Lucas 2:41 - Tagbanwa

⁴¹ Taꞌun-taꞌun, kada maꞌbut i Pistaꞌ it Tiyaꞌliban, magpaJerusalem i mga giyaringan ngayti ni Jesus.

Lucas 2:41 Iomraidhean Croise

Exodo 12:11

Ta, atkaytu na i kabetangan mi it magkaraꞌnen. Magpapakay kamu na nga lagi it pamamanaw nga pakayan. Magtatalumpaꞌ na baw pagseskelen nay sungkud. Dali-daliꞌen mi it kumaꞌen. Pangaran it itu nga pagkaraꞌnen, Tiyaꞌliban it AMPUꞌANG DIYUS.

Exodo 12:14

Baw iti nagang aldaw i ipagpistaꞌ mi magtungtung-magꞌinapuꞌ. Ka pistaꞌ mi ngaytu situt aken nga AMPUꞌANG DIYUS i ipagpademdem it imyu it binwat ku ngaytu. Kaꞌilangan atkaytu i buwaten mi it seked maꞌlay nga banar.”

Lucas 2:42

Iyan sang puluꞌ baw duwa na nga taꞌun i idad ni Jesus ngayti, piyabayaꞌ na nirat nagparagiꞌ siꞌ it pistaꞌ nga pagbuwaten nirat kaꞌlay.

Juan 11:55

Magꞌadeꞌdeng siꞌ i pistaꞌ it mga Judio ngayting pagpangaranat Pistaꞌ it Tiyaꞌliban. Dakel nga taga prubinsiya nga naꞌaduꞌut Jerusalem parabir mabut i pistaꞌ, isaꞌun mabwat nira i mga kaꞌugaliꞌan nira nga panlimpiyuꞌ.

Juan 13:1

Naꞌbut nay papuꞌun na it Pistaꞌ ngaytit Tiyaꞌliban. Si Jesus ngayti, magkaꞌrutan ya nang lagi nga naꞌbut nay timpu nga ilꞌid ya situt banwa ngaytu, ka muliꞌ na duꞌun it Amaꞌ ya. Talagang pagmaꞌalen yay mga alagad ya nga situt banwa ngaytu. Ta kayti, ipiyalteg ya na in sang unuy kadakulat pagmaꞌal ya ngayti it kanira.

Juan 2:13

Iyan masepek nay ipagpistaꞌ it mga Judio it pistaꞌ nira nga pagpangaranat Tiyaꞌliban, nagpaJerusalem si Jesus.

Juan 6:4

Magꞌadeꞌdeng siꞌ i ipagpistaꞌ it mga Judio it Pistaꞌ it Tiyaꞌliban.

1 Samuel 1:21

Pagsaylu sit taꞌun, naꞌaduꞌun siꞌ na Elcana it Silo, ka sumamba siꞌ sirat AMPUꞌANG DIYUS. Subung nat pagbuwaten nira it taꞌun-taꞌun, magsamba sira it may pagꞌantengen nga ramu-ramu. Baw iting taꞌun, puyrat pagꞌantengen nira ngayting ipagsamba, may antengen yang ramu-ramu nga pagtuman yat esang isiyanggup ya.

1 Samuel 1:3

Kada taꞌun magpaꞌaduꞌun si Elcana it Silo ka duꞌun i papagsambaan nirat AMPUꞌANG DIYUS nga landaw nga gunaan, ka muwat it ipagsamba nga may uyut nga pagꞌantengen. Yay mga sasirduti duꞌun, duwang mga anak ni Eli nga si Ofni baw si Finees.