Lucas 2:1 - Tagbanwa

¹ Kat iting timpu, ipiyagꞌurdin it Romano nga Impiradur nga si Agusto nga sinsusun i muꞌsang taw nga sakep it Roma.

Lucas 2:1 Iomraidhean Croise

Mateo 22:17

Ta, unu beteꞌ i imu nga kat nakem? Unu, uyun duꞌun it ipiyagꞌurdin ni Moises nga mayad it barayadan nga ipagpabayad it Romano ngayting Impiradur nga magsasakep it aten? Unu yan, mapakay u ega?”

Mateo 24:14

Baw ilkep nga ipangadal kat sinirungat langit i Magayen ngaytung Baritaꞌ pasar it kaꞌadiꞌan it Ampuꞌang Diyus, isaꞌun matantuwan it muꞌsang bangsa. Bawnga iyan paꞌ i umur nat banwa.

Marcos 14:9

Matuud talagay iꞌaat ku ngaytut imyu. Maski ariyen i pangadalan it Magayen ngaytung Baritaꞌ situt sinirungat langit, masangpit nagaytu i binwat ya ngaytut aken, nga yanay piyakaꞌarandeman it kanya.”

Marcos 16:15

Bawnga maat ni Jesus it kanira, “Lekpen mi i muꞌsang banwa ka ipangadal mi i Magayen nga Baritaꞌ kat muꞌsang mga taw situt sinirungat langit.

Lucas 2:3

Aypaꞌ ka muꞌsang taw, naꞌaduꞌun it in unu nga lansangan i lansangan it giyaringan nira ka pasinsus duꞌun.

Lucas 2:5

Iba ya it naꞌaduꞌun, si Maria nga inasawa ya, lamang ega paꞌ nagdemket sira. Kusasakiten nay beteng ni Maria ngayti.

Lucas 3:1

Ta it naꞌlay nang timpu, naꞌbut nay ikasang puluꞌ baw lima nga taꞌun i pagꞌimpiradur ni Tiberio. Si Poncio Pilato i gubirnadur it Judea. Si Herodes i adiꞌ duꞌun it Galilea baw sulsug ya nga si Felipe i adiꞌ duꞌun it Iturea baw Traconite. Si Lisanias i adiꞌ duꞌun it Abilinia.

Mga Binwat 11:28

Kaꞌsang aldaw nga tingped i mga magpamayaꞌ duꞌun, timnindeg i sang kataawan ngayting prupitaꞌ nga pagpangaranat ki Agabo. Kat panakem it Espiritu Santo isiyugid ya nga mabut it muꞌsang banwa i dakulang getem. (Miyabut tu nga matuud it iyan si Claudio pay Impiradur.)

Mga Binwat 25:11

In beteꞌ matuud nga may nabwat ku nga karaꞌe-raꞌetan, nga bagay it aken, imatayen, ega daꞌgaen ku. Temed it egay kamatuudan it maski unu ngaytu nga ipagpaliꞌwan nira kuntraꞌ it aken, ega talaga i may pudir nga ipaꞌalima aku duꞌun it kanira. Aypaꞌ magꞌapiral aku na duꞌun it Impiradur nga duꞌun it Roma.”

Mga Binwat 25:21

Temed tubag ya, ireg ya nga magꞌapiral duꞌun it Impiradur, nga yanay mukuman kaytu. Aypaꞌ isingkat ku nga pirisuun siꞌ kanya seked it makapaduꞌlung ku kanya duꞌun it Impiradur nga duꞌun it Roma.”

Roma 1:8

Uꞌna-uꞌnang kusugiden ku, kat ngaran ni Jesu-Cristo nga magpanindeg it aten magpasalamat aku duꞌut Ampuꞌang Diyus ku sabap it imyu nga muꞌsa, nga talagang matanug i imyung pamayaꞌ it kanya.

Filipos 4:22

Pati muꞌsang mga beken nga sulsug tami kat pamayaꞌ sini, subraꞌ na sira nga kat pamalay-balay it Impiradur, magkumusta gasiꞌ it imyu.