Lucas 2:12 - Tagbanwa

¹² Kamatuudan, maparagan mi i esang madaragen nga biyedbedan it ramba-rambay, nga papakaꞌnan lamang it ayep i piyaliꞌtidan it kanya.”

Lucas 2:12 Iomraidhean Croise

2 Mga Adiꞌ 20:8

Pagkagneg ni Ezequias it inaat ngayti ni Isaias, miningkut kanya nga magꞌaat, “Unu yan i imandaꞌan nga ibgay it AMPUꞌANG DIYUS nga gumayen aku naga nga matuud, nga magtaꞌlib i tulung aldaw semled aku siꞌ duꞌun it Templo nga sumamba it kanya?”

Exodo 3:12

“Yay matuud,” maat siꞌ it Ampuꞌang Diyus, “talagang daꞌka pabaya-bayaꞌan ku. Baw itu i katandaꞌ nga aku i magtaꞌeg it imu. Sikaytu nagang bukid i sambaan mi it aken in makapaliꞌwan mu na duꞌut Egipto i mga taawan ku.”

Isaias 7:11

“Mangut ka it imandaꞌan sinit aken nga AMPUꞌANG DIYUS mu, imandaꞌan it matuud i inaat ku pasar it duwa ngayan nga magkurumpak it imu. In ari ireg mu nga garingan, unu, duꞌun it seled it lugtaꞌ u duꞌun it langit?”

Isaias 7:14

Aypaꞌ AMPUꞌANG DIYUS na ngaytu i megay it imyu it imandaꞌan, imandꞌan nga dumarugmatiꞌ i esang babay nga ega paꞌ naglabay it lalaki. Sumakit nga anak ya, lalaki. Emmanuel i ipangaran it kanya.”

Lucas 2:13

Sakaling dimnakel nay anghil ka nagsinabut nay garing duꞌut langit. Pagbantugun niray Ampuꞌang Diyus, nga magꞌaat,

Lucas 2:7

Ipiyanganak ya na i anak ya nga panganay nga lalaki. Bawnga uyun it adat nirat iting timpu, biyedbedan yat magayen it mga ramba-rambay i waꞌwaꞌ ngayti. Ipiyaliꞌtid ya duꞌun it papakaꞌnan it ayep, ka duꞌun mana ngayti i kanirang napaꞌabutan, it papaꞌlungan it mga ayep, sabap daꞌnay rugar nira duꞌun it pagpaꞌabutan nga mga seled nga duꞌut dibwat. Talagang sageksek na.