Lucas 2:49 - Tagbanwa

⁴⁹ Katubag si Jesus, nga maat ya, “Inaꞌ, unuka pagtulusun mi aku? Unu, daꞌga naꞌrutan mi nga kaꞌilangan situ aku it balay ngaytut Amaꞌ ku?”

Lucas 2:49 Iomraidhean Croise

Malakias 3:1

Maat siꞌ it AMPUꞌANG DIYUS nga landaw nga gunaan, “Yay matuud, may paꞌasanen ku nga taꞌgen ku. Kanyay makauꞌna it aken, ka asikasuun ya i panawan ku. Bawnga iyan Ampuꞌan nga pagtulusun mi, biglaꞌ yan nga mabut asan it Templo ya. Talagang mabut yan i pagꞌeꞌlaten mi ngayan, kanya nga patindeg it pakiꞌupakat ku,” maat it AMPUꞌANG DIYUS.

Mateo 21:12

Siminled si Jesus duꞌun it Templo. Piyangimugaw yay mga manigpaꞌalang baw mamagpangalang nga duꞌun it piyakakamaꞌyagan ya. Baw ipiyamagpakleb yay mga lamisaan it mga maniggantit pirak baw mga araꞌdungan it mga manigpaꞌalang it kalapatiꞌ.

Lucas 2:48

Pagkalteg na Jose, naliluꞌ gasiꞌ sirat kanira. Maat it inaꞌ ya ngayti, “Dunguꞌ, unuka atkaytuy pabetang mut amen, it masyadu nay keber-keber it seled namen it amaꞌ mu it magtulus it imu? Tanud namen in naꞌunu ka na.”

Juan 4:34

Pagkamuya ni Jesus kayti, maat yat kanira, “Iyan bay paꞌaaten ku ngayan nga pangaꞌen ku, sunudun kuy kaꞌirgan it nagtaꞌeg it aken it paꞌasitu baw tumanen i iyan nga ipagpabwat yat aken.

Juan 5:17

Ta it atkayti, inaat sira ni Jesus, “Iyan Amaꞌ ku, sigi nga buwat nga pangildaw. Ta atkayan naga i aken.”

Juan 5:36

Temed may pamatuud pasar it aken nga subraꞌ paꞌ it pamatuud ngaytu ni Juan. Iyan mga pagbuwaten ku nga ipagpabwat it aken it Amaꞌ ku, iyan i magpamatuud nga aku, tiyaꞌeg it Amaꞌ it paꞌasitu.

Juan 6:38

Sabap nanlampud aku nga garing duꞌut langit, ega enged ku, buwaten ku i sadili ku nga kaꞌirgan, in daꞌga iyan kaꞌirgan it nagtaꞌeg it aken.

Juan 8:29

Pirmi nga iba ku i nagtaꞌeg it aken. Ega pagpablagan ya aku, sabap it iyan i pirmi ku nga pagbuwaten, iyan nga magkasagyaan ya.”

Juan 9:4

Kaꞌilangan kita, buwaten tami i mga ipagpabwat it Ampuꞌang Diyus, kanya nga nagtaꞌeg ngaytit aken it paꞌasitu. Kaꞌilangan buwaten tami mintras egen tami paꞌ ka yay subuk aldawun. Sabap in patay na, ega nay rugar nga muwat, kabilangan ya delemen na. Ta, siyu pay makabwat? Daꞌga ega na?