Lucas 2:3 - Tagbanwa

³ Aypaꞌ ka muꞌsang taw, naꞌaduꞌun it in unu nga lansangan i lansangan it giyaringan nira ka pasinsus duꞌun.

Lucas 2:3 Iomraidhean Croise

Genesis 23:10

Itu palan, si Efron ngayti, duꞌun nagat katiꞌmesan it mga Heteo ngayting pagꞌupakaten ni Abraham. Egay beken, miyampang kanya nga pagdedngegen it puꞌsa ngayti nga natiꞌmes duꞌun it puwirtaꞌan it siyudad nira ngayti nga kanirang papagsurugidenan.

Lucas 2:1

Kat iting timpu, ipiyagꞌurdin it Romano nga Impiradur nga si Agusto nga sinsusun i muꞌsang taw nga sakep it Roma.

Lucas 2:2

Binwat tuy uꞌna ngaytu nga paninsus iyan si Cirenio i gubirnadur it Siria.

Lucas 2:4

Ta napanaw na gasiꞌ si Jose it kanya. Garing duꞌun it Nazaret nga sakep it Galilea, naꞌaduꞌun kanyat Betlehem nga sakep it Judea, lansangan nga siyakitan it adiꞌ it tagnaꞌ nga si David, sabap si Jose, tungtung-inapuꞌ it adiꞌ ngayti.

Lucas 2:5

Iba ya it naꞌaduꞌun, si Maria nga inasawa ya, lamang ega paꞌ nagdemket sira. Kusasakiten nay beteng ni Maria ngayti.