Lucas 19:19 - Tagbanwa

¹⁹ ‘Ta, in atkayan,’ maat it agalen ya ngayti, ‘pamaalaꞌan muy lima nga kalansanganan.’

Lucas 19:19 Iomraidhean Croise

Lucas 19:18

Maat siꞌ it sang kataawan, ‘Agalen, itiyuduꞌ mu ngayan situt aken, timnubuꞌ yan it lima paꞌ nga dubli.’

Lucas 19:20

Sang kataawan siꞌ i nagpatpad baw maat ya, ‘Agalen, waytu nagay pirak mu ngayan. Biyuꞌtungan kuytut lages bawnga itiyaguꞌ ku isaꞌun ega magnisan.

1 Corinto 15:58

Aypaꞌ, mga pagmaꞌaleng sulsug ku kat pamayaꞌ, magmapaꞌgen kamu nga banar nga ega magꞌugad-ugad i pamayaꞌ, baw paꞌresan mi nga pirmi i buwaten it Ampuꞌan. Tutal magkaꞌrutan mi na nga ega salaud i maski unu nga paꞌres mi sabap it kanya.

1 Corinto 3:8

Ka iyan manigluwak baw iyan manigbuꞌbuꞌ, urunyun sira kat pagbuwaten nira, nga esa-esay pagpaꞌresan. Baw mabut i aldaw nga, kada esat kanira, tumanggap it tumbas sigun kat kanya-kanyang piyaꞌresan.

2 Corinto 9:6

Kabilangan it pagbegay it tabang, subuk ipagtugdaꞌ, nga in dekeyeꞌ, simpri dekeyeꞌ naga i mapatbasan. Takaꞌ in dakulaꞌ simpri, mapatbasan, dakulaꞌ naga.

2 Juan 1:8

Aypaꞌ kaꞌilangan magꞌintur kamu, isaꞌun ega maꞌilang i piyakarigaan mi, in daꞌga matanggap mi i piyakamagayen nga tumbas.