Lucas 19:12 - Tagbanwa

¹² Maat i alimbawa ya, “May esang mataꞌas nga taw nga naꞌaduꞌun it lekat nga banwa ka ipaꞌdung kanyat Impiradur kat pagkaꞌadiꞌ, bawnga muliꞌ kanya ka magꞌadiꞌ na.

Lucas 19:12 Iomraidhean Croise

Mateo 21:38

Arit pagkalteg it mga siyanaꞌan ya ngayti it anak ya na i miyabut, maamaatan sira, ‘Bilaꞌ, wayan nay manunubliyen ngayan! Sigi! Imatayen tami, isaꞌun maꞌaten nay ubasan ngaytu nga subliyen ya.’

Mateo 28:18

Inlep sira ni Jesus baw maat yat kanira, “Ibinggay nat aken i kapuꞌsaan it pudir duꞌun it langit baw situt banwa.

Marcos 12:1

Ipiyasigi na ni Jesus i ampang ya, temed ipagpaꞌalimbawa ya. Maat ya, “May esang taw nga liminwak it luwak nga ubas duꞌun it uma ya. Kiyaliputput yat malad. Bawnga kimnali kanya it buwatan yat kikilangan it ubas ngayti, baw nagpatindeg paꞌ kanya it abwatay nga tatandaꞌan. Pagkaꞌman yat muꞌsa ngayti, isiyanaꞌ yat pirang kataawan nga manigꞌuma i ubasan ya ngayti, ka naꞌaduꞌun kanya it belag nga rugar.

Marcos 16:19

Pagkatupus it pagꞌampangen ngaytit Ampuꞌan nga si Jesus duꞌun it mga alagad ya, piyapatibung na kanya duꞌun it langit baw miyadung na kat iwanan nga ayun it Ampuꞌang Diyus.

Lucas 20:9

Siyarunga siꞌ ni Jesus i kadaklan baw nagꞌalimbawa kanya, nga magꞌaat, “May esang taw nga liminwak it luwak nga ubas duꞌun it uma ya. Pagkalwak ya, isiyanaꞌ yat pirang kataawan nga manigꞌuma i ubasan ya ngayti, ka naꞌaduꞌun kanya it belag nga rugar baw kimnaꞌlay kanya duꞌun.

Lucas 24:51

Mintras pagpatdekan ya ngayti sira, magpadibwat-magpadibwat kanya ka panliꞌid ya na.

Juan 18:37

“Aypaꞌ adiꞌ ka, daꞌga?” maat ni Pilato. Maat i tubag ni Jesus, “Eeꞌ, matuud yan i inaat mu ngayan nga adiꞌ aku. Temed ipiyanganak aku baw piyalampud situt banwa ngaytu isaꞌun nga ipaꞌyag kuy in unu talagay kamatuudan. Magpagneg it mga ampang ku i kumpur kumaꞌrut it kamatuudan.”

Mga Binwat 17:31

Ka ipiyabetang-betang ya nga lagi i aldaw nga ipangukuman ya it muꞌsang taw kat mga kasalaꞌan nira. May esang taw nga ipiyatindeg ya nga mangukuman, baw mataldeng i pangukuman ya ngaytu. Kamatuudan it kanya i ipiyatindeg it Ampuꞌang Diyus, natay kanya bawnga inggen kanyat Ampuꞌang Diyus it paꞌuliꞌ.”

1 Corinto 15:25

Sabap ipiyabetang-betang it Ampuꞌang Diyus nga magꞌadiꞌ si Cristo seked it mapasukuꞌ ya nang banar i muꞌsang mga kalaban ya.

Hebreo 9:28

Ta, atkayan naga, kaꞌsa lamang gasiꞌ binwat si Cristo nga panalisi, isaꞌun matanggung ya i kasalaꞌan it katataawan. Baw paꞌuliꞌ naga kanya situ, takaꞌ ega na maat isaꞌun tumanggung it kasalaꞌan it taw, in daꞌga mamisiꞌ manat kumpur magpaꞌbut it kanya, ka timpu nat kakumplituwan it karibriyan nira.

1 Pedro 3:22

Miyuliꞌ na si Jesu-Cristo ngaytu duꞌun it langit, nga kayti, duꞌun na kanyat iwanang ayun it Diyus Amaꞌ. Ta muꞌsang mga anghil duꞌut langit, pati mga ega babasta-bastaen i pudir baw keseg, daꞌgay-daꞌga ipiyasakep nat kanya.

Mga Ipiyalteg 1:7

Dedemdemen mi tu, mabut kanya nga subuk mangindelangan it kunum. Talagang maltegan tu it muꞌsang katataawan, pati mga nagꞌimatay it kanya. Ta sabap it kanya ngaytu, sumgaw i muꞌsang bangsat taw situt sinirungat langit, ka matantuwan na niray panriga. Talagang matkaytuytu nga matuud.