Lucas 2:7 - Tagbanwa

⁷ Ipiyanganak ya na i anak ya nga panganay nga lalaki. Bawnga uyun it adat nirat iting timpu, biyedbedan yat magayen it mga ramba-rambay i waꞌwaꞌ ngayti. Ipiyaliꞌtid ya duꞌun it papakaꞌnan it ayep, ka duꞌun mana ngayti i kanirang napaꞌabutan, it papaꞌlungan it mga ayep, sabap daꞌnay rugar nira duꞌun it pagpaꞌabutan nga mga seled nga duꞌut dibwat. Talagang sageksek na.

Lucas 2:7 Iomraidhean Croise

Genesis 42:27

Iyan delem na, nga duꞌun na sirat igaꞌan nira, inukad it sang kataawan i kanyang sakuꞌ ka begayan yat kaꞌnen i asno ya. Pagꞌukad ya, magsasagpaw naga duꞌun i ipiyagꞌalang ya ngayti!

Genesis 43:21

iyan duꞌun kami nat naꞌigaꞌan namen, inukad namen i mga sakuꞌ namen ngayan. Naparagan namen duꞌut seled ya i ibiyayad namen ngayat inalang nameng pangaꞌen situ. Egay kurang ya, iti nagang pirak nga ipiyagbayad namen. Waytu nagaytu, taban namen naga kayti, ipagꞌuliꞌ namen naga situt imyu.

Isaias 7:14

Aypaꞌ AMPUꞌANG DIYUS na ngaytu i megay it imyu it imandaꞌan, imandꞌan nga dumarugmatiꞌ i esang babay nga ega paꞌ naglabay it lalaki. Sumakit nga anak ya, lalaki. Emmanuel i ipangaran it kanya.”

Mateo 1:25

Temed ega riniꞌe-riꞌeng ni Jose si Maria seked it ega paꞌ simnakit i pagbebtengen ya ngayti, nga si Jesus na ngayti i ipiyangaran ya.

Mateo 13:55

Daꞌga baꞌ anak tu it karpintiru? Daꞌga baꞌ si Maria i inaꞌ kaytu baw daꞌga baꞌ mga ariꞌ ya nga lalaki, si Santiago, si Jose, si Simon baw si Judas?

Mateo 8:20

Katubag si Jesus, maat ya, “Unu, matuud yan? Magayen demdemen mu nga may mga luꞌguꞌ it mga bunglun baw mga manu-manuk, may mga pugad nirat kanira. Temed aku nga Taga Langit nga Ipiyanganak it Taw, egay tandaꞌ nga pagꞌistaran ku, in daꞌga maski ari na lamang.”

Lucas 10:34

Inlep ya baw inubaꞌubat yat irimnun baw lana i mga bungad it taw ngayti bawnga piyamegkes. Pagkabegkes ya, ipiyasakay ya nay taw ngayti duꞌun it pagsasakayan ya nga ramu-ramu. Tiyaban ya duꞌun it esang pagpaꞌabutan nga balay nga pagbayadan i igaꞌ, ka inarigra ya duꞌun.

Lucas 2:6

Nadnganan nat duꞌun sira i pagsakit.

Lucas 2:8

Iting delem, may mga manigꞌeper nga magtatandaꞌ it tupa nira duꞌun it pagpakaꞌnan nga rugar.

Juan 1:14

Si Jesus ngaytung pagpangaranat Ampang, nagbalyung taw bawnga nanaꞌidan situt banwa nga kaꞌibaan tami. Nagpasar tu kat mata namen i kabantugan ya, nga kabantugan ya ngaytu, kabantugan it paeꞌesa-esang Anak it Diyus Amaꞌ. Natantuwan namen gasiꞌ i kadakulat ildaw ya baw kamatuudan talaga i muꞌsang ipiyaliꞌwan ya.

2 Corinto 8:9

Ka daꞌga baꞌ magkaꞌrutan mi na in sang unu talaga i kadakulaꞌ it kaꞌildaw it Ampuꞌan tami nga si Jesu-Cristo, nga maski ega babasta-bastaen i kabantugan baw kataꞌasan ya duꞌut langit, nagpabalyu nga subuk timawaꞌ nga miskin isaꞌun, kat pagkamiskin ya ngayti, magmanggaden kamu it kagayenan nga duꞌun it langit.

Galacia 4:4

Temed iyan naꞌbut nay ipiyagtirminu nga timpu, tiyaꞌeg it Ampuꞌang Diyus i Anak ya nga paꞌasitu. Nagbalyu kanya nga taw nga ipiyanganak it esang babay, baw nangaꞌgenan kanya kat pagpasakep it mga ipiyagꞌurdin it Ampuꞌang Diyus duꞌun it mga Judio,