuyangtan. Sakaling naltegan nira duꞌut kunum i magsilaw na nga kabantugan it AMPUꞌANG DIYUS.

Exodo 16:7

Bawnga dedelem nga kadedelman maltegan mi i kabantugan ya, ka nagnegan yay ipagpakusalaꞌ mi ngaytut kanya. Paꞌaaten namen sabap, kada pakusalaꞌ kamu, kanya i pagkuntraꞌen mi, ega kami.”

Isaias 40:5

Itanyag naytu sikaytu i kabantugan it AMPUꞌANG DIYUS baw maltegan na it muꞌsang katataawan. Kanyaytu mismu i nagꞌaat kaytu.”

Mateo 1:20

Iyan pagpikiren na ni Jose i iti ngayti, nga in unuy magayeng buwaten ya, nanagaynep kanya, nga sakaling may miyabut nga anghil it Ampuꞌang Diyus. Magpaꞌa-paꞌaat it kanya, “Jose, nga tungtung-inapuꞌ ni David, ayaw kat pasurut. Tabusun muy pangasawa mut ki Maria. Ka iyan pagdarugmatiꞌen ya ngayan, kat keseg yan it Espiritu Santo.

Lucas 1:28

Miyabut i anghil ngayti duꞌun it ki Maria baw nagbegay it galang. Miyampang kanya, nga magꞌaat, “Makasagya ka nga banar ka talagang pagꞌildawan ka it Ampuꞌang Diyus. Pagtatarimaen ya talaga ikaw.”

Lucas 2:8

Iting delem, may mga manigꞌeper nga magtatandaꞌ it tupa nira duꞌun it pagpakaꞌnan nga rugar.

Lucas 24:4

Nalibeg i pikiran nira sabap it iti ngayti. Sakaliꞌ nga may duꞌun nat umid nira nga duwang kataawan nga lalaki nga mamagsilaw nay pakayan.

Juan 12:41

Inampang ni Isaias i atkayti sabap it ipiyalteg it kanya in sang unuy kabantugan it mabut nga Cristo, aypaꞌ inampang yay atkayti pasar it kanya.

Mga Binwat 12:7

Sakaling may miyabut nga esang anghil it Ampuꞌan baw minyag nga lagi i duꞌun it seled ngayting pagpipirisuwan it ki Pedro. Giniꞌleng ya si Pedro ka siyulag bawnga miyampang. Maat ya, “Sulag! Magbangun ka! Dali-daliꞌen mu!” Pagkaꞌampang ya kayti, nauꞌbad nga lagi i mga kadina duꞌun it alima ni Pedro.

Mga Binwat 27:23

Naꞌrutan kuytu ka, kat delem, miyabut situt aken i esang anghil. Tiyaꞌeg kanya it Ampuꞌang Diyus, kanya nga magsasakep it aken baw pirmi nga pagsirbiyan ku.

Mga Binwat 5:19

Temed pagdelem, inabriyan i talaꞌep it esang anghil nga tiyaꞌeg it Ampuꞌan ka piyaliꞌwan ya sira.

2 Corinto 3:18

Ta, it kayti nga naꞌawaꞌ na i subuk ipiyayumyum it rupa tami, magkamuyaan ta na i kabantugan it Ampuꞌan, temed ega paꞌ subung it kabantugan ya nga maltegan kat pagdadarapaꞌen. Kabilangan it magkamuyaan kayti, subung paꞌ it magkaltegan duꞌut ega maꞌyag nga salamin. Baw paribasay subuk pirmi tami nga magkamuyaan i kabantugan ya, kat guna it Espiritu Santo nga ipiyapasarum it Ampuꞌan, magsisigi na nga magkabaꞌgu i adat tami, nga magpasbung tami nang muꞌsa it kanya kat kabantugan ya ngaytu.

2 Corinto 4:6

Kayti naꞌyagan tami na ka iyan Ampuꞌang Diyus, kanya nga nagguna it eyag kat keseg it ampang ya isaꞌun ega bulun nga kadleman, kanya nagay minggay it eyag kat pikiran tami isaꞌun makilalaan tami nga banar i kabantugan ya nga magkatantuwan duꞌun it ki Cristo.

1 Timoteo 3:16

Eeꞌ baꞌ, talagang matanug it aten nga muꞌsa nga kalililuꞌan baw mabantug i kamatuudan nga kaꞌlay ngaytu subuk tagu-taguꞌ temed ipiyaꞌrut na pasar it ki Cristo. Ka si Cristo ngaytu, nagbalyung taw kanya. Kataldengan ya nga talagang Anak kanya it Ampuꞌang Diyus, ipiyagpamatuud tu it Espiritu Santo. Naltegan kanya it mga anghil. Baw pasar it kanya i ipagpangadal na kat belag-belag nga bangsa. Dakel na sira nga namayaꞌ nat kanya situt sinirungat langit. Baw kanya, nagpatibung siꞌ duꞌun it langit, duꞌun it kabantugan ya.

Hebreo 12:21

Talagang ipagkapanriꞌsu nat tiꞌdun i magkalawag duꞌut bukid ngayti. Aypaꞌ ka, pati si Moises, nakaꞌampang na nga magꞌaat, “Magyegyeg aku na baytut iꞌlam.”

Mga Ipiyalteg 18:1

Pagkatupus kayti, naltegan ku nga may esa sing anghil nga magpapasalu garing duꞌun it langit. Mataꞌas nga banar i katengdanan ya. Minyag i muꞌsang banwa sabap it singkar it kabakas ya.

Mga Ipiyalteg 20:11

Pagkatupus siꞌ kayti, iyan siꞌ i naltegan ku, dakulaꞌ baw maputiꞌ nga araꞌdungan it adiꞌ baw kanya nga magꞌaꞌdung duꞌun. Baw sabap it magꞌaꞌdung na kanya ngayti duꞌun, nagsipat nay langit baw banwa, ega nay maltegan pat sumaꞌup.