Lucas 2:25 - Tagbanwa

²⁵ Kat iting timpu, may esang lalaki duꞌut Jerusalem nga si Simeon i ngaran. Mataldeng kanya kat panleteg it Ampuꞌang Diyus baw masiyambaen paꞌ. Talagang maꞌlat kanyang banar it isiyanggup nga Cristo nga rimibri it bangsa nira nga Israel. Baw pagsasaruman kanya it Espiritu Santo.

Lucas 2:25 Iomraidhean Croise

Genesis 6:9

Talagang si Noe ngayti, mataldeng kanya kat panleteg it Ampuꞌang Diyus. Kat iting timpu, kanya lamang i magayen nga adat it taw, ega nay beken. Talagang pagpaꞌresan ni Noe i kaꞌirgan it Ampuꞌang Diyus nga bilang kaꞌiba-iba ya nga pirmi.

Isaias 40:1

Ituy taꞌeg ku it imyu, aku nga Ampuꞌang Diyus nga nagpatindeg it imyu. Pasagyaen mi i nakem it mga taw nga piniliꞌ ku nga mga taawan ku.

Marcos 15:43

miyabut si Jose nga taga Arimatea, esang mabantug nga ginuꞌu nga pagkilalaen nga mataꞌas, nga kaꞌuyutan it Sanedrin. Subung it mga babay ngayti, esa kanya nga magpaꞌbut it kaꞌadiꞌan it Ampuꞌang Diyus. Nangaas kanya nga naꞌaduꞌun it ki Pilato ka inangut yay bilug ni Jesus.

Lucas 1:41

Pagkagneg ni Elisabet it pangumusta ngayti ni Maria, kimnuliꞌget i waꞌwaꞌ nga pagbebtengen ya, dengan it piyasaruman it Espiritu Santo si Elisabet ngayti.

Lucas 1:6

Baw talagang duwa sira ngayti magꞌasawa, mataldeng i pangaꞌgenan nira kat panleteg it Ampuꞌang Diyus. Pagsunudun nirat magayen i mga urdin baw kaꞌirgan ya.

Lucas 1:67

Si Zacarias ngayti, piyasaruman kanya it Espiritu Santo bawnga miyampang kanya, nga magꞌaat,

Lucas 2:38

Ega paꞌ natupus i ampang ni Simeon ngayti, minlep na duꞌut kana Jose si Ana ngayti. Nagpasalamat kanya duꞌun it Ampuꞌang Diyus. Bawnga siging tuturan ya pasar it waꞌwaꞌ ngayti duꞌun it maski siyung beken nga maꞌlat nagat panribri it kanira nga mga Judio.

Mga Binwat 10:2

Iting taw, maski ega Judio kanya, masiyambaen kanya baw paggalangen ya it may iꞌlam i Ampuꞌang Diyus. Atnaga i kapuꞌsaan kat pamalay-balay ya. Talagang matiyabangen kanya it mga makukuriꞌ baw pirmi gasing magpanalangin duꞌun it Ampuꞌang Diyus.

Mga Binwat 10:22

Itiyuturan na niray enged nira. Maat nira, “Amay, panaw namen ngaytu, tiyaꞌeg kamit pagbayaꞌen namen nga si Cornelio. Esa kanyang kapitan it sundaluꞌ duꞌut Cesarea. Itu nga taw, mataldeng kanya kat panleteg it Ampuꞌang Diyus nga paggalangen ya it may iꞌlam, baw pagdaya-dayawun kanya it muꞌsang mga Judio duꞌun it rugar namen. Inaat kanyat esang anghil it Ampuꞌang Diyus nga ipapisiꞌ ya ikaw situ ka papaꞌaduꞌunun kat balay ya, isaꞌun makagneg kanya it mga makapaꞌyag mu.”

Mga Binwat 2:5

Ta, kat iting timpu, may duꞌun nat Jerusalem nga mga Judio nga namaggaring duꞌun it belag-belag na nga kababanwaan situt sinirungat langit. Mga taw ngayti, masiyambaen naga sirat Ampuꞌang Diyus.

Mga Binwat 24:16

Sabap it itung mga bagay nga pagpamayaꞌnen ku, pagpaꞌresan ku nga egay mabwat kung kamaliꞌ kat panleteg it Ampuꞌang Diyus u masigkataw ku.

Deuteronomio 18:15

Ka may ipatindeg it AMPUꞌANG DIYUS kat mga kabilug mi nga esang prupitaꞌ nga subung nagat aken. Kaꞌilangan pagnegan mi kanyat magayen.

2 Pedro 1:21

Ka talagang ega kat pikiran it taw lamang i piyanggaringan it mga isiyurat ngaytu, in daꞌga mga prupitaꞌ ngayti, piyanakman sirat Ampuꞌang Diyus it in unuy kusugiden ya, kat ipiyapasarum ya nga Espiritu Santo.