Lucas 19:47 - Tagbanwa

⁴⁷ Bawnga aldaw-aldaw magpanulduꞌ si Jesus duꞌun it Templo ngayti. Temed mga pagbayaꞌen it sasirduti, mga manigpaꞌyag it urdin baw beken nga may mataꞌas nga katengdanan kat mga taw, magtulus sirat ikaꞌimatay nirat ki Jesus ngayti.

Lucas 19:47 Iomraidhean Croise

Mateo 21:23

Siminled siꞌ si Jesus duꞌun it Templo. Desang magpanulduꞌ na kanya, minlep duꞌut kanya i mga pagbayaꞌen it mga sasirduti baw mga mataꞌas nga ginuꞌu it mga Judio. Iningkut kanya nga magꞌaat, “Unuy pudir mu nga muwat ka it mga itu ngaytu? Siyuy minggay it imu it itung pudir?”

Mateo 26:55

Bawnga siyarunga ni Jesus i mga taw ngayti. Inaat ya sira, “Unuytu, adimaat magpangukus aku nga kuntraꞌen i gubirnu, ka rangkap kamu nat basiꞌ, nga kat beken pupukul na, i miyabut ngaytu nga magpandakep it aken? It aldaw-aldaw magpanulduꞌ aku duꞌun it Templo, temed ega naga diyakep mi aku duꞌun.

Marcos 11:18

Nagnegan tu it mga pagbayaꞌen it sasirduti baw mga manigpaꞌyag it urdin. Garing sikayti, magtulus na sirat ikaꞌimatay nirat ki Jesus, ka magꞌiꞌlam na sirat kanya. Sabap kadakel, talagang magkasaga it panulduꞌ ya.

Marcos 12:12

Egay beken, kudakpen it mga pagbayaꞌen it mga Judio si Jesus ngayti, ka nasepsepan nira nga siray pagpaꞌiguꞌan it iti nga pagꞌalimbawaen. Temed magꞌiꞌlam naga sira it kadakel it mga taw ngayti, aypaꞌ daꞌsira naga magkaꞌurum. Namagpanaw na sira.

Marcos 14:1

Duwang aldaw mana, ipagpistaꞌ na nira it Pistaꞌ it Tiyaꞌliban baw Pistaꞌ it Tinapay nga Egay Ipagpaꞌalsa. Iyan mga pagbayaꞌen it sasirduti baw mga manigpaꞌyag it urdin, sigi nga pagrundingen nira in magꞌuꞌunu maꞌakalan nira si Jesus isaꞌun madakep nira kanya baw maꞌimatay.

Marcos 14:49

It aldaw-aldaw magpanulduꞌ aku duꞌun it Templo, temed ega naga diyakep mi aku duꞌun. Takaꞌ kaꞌilangan nga matuman i isiyurat nga ampang it Ampuꞌang Diyus.”

Lucas 19:48

Temed ega magkaparagan nira in unuy magayeng buwaten, ka puꞌsat taw, magkasaga sirang banar it mga panulduꞌ ngayti ni Jesus.

Lucas 20:19

Egay beken, mga manigpaꞌyag it urdin baw mga pagbayaꞌen it sasirduti, kudakpen nira si Jesus ngayti it iti nga uras, ka nasepsepan nira nga siray pagpaꞌiguꞌan it iti nga pagꞌalimbawaen. Temed magꞌiꞌlam naga sira it kadakel it mga taw ngayti, aypaꞌ daꞌsira naga magkaꞌurum.

Juan 10:39

Pagkagneg nira kayti, kudakpen nira siꞌ si Jesus, temed it nagpaꞌalikaꞌsut naga kanya.

Juan 18:20

Katubag si Jesus, maat ya, “Muꞌsang ipagpanulduꞌ ku, purus kat muyagan. Pirmi akung magpanulduꞌ duꞌun it mga papagtingpedan it mga Judio, nga duꞌun it mga papagsambaan, pati duꞌun it Templo. Egay inampang ku kat malingeb.

Juan 7:19

Daꞌga baꞌ si Moises i nagbegay it imyu it mga urdin? Temed maski siyu it imyu, ega talagay kamatuudan nga pagsunud it mga urdin ngayti. In talagang kamatuudan i pagsunud mi, unuka kuꞌimatayen mi aku?”

Juan 7:44

Iyan beken, ireg nira dakpen na kanya, temed subuk magꞌaliꞌ paꞌ sira.