Lucas 2:10 - Tagbanwa

¹⁰ Temed inaat sirat anghil ngayti, “Ayaw kamut iꞌlam. May magayeng baritaꞌ nga taban ku nga isugid kut imyu, nga megay it dakulaꞌ nga kasagyaan kat muꞌsang taw.

Lucas 2:10 Iomraidhean Croise

Genesis 12:3

Talagang ildawan ku gasiꞌ i kumpur mildaw it imu, temed iyan nga rumaꞌe-raꞌet it imu, ukumanan ku it panrigang sumpa ku. Yay matuud, garing it imu maꞌildawan i muꞌsang bangsat taw situt sinirungat langit.”

Isaias 49:6

Maat it Ampuꞌang Diyus it aken nga manigsirbi ya, “May subraꞌ paꞌ nga mabantug nga ipabwat kut imu, puyra it papaꞌuliꞌen mu ngaytu i mga ipiyaꞌped ku nga mga tungtung-inapuꞌ ni Jacob, nga bangsa nga Israel. Ipatindeg ku ikaw nga bilang tidaw it mga taw nga ega kat bangsa nga Israel, ka maꞌyagan mu i muꞌsang taw situt sinirungat langit pasar it dalan it karibriyan nga gumaring sinit aken.”

Isaias 52:10

Kat muꞌsa nga bangsa, matantuwan nira i keseg it alima it Ampuꞌang Diyus. Talagang maltegan it muꞌsang taw situt sinirungat langit i panribri nga buwaten ya.

Isaias 52:7

Magaye-gayen nga banar nga paglawagen i magdadarapaꞌ gumaring duꞌun it bukid, nga magtataban it magayen nga baritaꞌ pasar it kaꞌimbengan baw karibriyan. Magayen talaga nga pagpagnegan i magbaritaꞌ nga magꞌaat, “Sion, iyan Ampuꞌang Diyus mi, iyan talaga i magꞌadiꞌ.”

Zacarias 9:9

Sumagya kamu nga sumagya, mga taga Sion. Igaꞌuy-gaꞌuy mi i kasagyaan mi, mga taga Jerusalem. Sabap magdadarapaꞌ na i magꞌadiꞌ situt imyu. Mataldeng kanya nga ruyut baw pirmi nga pagtabangen it Ampuꞌang Diyus isaꞌun mandaꞌeg. Mapiyalulus kanya baw kabayuꞌ nga asno i pagsasakayan ya, esang uꞌuybun nga uꞌuybun it asno.

Mateo 14:27

Miyampang nga lagi si Jesus, nga magꞌaat, “Ayaw kamut iꞌlam. Si Jesus aku naga bayni. Paksegen mi lamang i nakem mi.”

Mateo 28:18

Inlep sira ni Jesus baw maat yat kanira, “Ibinggay nat aken i kapuꞌsaan it pudir duꞌun it langit baw situt banwa.

Mateo 28:5

Temed kat mga babay ngayti maat ya, “Ayaw kamut iꞌlam, ka magkaꞌrutan ku nga si Jesus nga iriyansang duꞌun it krus i pagꞌengden mi.

Marcos 1:15

Ipagpangadal ya nga magꞌaat, “Naꞌbut nay ipiyabetang-betang nga timpu. Adeꞌdeng nay kaꞌadiꞌan it Ampuꞌang Diyus. Singuliꞌan mi nay mga kasalaꞌan mi baw indiꞌan mi na. Pamayaꞌnen mi i Magayen ngaytung Baritaꞌ.”

Marcos 16:15

Bawnga maat ni Jesus it kanira, “Lekpen mi i muꞌsang banwa ka ipangadal mi i Magayen nga Baritaꞌ kat muꞌsang mga taw situt sinirungat langit.

Lucas 1:13

Temed miyampang i anghil ngayti. “Zacarias,” maat ya, “ayaw kat iꞌlam, piyagnegan it Ampuꞌang Diyus i panalangin mu it kaꞌlay ngaytu baw may sambung ya na. Kayti, manganak nay asawa mu nga si Elisabet. Lalaki yan i sumakit. Si Juan i ipangaran mu.

Lucas 1:19

Katubag i anghil ngayti, “Aku ngaytu, si Gabriel nga manigsirbi kat adapan it Ampuꞌang Diyus. Tiyaꞌeg ya aku nga paꞌasitu ka ipaꞌrut it imu i magayen ngaytu nga baritaꞌ nga isiyugid ku na ngaytut imu.

Lucas 1:30

Maat siꞌ it anghil ngayti, “Ayaw kat iꞌlam, Maria, sabap piniliꞌ ka nga matuud it Ampuꞌang Diyus nga ildawan ya.

Lucas 2:11

Sabap ipiyanganak kayti duꞌun it lansangan ni David i Manriribri mi. Kanya i isiyanggup nga Cristo nga Ampuꞌan.

Lucas 24:47

Baw kat ngaran ya, ipangadal kat muꞌsang bangsa, gumaring na situt Jerusalem, nga pasinsiyaen it Ampuꞌang Diyus i kumpur magsinguliꞌ baw indiꞌan na niray kasalaꞌan.

Lucas 8:1

Ega naꞌlay liyekep-lekep ni Jesus i mga lansangan baw baryu ka ipagpangadal ya i Magayeng Baritaꞌ pasar it kaꞌadiꞌan it Ampuꞌang Diyus. Kaꞌibaan ya naga i sang puluꞌ baw duwa ngayting mga alagad ya.

Mga Binwat 13:32

Ta, kayti, taban namen situt imyu i Magayen ngaytung Baritaꞌ pasar it sanggup it Ampuꞌang Diyus duꞌun it mga kiyaꞌapuꞌ-apuꞌan tami nga mga Judio.

Roma 10:15

Temed ta, magꞌuꞌunu gasiꞌ mangadal i esang taw in ega tiyaꞌeg kanya it Ampuꞌang Diyus? Ta, mga Judio ngaytu, may mga tiyaꞌeg naytut Ampuꞌang Diyus nga mangadal duꞌut kanira. Ka daꞌga baꞌ magbebtang naga ngayan duꞌun it kasuratan i atkaytu, “Magaye-gayen nga banar nga paglawagen i magdadarapaꞌ nga magtataban it magayen nga baritaꞌ.”

Efeso 3:8

Kalililuꞌan talagaytu ka maski piyakatimawaꞌ nga taawan it Ampuꞌang Diyus, akuy timawaꞌ pat kanya. Takaꞌ maski atkayan, kat kadakulat ildaw ya, napakay ya naga aku nga binggayan it itung buwaten, nga ipangadal ku duꞌun it mga taw nga ega Judio i pasar it kagayenan nga magkapisiꞌ duꞌun it ki Cristo, kagayenan nga bastanting-bastanti baw ega pagtaꞌseben it pikiran.

Colosas 1:23

Temed gasiꞌ, kaꞌilangan nga maneꞌteꞌ kamu kat pamayaꞌ mi isaꞌun mapaꞌgen baw magꞌuꞌunay talaga, nga ega magꞌugad it maski sang dekeyeꞌ i kasiguruwan mi it tumbas nga ipagsanggup it Magayeng Baritaꞌ. Magayeng Baritaꞌ ngaytu, yanagay ipiyangadal asat imyu it tagnaꞌ, baw kayti ipiyangadal gasiꞌ kat belag-belag nga bangsa it taw situt sinirungat langit. Kat pabetang-betang it Ampuꞌan binwat ya aku, aku nga si Pablo, nga esang manigsirbi ya kat pangadal it ituꞌun ngaytu.