Lucas 2:21 - Tagbanwa

²¹ Pagꞌikawalung aldaw, nga aldaw nga ituriꞌ baw ipangaran it waꞌwaꞌ, si Jesus i ipiyangaran it kanya, ka iti i inaat it anghil nga ipangarat kanya, parabir diyarugmatiꞌ i waꞌwaꞌ ngayti.

Lucas 2:21 Iomraidhean Croise

Genesis 17:12

Talagang muꞌsang ipanganak nga lalaki mi garing kayti magtungtung-magꞌinapuꞌ, kaꞌilangan turiꞌan pagꞌabut it ikawalung aldaw. Kaꞌilangan turiꞌan gasiꞌ i mga kaꞌuripnan mi baw mga taw nga ipiyaꞌalang it imyu. Maski ega kat duguꞌ mu, kaꞌilangan nagang turiꞌan, basta kat seled it pamalay-balay mi.

Mateo 1:21

Lalaki yan i sumakit. Si Jesus i ipangaran mu, sabap kanya i rimibri it mga taawan ya kat mga kasalaꞌan nira.”

Mateo 1:25

Temed ega riniꞌe-riꞌeng ni Jose si Maria seked it ega paꞌ simnakit i pagbebtengen ya ngayti, nga si Jesus na ngayti i ipiyangaran ya.

Mateo 3:15

Temed katubag si Jesus, “Pataꞌnan mu lamang i magꞌabut ngaytu kayti. Sabap itu naga i mapakay nga buwaten ta, ka dapat ta nga buwaten i muꞌsang kataldengan nga ipagpabwat it Ampuꞌang Diyus.” Yapay pamayaꞌ ni Juan ngayti.

Lucas 1:31

Pagnegan muy isugid kut imu. Dumarugmatiꞌ ka. Sumakit yan, lalaki. Si Jesus i ipangaran mu.

Lucas 1:59

Iyan nakawalu na, nga aldaw nga ituriꞌ baw ipangaran nat waꞌwaꞌ, namagparagiꞌ sira. Tanud nira, si Zacarias i ipangaran, ka ipaslun nagat ngaran it amaꞌ ya.

Filipos 2:8

Kamatuudan, pagmangintaw ya situt banwa, nagpababaꞌ kanya baw masunud nga banar it kaꞌirgan it Diyus Amaꞌ, maski ikiyagtas it ginawa ya. Eeꞌ baꞌ, maski kamataynen nga ipagransang duꞌun it krus, ega talaga diyaꞌga ya.