Lucas 2:11 - Tagbanwa

¹¹ Sabap ipiyanganak kayti duꞌun it lansangan ni David i Manriribri mi. Kanya i isiyanggup nga Cristo nga Ampuꞌan.

Lucas 2:11 Iomraidhean Croise

Genesis 3:15

Ipabetang-betang ku nang magkuntraꞌ kamu na it babay ngaytu, kaꞌanakan ya baw imung kaꞌanakan. May kaꞌanakan ya nga rumunut it ulu mu. Ikaw, kumagat it aꞌay ya.”

Isaias 9:6

Sabap ipiyanganak situt aten i esang waꞌwaꞌ. Ipiyagbegay i itung lalaki kat ikagayen tami. Kanya na i mamaalaꞌ it aten. Kanya ngaytu, kilalaen nga “Kalililuꞌan nga Manigpadisir,” “Ampuꞌang Diyus nga Gunaan,” “Amaꞌ tami nga Egay Pinꞌunan, Egay Kaskedan,” baw “Manigpamegbeg nga Magbegay it Kamatuudan nga Kaꞌimbengan.”

Mateo 1:16

Si Jacob, amaꞌ ni Jose nga asawa ni Maria. Si Maria i inaꞌ ni Jesus nga pagtaꞌwagen it Cristo.

Mateo 1:21

Lalaki yan i sumakit. Si Jesus i ipangaran mu, sabap kanya i rimibri it mga taawan ya kat mga kasalaꞌan nira.”

Mateo 16:16

Katubag si Simon Pedro, maat ya, “Anak ka talaga it Ampuꞌang Diyus nga egen it egay kaskedan. Ikaw talagay isiyanggup ya nga Cristo.”

Mateo 16:20

Bawnga ibiyenge-bengel ni Jesus it mga alagad ya ngayti nga ega paꞌ isugid nira it maski siyu nga kanya nay Cristo ngayting isiyanggup nga magꞌadiꞌ.

Lucas 1:43

Taꞌway in siyu aku na, ka naꞌasitu it aken i inaꞌ it Ampuꞌan ku.

Lucas 1:69

Ka piyapaꞌasitu ya nat aten i egay kasbung nga Manriribri, nga garing kat tungtung-inapuꞌ it manigsirbi ya nga adiꞌ nga si David.

Lucas 2:26

Ta, natantuwan ya kat panakem it Espiritu Santo ngayti nga ega paꞌ matay kanya seked it ega paꞌ naltegan ya i Cristo ngayting isiyanggup it Ampuꞌang Diyus.

Lucas 2:4

Ta napanaw na gasiꞌ si Jose it kanya. Garing duꞌun it Nazaret nga sakep it Galilea, naꞌaduꞌun kanyat Betlehem nga sakep it Judea, lansangan nga siyakitan it adiꞌ it tagnaꞌ nga si David, sabap si Jose, tungtung-inapuꞌ it adiꞌ ngayti.

Juan 1:41

Liyalangbus ni Andres it maduꞌun i sulsug ya ngayting si Simon. Pagꞌabut ya, maat ya, “Nakitaan namen nay Adiꞌ ngayan nga isiyanggup it Ampuꞌang Diyus” (nga ireg sugiden, Cristo).

Juan 1:45

Si Felipe ngayti, tiyulus yay esang taw nga pagpangaranat ki Natanael ka siyugidan ya, nga maat ya, “Naparagan namen i pagpapuntuꞌan it siyangpit ni Moises duꞌut mga isiyurat ya baw siyangpit gasiꞌ it mga prupitaꞌ kat mga isiyurat nira. Si Jesus tu nga taga Nazaret nga anak na Jose.”

Juan 11:27

“Eeꞌ baꞌ, Ampuꞌan, talagang magpamayaꞌ akut imu, nga ikaw talagay Cristo ngayang isiyanggup nga Manriribring Adiꞌ. Ikaw nay Anak it Ampuꞌang Diyus ngayan nga pagsisiguruun nga paꞌasitut sinirungat langit.”

Juan 20:31

Temed iyan mga magsusurat situ, isiyurat tu ka isaꞌun mamayaꞌ kamu nga si Jesus na ngaytu i isiyanggup nga Manriribri baw kanyay Anak it Ampuꞌang Diyus. Baw kat pamayaꞌ baw pakilagpit mit kanya, siguradu nga maꞌimyu i kaꞌgenan nga egay kaskedan.

Juan 4:25

Maat siꞌ it babay ngayti, “Magkaꞌrutan ku bayan, Agalen, nga paꞌasituy Manriribring Adiꞌ ngayting isiyanggup it Ampuꞌang Diyus, nga Cristo i panaꞌwag. Pagꞌabut ya situ, kanya i paꞌyag it aten it muꞌsa ngaytung mga bagay.”

Juan 4:42

Maamaatan sirat babay ngayti, “Magpamayaꞌ kami na kayti, it ega lamang duꞌun it mga nasugid mu ngayti, in daꞌga duꞌun nat mga nagnegan namen ngaytu duꞌut kanya, natantuwan namen nga kanya na ngaytu i Manriribri it muꞌsang katataawan.”

Juan 6:69

Pagpamayaꞌnen baw pagsisiguruun namen nga ikaw talaga i ega basta-basta ngayan nga siyarigan it Ampuꞌang Diyus.”

Juan 7:41

Iyan kat beken, maat nira, “Itu na baytuy Cristo ngayang Manriribring Adiꞌ nga isiyanggup it Ampuꞌang Diyus.” Temed iyan kat beken, maat nira gasiꞌ, “Ta unu bayan, duꞌut Galilea i garingan it Adiꞌ ngayan?

Mga Binwat 10:36

Ipiyaꞌrut it Ampuꞌang Diyus it amen nga mga tungtung-inapuꞌ ni Israel i Magayeng Baritaꞌ nga magkagayen siꞌ i taw baw Ampuꞌang Diyus, sabap it binwat ni Jesu-Cristo kat kamataynen ya. Ta, si Jesu-Cristo ngaytu, kanyay Ampuꞌan it muꞌsang taw.

Mga Binwat 13:23

Ta, kat pabetang-betang it Ampuꞌang Diyus, garing duꞌut mga tungtung-inapuꞌ ni David ngayti i liniꞌwanan it Manriribri nga isiyanggup ya nga rimibri it aten nga mga tungtung-inapuꞌ ni Israel. Si Jesus na ngaytu i paꞌaaten.

Mga Binwat 17:3

Ipiyagpaꞌyag ya i magbebtang duꞌun, nga kaꞌilangan maꞌimatay baw maꞌgen it paꞌuliꞌ i Cristo ngayting Manriribring Adiꞌ nga isiyanggup it Ampuꞌang Diyus. Baw ipiyagꞌaat ya pang beken it kanira, nga maat ya, “Si Jesus na ngaytu nga ipagpangadal kut imyu, kanya na ngaytu i Cristo nga paꞌaaten.”

Mga Binwat 2:36

Aypaꞌ kayti, ipagrapar ku nat imyu nga mga tungtung-inapuꞌ ni Israel i kamatuudan ngaytu, nga si Jesus ngaytu nga ipiyaransang mi duꞌun it krus, ipiyatindeg kanyat Ampuꞌang Diyus nga Ampuꞌan baw Manriribring Adiꞌ tami nga muꞌsa.”

Mga Binwat 5:31

Pagkaꞌgen it kanya, miyuliꞌ na duꞌun it langit ka binggayan nat Diyus Amaꞌ it ega basta-bastang kataꞌasan duꞌun it iwanan nga ayun ya. Baw kanya na ngaytu i Manigpamegbeg baw Manriribri tami, nga magbegay nat aten nga mga tungtung-inapuꞌ ni Israel nga masinguliꞌan baw indiꞌan i mga kasalaꞌan tami isaꞌun mapasinsiya.

1 Corinto 15:47

Iyan uꞌnang taw nga si Adan, pandenaꞌ i bilug ya sabap lugtaꞌ i binwat. Temed bilug ni Cristo nga pasbungan ta, panlangit.

Filipos 2:11

Baw kapuꞌsaan ngaytu, pamatuud sira nga si Jesu-Cristo ngaytu, Ampuꞌan talaga kanya, kat ikabantug gasiꞌ it Diyus Amaꞌ.

Filipos 3:8

Eeꞌ baꞌ, maski unu nga bagay, ipagpabetang ku nga talagang egay kuwintaꞌ in ipasbung it subray basta nga kagayen it kamatuudang pagkilala it ki Cristo Jesus nga Ampuꞌan ku. Aypaꞌ ka sabap lamang it kanya, tiyananan ku nay muꞌsa. Talagang ipagpabetang ku nga egay kakapulusan it muꞌsang mga bagay, isaꞌun maꞌaken i kaꞌustuꞌang pagkilala it ki Cristo,

Colosas 2:6

Ta kayti it tiyanggap mi na nga Ampuꞌan mi na si Cristo Jesus, kaꞌilangan mangaꞌgenan kamu uyun kat pangaꞌgenan it mga taw nga maglalagpit nat kanya.

1 Juan 4:14

Baw kami ngaytu, talagang naltegan namen i Anak it Ampuꞌang Diyus, baw ipagpamatuud nga tiyaꞌeg it Diyus Amaꞌ i Anak ya ngaytu, nga kanyay Manriribri it muꞌsang taw situt sinirungat langit.

1 Juan 5:1

In siyu-siyuy magpamayaꞌ nga si Jesus, kanya nay paꞌaateng Cristo ngayti nga Manriribring Adiꞌ nga isiyanggup, subung na kanyat ipiyanganak it Ampuꞌang Diyus. Baw yay matuud, in pagmaꞌalen ta kanya ngaytu nga bilang nanganak, simpri rarasan ta na i kumpur bilang ipiyanganak ya nga beken.