Lucas 19:44 - Tagbanwa

⁴⁴ Talagang ranggaꞌen nira i siyudad baw puuꞌun niray mga taw duꞌun. Baw maski sangbat nga batu, egay ipaꞌped nira duꞌun it pagruruknuꞌan ya. Pataꞌnan sirat Ampuꞌang Diyus nga muwat it atkayti ngayti sabap ega kinilala mi aku nga tiyaꞌeg ya nga rimibri it imyu.”

Lucas 19:44 Iomraidhean Croise

Mateo 24:2

Temed maat ya, “Iyan pagletganan mi ngayan nga mga kabalayan ya, maranggaꞌ yan nga muꞌsa. Dedemdemen mi tu, mabut i aldaw nga egay maꞌped nga batu kat pagruruknuꞌan ya nga batu. Ipapuꞌran yan nga muꞌsa.”

Marcos 13:2

Tumubag si Jesus, maat ya, “Dadakulaꞌ ngaytung mga kabalayan nga pagletganan mu kayti, maranggaꞌ yan nga muꞌsa. Ka mabut i aldaw nga egay maꞌped nga batu kat pagruruknuꞌan ya nga batu. Ipapuꞌran yan nga muꞌsa.”

Lucas 1:68

“Bantugun i Ampuꞌang Diyus tami nga mga tungtung-inapuꞌ ni Israel. Sabap siyanguꞌan ya na kita, ka naꞌbut na nga iribri ya i mga piniliꞌ ya nga taawan.

Lucas 1:78

Sabap talagang maꞌildaw nga banar i Ampuꞌang Diyus tami. Kamatuudan, kat pabetang-betang ya, subuk magpangyag na situt aten nga subuk aldaw na i panribri ya ngaytu.

Lucas 19:42

Baw miyampang kanya, nga magꞌaat, “Anin saꞌan, kamu nga mga taga Jerusalem! In maat talagang magkaꞌrutan mi kayti ngaytu in magꞌuꞌunu magkagayen kamu nga matuud duꞌun it Ampuꞌang Diyus! Temed it kaꞌlay ngaytu pagdaꞌgaen mi, aypaꞌ subuk ipagtaguꞌ nayan it imyu.

Lucas 21:6

Temed maat ni Jesus, “Iyan pagletganan mi ngayan nga mga kabalayan ya, maranggaꞌ yan nga muꞌsa. Ka mabut i aldaw nga egay maꞌped nga batu kat pagruruknuꞌan ya nga batu. Ipapuꞌran yan nga muꞌsa.”

1 Pedro 2:12

Dapat mi nga inturun i adat mi, ka magkaꞌrutan mi nga maglulubuk-lubuk kamu paꞌ it mga kabanwa mi nga egay pagkilala nira it Ampuꞌang Diyus. Ka maski pagꞌaaten nira nga magbuwat kamu it maraꞌe-raꞌet, matantuwan nira nga magayen palan i adat mi. Aypaꞌ, liꞌwan ya, bantugun niray Ampuꞌang Diyus kat aldaw nga ildawan ya sira it mabaꞌgu i nakem baw pikir nira.