Lucas 2:26 - Tagbanwa

²⁶ Ta, natantuwan ya kat panakem it Espiritu Santo ngayti nga ega paꞌ matay kanya seked it ega paꞌ naltegan ya i Cristo ngayting isiyanggup it Ampuꞌang Diyus.

Lucas 2:26 Iomraidhean Croise

Mateo 2:12

Iyan panguliꞌ na nira, pagdelem ipiyatagaynep it kanira it Ampuꞌang Diyus nga magꞌaat, daꞌsira na mamsag duꞌun it ki Herodes. Aypaꞌ ka duꞌun nat belag nga dalan i piyanawan nirat miyuliꞌ.

Lucas 2:29

“Agalen ku, aku ngayni nga manigsirbi mu, maski baiꞌen mu nay ginawa ku, uyun kat isiyanggup mut aken.

Lucas 9:27

Matuud talagaytu i iꞌaat ku ngaytut imyu, nga may pira situ kayti nga ega matay seked it ega naltegan niray pangabut it kaꞌadiꞌan it Ampuꞌang Diyus.”

Juan 1:41

Liyalangbus ni Andres it maduꞌun i sulsug ya ngayting si Simon. Pagꞌabut ya, maat ya, “Nakitaan namen nay Adiꞌ ngayan nga isiyanggup it Ampuꞌang Diyus” (nga ireg sugiden, Cristo).

Juan 20:31

Temed iyan mga magsusurat situ, isiyurat tu ka isaꞌun mamayaꞌ kamu nga si Jesus na ngaytu i isiyanggup nga Manriribri baw kanyay Anak it Ampuꞌang Diyus. Baw kat pamayaꞌ baw pakilagpit mit kanya, siguradu nga maꞌimyu i kaꞌgenan nga egay kaskedan.

Juan 4:29

“Daliꞌ mi na! Mayaꞌ kamut aken! May taw baꞌ duꞌun nga nakasugid yay kumpur nabwat ku. Barang yanayti i Cristo ngayang isiyanggup.”

Juan 8:51

Kamatuudan tuy pagꞌaaten ku ngaytu, nga in siyu-siyu nga magpangaꞌgenan uyun kat mga ipagtulduꞌ ku ngaytu, ega na labayen yay kamataynen.”

Mga Binwat 10:38

Si Jesus ngaytu nga taga Nazaret, piniliꞌ kanya baw ipiyasiguru it Ampuꞌang Diyus kat Espiritu Santo nga piyapasarum duꞌun it kanya baw kat ega basta-bastang guna nga ibinggay it kanya. Nanlepkep-lekep kanya it banwa namen, nga magbuwat it mga magagayeng buwat, baw piyagayen ya i pati mga pagpapulpugun it maraꞌe-raꞌet, kat keseg it tabang it Ampuꞌang Diyus nga duꞌun it kanya nga pirmi.

Mga Binwat 17:3

Ipiyagpaꞌyag ya i magbebtang duꞌun, nga kaꞌilangan maꞌimatay baw maꞌgen it paꞌuliꞌ i Cristo ngayting Manriribring Adiꞌ nga isiyanggup it Ampuꞌang Diyus. Baw ipiyagꞌaat ya pang beken it kanira, nga maat ya, “Si Jesus na ngaytu nga ipagpangadal kut imyu, kanya na ngaytu i Cristo nga paꞌaaten.”

Mga Binwat 2:36

Aypaꞌ kayti, ipagrapar ku nat imyu nga mga tungtung-inapuꞌ ni Israel i kamatuudan ngaytu, nga si Jesus ngaytu nga ipiyaransang mi duꞌun it krus, ipiyatindeg kanyat Ampuꞌang Diyus nga Ampuꞌan baw Manriribring Adiꞌ tami nga muꞌsa.”

Mga Binwat 9:20

Buwat ya, nagpapuꞌun nga lagi it mangadal duꞌun it mga papagsambaan it mga Judio pasar it ki Jesus, nga kanya talagay Anak it Ampuꞌang Diyus.

Hebreo 11:5

Ta, sabap gasiꞌ it keseg it pamayaꞌ, si Enoc, ega miyatay. Ipiyagꞌugad na lamang kanya it Ampuꞌang Diyus duꞌun it ikadwang kaꞌgenan. Talagang ega na nakita-kitaan kanya ka ipiyagꞌugad nga matuud. Ka inaat naga duꞌun it kasuratan nga talagang, si Enoc, pagsagyaan nga pirmi it Ampuꞌang Diyus, aypaꞌ ka ipiyagꞌugad na lamang kanya.