Lucas 19:18 - Tagbanwa

¹⁸ Maat siꞌ it sang kataawan, ‘Agalen, itiyuduꞌ mu ngayan situt aken, timnubuꞌ yan it lima paꞌ nga dubli.’

Lucas 19:18 Iomraidhean Croise

Mateo 13:23

Temed itu, paꞌaaten ngaytu nga nasaꞌbugan nga magayeng lugtaꞌ, ituy mga taw nga magpagneg baw magkasepsepan nira i kamatuudan ngaytu. Ta it ipagdawaꞌ na duꞌun it ulu, aypaꞌ ka magbuwaꞌ i pamayaꞌ nirat kanira, nga subung it mabuburun ngaytung kuwayen nga tagasang gatus, tagꞌeꞌenem nga puluꞌ baw tagtutulu nga puluꞌ i legas ya.”

Mateo 25:22

Nangintergaꞌ gasiꞌ i tiyuduꞌan it duwang ribu. Maat ya, ‘Agalen, waytu nagay duwang ribu ngayan nga itiyuduꞌ mu. Nadungagan gasiꞌ tu it duwang ribu naga, nga natubuꞌ ku.’

Marcos 4:20

Baw itu, paꞌaaten ngaytu nga nasaꞌbugan nga magayeng lugtaꞌ, mga taw nga pagpamayaꞌnen nirat kamatuudan i nagnegan nira nga ampang it Ampuꞌang Diyus. Ta it ipagdawaꞌ na duꞌun it ulu, aypaꞌ ka magbuwaꞌ i pamayaꞌ nirat kanira, nga subung it mabuburun ngaytung kuwayen nga tagtutulung puluꞌ, tagꞌeꞌenem nga puluꞌ baw tagasang gatus i legas ya.”

Lucas 19:13

Parabir kanya gimnaring, tiningped ya i sang puluꞌ kat mga uripen ya. Binggayan yay kada esa it kantidad it sang gatus kat kanirang pirak, baw maat yat kanira, ‘Ipanulus mi tu seked it mabut aku.’

Lucas 19:17

‘Magayen!’ maat it agalen ya ngayti. ‘Pagsagyaan kuy binwat mu ngayan. Kayti it namuyaan ku nga magkasarigan ka it maski dekeyeng bagay, papamaalaꞌen ku ikaw it sang puluꞌ nga kalansanganan.’

Lucas 19:19

‘Ta, in atkayan,’ maat it agalen ya ngayti, ‘pamaalaꞌan muy lima nga kalansanganan.’

2 Corinto 8:12

Sabap, basta magbegay ta it masagyang-masagyay nakem it kumpur kaya ta nga ibgay, pagsagyaan na it Ampuꞌang Diyus. Ega maat pagtulusun ya paꞌ nga megay it ega na kaya ta.