Lucas 2:14 - Tagbanwa

¹⁴ “Bantugun i Ampuꞌang Diyus nga duꞌun it dibwat it langit. Baw situt sinirungat langit, kaꞌimbengan it nakem i ibgay ya kat mga taw nga pagsagyaan ya.”

Lucas 2:14 Iomraidhean Croise

Mateo 21:9

Atnat giyaw-giyaw i mga taw duꞌut uꞌnaan baw duꞌun it giyaringan ya. Maat i ipagpanggagaꞌuy na nira, “Bantugun i tungtung-inapuꞌ ngaytut adiꞌ nga si David! Mabantug kanya ngaytu nga tiyaꞌeg it Ampuꞌang Diyus! Bantugun i Ampuꞌang Diyus nga duꞌun it dibwat it langit!”

Lucas 1:79

Sabap maꞌyagan ya i mga magpangaꞌgenan kat kadleman, nga subung sirat sinakepan it kamataynen ka egay inawar nira. Baw itulduꞌ yat aten i dalan nga magꞌaduꞌun it kaꞌimbengan.”

Lucas 19:38

Maat i ipaggaꞌuy-gaꞌuy nira, “Mabantug i Adiꞌ ngaytu nga tiyaꞌeg it Ampuꞌang Diyus! Nagkagayen tami siꞌ it Ampuꞌang Diyus nga duꞌut langit! Bantugun i Ampuꞌang Diyus nga duꞌun it dibwat it langit!”

Lucas 2:13

Sakaling dimnakel nay anghil ka nagsinabut nay garing duꞌut langit. Pagbantugun niray Ampuꞌang Diyus, nga magꞌaat,

Lucas 2:15

Iyan nagsipat nay mga anghil ka miyuliꞌ na duꞌun it langit, maamaatan i mga manigꞌeper ngayti, “Bilaꞌ, paꞌaduꞌun tami baytu it Betlehem. Baꞌnawun tami i ipiyaꞌrut ngaytu it aten it Ampuꞌang Diyus.”

Lucas 3:22

Bawnga nagpasalu duꞌun it kanya i Espiritu Santo, nga subung it kalapatiꞌ i pamabilug. Dengan it may ampang nga duꞌut langit i garing, nga magꞌaat, “Ikaw talagay pagmaꞌa-maꞌalen ku nga Anak. Talagang pagsagyaan ku ikaw nga banar.”

Juan 14:27

Kaꞌimbengan it nakem mi i ipasubli kut imyu. Iyan kaꞌimbengan nga ibgay ku ngaytu, ega nay kasbung. Ega subuk kaꞌimbengan nga magkabgay it banwa ngaytu nga ega magpaneꞌteꞌ. Aypaꞌ ayaw kamut kasusa. Daꞌkamu miꞌlam.

Juan 17:4

Ipiyalteg ku na sinit sinirungat langit i kabantugan mu ka nakumplitu ku nay kumpur ipagpabwat mut aken.

Juan 3:16

Ka talagang pagrarasan nga banar it Ampuꞌang Diyus i muꞌsang taw situt sinirungat langit. Aypaꞌ ibinggay yay Anak ya nga paeꞌesa-esa, isaꞌun in siyuy mamayaꞌ baw sumarig it kanya, ega kaꞌaduꞌun it kakuriꞌan, in daꞌga mabgayan kanyat kaꞌgenan nga egay kaskedan.

Mga Binwat 10:36

Ipiyaꞌrut it Ampuꞌang Diyus it amen nga mga tungtung-inapuꞌ ni Israel i Magayeng Baritaꞌ nga magkagayen siꞌ i taw baw Ampuꞌang Diyus, sabap it binwat ni Jesu-Cristo kat kamataynen ya. Ta, si Jesu-Cristo ngaytu, kanyay Ampuꞌan it muꞌsang taw.

Roma 5:1

Ta it ipagpabetang ta nat Ampuꞌang Diyus nga ega nay kakasalaꞌan sabap it pamayaꞌ baw pagsarig tat kamataynen it Ampuꞌan ta nga si Jesu-Cristo, aypaꞌ kagayen tami na kanya.

Efeso 1:6

Aypaꞌ ega nay kaskedan it pagbantug tat kanya sabap it ega basta-basta ngaytung ildaw ya nga ibinggay yat begay-matag, nga maꞌaten sabap it binwat ni Jesu-Cristo nga pagmaꞌa-maꞌalen ya nga banar.

Efeso 1:9

Ka kayti, paribasa it ituy kaꞌirgan ya, ipiyaꞌrut ya na i pabetang-betang ya nga, kaꞌlay ngaytu, ipagtagu-taguꞌ ya paꞌ, iyan pabetang-betang nga ipatuman ya duꞌun it ki Cristo.

Efeso 2:4

Temed ta, talagang bastanting-bastanti i kaꞌildaw ngaytut Ampuꞌang Diyus baw subray basta i raras ya it aten.

Efeso 2:7

Binwat yaytu i atkaytu ka isaꞌun, garing kayti seked it kaꞌnu-kaꞌnu, ipatanyag ya i egay kasbung nga kabastantiyan it ildaw ya ngaytu nga ibinggay yat aten it begay-matag kat binwat ngaytu ni Cristo Jesus.

Filipos 2:11

Baw kapuꞌsaan ngaytu, pamatuud sira nga si Jesu-Cristo ngaytu, Ampuꞌan talaga kanya, kat ikabantug gasiꞌ it Diyus Amaꞌ.

Filipos 2:13

Sabap Ampuꞌang Diyus ngaytu i magpanakem it imyu it makusunud baw magbegay it imyu it kakayaan nga mabwat mi i kaꞌirgan ya.

Colosas 1:20

Baw ipiyabetang-betang ya gasiꞌ nga kat keseg it kamataynen ni Jesus nga ipiyaturuꞌ yay duguꞌ ya duꞌut krus, papaꞌuliꞌen ya kat sadili ya i muꞌsang-muꞌsa, nga situt banwa baw kat langit gasiꞌ, isaꞌun magkagayen siꞌ.

2 Tesalonica 2:16

Ipagpanalangin namen nga sana tabangen kamu nga pirmi it Ampuꞌan tami nga si Jesu-Cristo baw Amaꞌ tami nga Ampuꞌang Diyus. Dakulay raras ya it aten, baw kat dangan ya it aten, binggayan ya kita it ipagkasagya it nakem nga ega magꞌugad-ugad seked it kaꞌnu-kaꞌnu baw nakaꞌunay nga kasiguruwan it kagayenan kat pagdadarapaꞌen.

Mga Ipiyalteg 5:13

Bawnga nagnegan ku nga namagbantug nay muꞌsang giyuna nga kat langit, kat sinirungat langit, pati duꞌut dagat, baw kat pagꞌabutan it mga miyatay. Talagang muꞌsang mga giyuna nga maski ari, daꞌgay-daꞌga mamagbantug, nga magꞌaat, “Bantugun baw galangen it egay katupusan i magꞌaꞌdung asat araꞌdungan it adiꞌ baw Uꞌuybun ngaytut Tupa, sabap it kadakulat kabantugan nira baw guna nga egay kasbung.”