Lucas 2:34 - Tagbanwa

³⁴ Bawnga piyatdekan ni Simeon it ampang nga paꞌildaw na Jose ngayti duwa ni Maria, baw maat pay paꞌugdun ya, “Maria, matuud i iꞌaat ku pasar it itung waꞌwaꞌ. Talagang ipiyabetang-betang it Ampuꞌang Diyus nga sabap it waꞌwaꞌ ngaytu, dakel tami nga mga Judio nga maribri, temed dakel nagay beken nga maꞌilang ka daꞌsira kupasakep it kanya. Sabap kanyay bilang tandaꞌanan nga magtulduꞌ it dalan nga magpaꞌaduꞌun it Ampuꞌang Diyus, temed ta, dakel i pakiꞌambut it panulduꞌ ya ngaytu.

Lucas 2:34 Iomraidhean Croise

Genesis 14:19

Miyampang kanya it ampang nga paꞌildaw. Maat ya, “Ildawan ka sana, Abram, it Ampuꞌang Diyus nga Piyakamataꞌas, kanya nga gimnuna it banwa baw langit.

Genesis 47:7

Piyabayaꞌ gasiꞌ ni Jose i amaꞌ ya ngayti nga si Jacob ka ipiyakilala ya it adiꞌ. Pagꞌabut ni Jacob, yapaꞌ kapagsugi-sugid sira, nakatupus si Jacob it ampang ya nga pagpaꞌildawan yay adiꞌ ngayti.

Exodo 39:43

Muꞌsa ngayti, inimuyaꞌ ni Moises it magayen bawnga miyampang kanyat ampang nga paꞌildaw kat bilug it mga taw ngayti, ka namuyaan ya nga nasunud nga muꞌsa i kumpur ipiyagꞌurdin it AMPUꞌANG DIYUS nga pamwat.

Mateo 11:19

Bawnga aku, nga Taga Langit nga Ipiyanganak it Taw, magpakikaraꞌnen baw magꞌinum it pagꞌimnun ta. Ta, pagꞌaaten it katataawan, ‘Letganan mi bay iyang taw, saꞌbangan baw makuꞌinum, iba-iba kanya it mga malulupig nga manigpabayad it barayadan baw beken nga mga makasalaꞌan.’ Temed lamang atkayan, matanyag nga tamaꞌ naga i panulduꞌ namen ni Juan sabap it tanaꞌan ya kat pangaꞌgenan it mga magpamayaꞌ.”

Mateo 12:46

Magꞌampang paꞌ si Jesus ngayti duꞌun it kadakel, miyabut i inaꞌ ya baw mga ariꞌ ya. Duꞌun lamang sirat liꞌwan, magꞌelat it ki Jesus ka kupakisugi-sugid sira.

Mateo 21:44

Sepsepen mi tu. Kada temdag situt pakseg ngaytu nga batu, siguradu nga mabekar-bekar. Temed iyan tedagan it batu ngaytu, talagang maremek-remek.”

Mateo 27:63

Pagꞌabut maat nira, “Tabing galang it imu, palan nademdeman namen nga inaat it magpangambuꞌ ngayan it iyan egen paꞌ, nga egnen naga kanya it paꞌuliꞌ pagꞌikatlung aldaw.

Lucas 2:35

Ta sikayan matantuwan i kat nakem it katataawan. Baw yay matuud, mapurun bay nakem mu nga subung it sakit it nasudyuk i pusuꞌ mu it madaꞌun nga karis.”

Juan 3:20

Iyan magbuwat ngaytut karaꞌe-raꞌetan, talagang ega ireg yay tidaw ngaytu. Ega ireg yang patpad ka maꞌyagan i buwat ya nga maraꞌe-raꞌet.

Juan 5:18

Pagkagneg it mga Judio ngayti, miyereꞌeret nay iseg nira. Kuꞌimatayen nira nang banar si Jesus, sabap ega lamang riyanggaꞌ yay urdin nira pasar it Aldaw it Kapaꞌnaan, in daꞌga pagꞌaaten ya paꞌ nga Amaꞌ yay Ampuꞌang Diyus, intuntis nga magpasbung kanya it Ampuꞌang Diyus.

Mga Binwat 13:45

Temed mga Judio, pagkamuya nirat dakel na ngayting banar i natingped nga ega Judio, mininggit sirang banar. Aypaꞌ, kada ampangen ni Pablo, pagsariyen nirat batir, uyut i diyampaꞌ.

Mga Binwat 17:6

Ta it egay naparagan nira nga na Pablo duꞌun, iyan nay riyayak nira, si Jason baw beken nga mga magpamayaꞌ, ka iyan nay tiyaban nira duꞌut mga punuꞌan. Ipaggaꞌu-gaꞌuy na nira nga magꞌaat, “Naꞌbut nay ateng rugar it mga taw ngayting magpanggulu it kada abutun nirang rugar.

Mga Binwat 24:5

Ka, itung taw, namuyaan namen nga mapiyanggulu talaga. Buwat ya, magpanlekep-lekep it muꞌsang kababanwaan ka pagpaꞌulu-uluwan yay mga Judio nga manggulu. Esa kanya gasing pagbayaꞌen it mga taw ngayting pagpangaranat Nazaretanen.

Mga Binwat 28:22

Takaꞌ, it situ ka na, ireg nameng magnegan in unuy masugid mu sabap it pamayaꞌ mu ngaytu. Ka iyan lamang i magkaꞌrutan namen nga, maski aring banwa, talagang pagkuntraꞌen i mga magpamayaꞌ it iyan nga pagꞌadalan.”

Mga Binwat 4:26

Ka namagꞌupa-upakaten nay mga adiꞌ situt sinirungat langit baw alistu nay mga pagbayaꞌen. Ka maat labanan nira i Ampuꞌang Diyus, baw Cristo nga Manriribring Adiꞌ nga isiyanggup ya.’

Mga Binwat 6:7

Ta, subraꞌ na nga nasarunga nira i panulduꞌ nirat ampang it Ampuꞌang Diyus. Kamatuudan, talagang dimnakel nang banar i mga magpamayaꞌ duꞌut Jerusalem. Pati mga sasirduti dakel na gasing namayaꞌ.

Roma 9:32

Kaꞌaiꞌ? Unuka atkaytu? Sabap tanud nira, ipabetang sira nga mataldeng in paꞌresan niray pagsunud it mga urdin. Ega naꞌbut it pikiran nira nga mapisiꞌ lamang kat pamayaꞌ baw pagsarig it ki Cristo i pagtaldeng ngaytu. Aypaꞌ limniꞌwan nga si Cristo ngaytu, dakulang kakekleban nira.

1 Corinto 1:23

Temed iyan bay ipagpangadal namen ngaytu, si Cristo nga iriyansang ngaytu duꞌun it krus. Kat mga Judio, kakekleban nira i ituꞌun ngaytu. Kat mga ega Judio, ipagpabetang nira nga kaꞌengel-engelan lamang.

Hebreo 7:1

Ka ituꞌun, si Melquisedec ngaytu, adiꞌ tu duꞌun it Salem it timpu paꞌ ni Abraham, baw sasirduti paꞌ it Ampuꞌang Diyus nga Subrang Piyakamataꞌas. Kanya na ngaytu i simnusmu it kana Abraham nga mamagꞌuliꞌ na i garing miyusig it mga adiꞌ nga nanrumpak. Pagkasusmu yat ki Abraham miyampang kanyat ampang nga paꞌildaw isaꞌun ildawan si Abraham ngayti it Ampuꞌang Diyus.

Hebreo 7:7

Talagang urut tang muꞌsa nga iyan magpatdek it ampang nga paꞌildaw, subrang mataꞌas kanya it taw nga pagpatdekan ya.

1 Pedro 4:14

Magkasagya kamu naga in pagtibabaꞌen kamu sabap it pamayaꞌ mi it ki Cristo, sabap magpamatuud nga pagsasaruman kamu na it mabantug nga Espiritu Santo it Ampuꞌang Diyus.

1 Samuel 2:20

Na Elcana ngayti duwa sirat asawa ya ngayti nga si Ana, pirmi nga pagpatdekan ni Eli it ampang nga paꞌildaw nga magꞌaat, “Sana ildawan kamu it AMPUꞌANG DIYUS it beken nga anak, isaꞌun may bilang ganti naga it anak mi ngaytu nga inangut kat panalangin, nga kabilangan ya ipiyagbegay mi na it AMPUꞌANG DIYUS.” Pagkatiwas nirat pagbuwaten nira, miyuliꞌ na sira.