Lucas 19:10 - Tagbanwa

¹⁰ Sabap aku nga Taga Langit nga Ipiyanganak it Taw, yay inasitu ku, pagtulusun kuy mga nateꞌag-teꞌag ka iribri ku sira kat panriga sabap it kasalaꞌan nira.”

Lucas 19:10 Iomraidhean Croise

Mateo 1:21

Lalaki yan i sumakit. Si Jesus i ipangaran mu, sabap kanya i rimibri it mga taawan ya kat mga kasalaꞌan nira.”

Mateo 10:6

In daꞌga iyan i aduꞌunun mi, mga kabanwa ta nga Judio, nga kabilangan nira, tupa nga naꞌlam.

Mateo 15:24

Bawnga inaat ni Jesus i babay ngayti, nga maat ya, “Kat mga Judio lamang, nga kabilangan nira tupa nga naꞌlam, i tiyaꞌgan it aken. Ega paytu timpu mi nga ega Judio.”

Mateo 18:10

Maat siꞌ ni Jesus, “Magꞌintur kamu nga ega tibabaꞌen mi i maski esa kat mga mapiyababaꞌ ngaytu nga subuk waꞌwaꞌ nga may pamayaꞌ nat aken. Ka matuud talagay iꞌaat kut imyu, nga pagtatarimaen sirat mga anghil nga magkaꞌadap nga pirmi duꞌun it Amaꞌ ku nga duꞌut langit.

Mateo 18:11

Baw aku nga Taga Langit nga Ipiyanganak it Taw, yay inasitu ku, isaꞌun iribri kuy mga magkaꞌlam.

Lucas 15:32

Temed kayti, simpri dapat tami nga magkasagyaan ka sulsug mu ngaytu, kabilangan ya natay na temed subuk naꞌgen naga it paꞌuliꞌ. Subung gasiꞌ it naꞌlam kanya temed naparagan naga.’”

Lucas 15:8

“Atkayan naga,” maat ni Jesus, “nga in beteꞌ may esang babay nga may pirak ya nga sang pulung batu i madedsen nga pirak, nga kada sangbat, balit sang aldaw i tangdanan, bawnga sakaliꞌ nga may maꞌlam nga sangbat, unu yan i buwaten ya? Daꞌga baꞌ, pagketan yay tidaw? Walisan yat magayen i balay ya ka tulusun yat tulus banar seked it maparagan ya.

Juan 3:17

Sabap ega yay piyapaꞌasituwan it Ampuꞌang Diyus it Anak ya, betanganan it ukuman nga panriga i katataawan, in daꞌga isaꞌun maribri ya i katataawan ngaytu.

Roma 5:6

Panawun it pikiran mi i kadakulat raras ngaytut Ampuꞌang Diyus. Sabap, iyan ega talagay mabwat it taw isaꞌun maribri kat panriga sabap it kasalaꞌan nira, kat timpu nga ipiyabetang-betang it Ampuꞌang Diyus, ipiyalampud ya si Cristo nga paturuꞌ it duguꞌ ya ka tumanggung it kasalaꞌan it taw.

Hebreo 7:25

Aypaꞌ, sabap it muꞌsa ngaytu, kayang-kaya ya nga iribri it kaꞌustuꞌang karibriyan i muꞌsa nga, kat keseg it pamayaꞌ nirat binwat ya, magpasakep duꞌut Ampuꞌang Diyus. Magkapanindegan ya sirang pirmi ka egen kanya it egay kaskedan.