Lucas 2:15 - Tagbanwa

¹⁵ Iyan nagsipat nay mga anghil ka miyuliꞌ na duꞌun it langit, maamaatan i mga manigꞌeper ngayti, “Bilaꞌ, paꞌaduꞌun tami baytu it Betlehem. Baꞌnawun tami i ipiyaꞌrut ngaytu it aten it Ampuꞌang Diyus.”

Lucas 2:15 Iomraidhean Croise

2 Mga Adiꞌ 2:1

Iyan miyabut nay aldaw nga pisiꞌen nat AMPUꞌANG DIYUS si Elias ngayti ka tabanen na duꞌun it langit, nga ripu-ripu i tumaban, nadnganan, magpanaw sira ni Eliseo nga garing duꞌut Gilgal.

2 Mga Adiꞌ 2:11

Sigi nang sugi-sugid nirat mamagpanaw ngayti, bati-batiꞌan nira, nagpatngaꞌ duꞌut kanira i esang sarakayan it magpakibunuꞌ nga magdeleg na, pagguguyudun it mga kabayuꞌ nga mamagdeleg na gasiꞌ. Nakapagbelag na sira ka si Elias ngayti, tiyaban na duꞌut langit it ripu-ripu.

Exodo 3:3

“Unuka atkayan?” maat ni Moises. “Daꞌga patpadan ku baꞌ, ka eket-eketen ku i kalililuꞌan ngaytu, nga in unuka ega magkaꞌanteng i kayu-kayu ngayan.”

Mateo 12:42

Kat aldaw ngaytit pangukuman, basulun kamu gasiꞌ it babay nga nagꞌadiꞌ duꞌun it Seba it tagnaꞌ paꞌ. Sabap talagang alaid nga banar i piyanawan ya, garing duꞌut banwa ya, ka ireg ya nga matantuwan i ega basta-bastang kasepsep it adiꞌ nga si Solomon. Temed kayti, may situ nat imyu nga subraꞌ paꞌ nga mabantug it ki Solomon, temed daꞌkamu kupagneg.

Lucas 2:14

“Bantugun i Ampuꞌang Diyus nga duꞌun it dibwat it langit. Baw situt sinirungat langit, kaꞌimbengan it nakem i ibgay ya kat mga taw nga pagsagyaan ya.”

Lucas 2:16

Pagkarunding nira kayti, miyereg-ereg na sirat paꞌaduꞌun. Naparagan nira na Maria duwa ni Jose baw madaragen ngayti nga magliliꞌtid duꞌun it papakaꞌnan it ayep.

Lucas 24:51

Mintras pagpatdekan ya ngayti sira, magpadibwat-magpadibwat kanya ka panliꞌid ya na.

1 Pedro 3:22

Miyuliꞌ na si Jesu-Cristo ngaytu duꞌun it langit, nga kayti, duꞌun na kanyat iwanang ayun it Diyus Amaꞌ. Ta muꞌsang mga anghil duꞌut langit, pati mga ega babasta-bastaen i pudir baw keseg, daꞌgay-daꞌga ipiyasakep nat kanya.