Lucas 18:7 - Tagbanwa

⁷ Ka in magsambung nagay maski taw nga maraꞌe-raꞌet i adat, simpri subraꞌ na nga sumambung i Ampuꞌang Diyus. Talagang ega ipabeꞌet ya i kataldengan kat mga piniliꞌ ya nga taw nga magpaꞌungaꞌ-ungaꞌ duꞌut kanya it delem-aldaw.

Lucas 18:7 Iomraidhean Croise

Isaias 40:27

Bangsa nga Israel, unuka magpamasul kamu nga maat mi ega magkaꞌrutan it AMPUꞌANG DIYUS i kabetangan mi, baw pagbaliwalaꞌen ya i ega pagbegayan kamu it kataldengan?

Mateo 24:22

Baw in kumaꞌlay i iyan nga timpu, mapuuꞌ talagay muꞌsang taw. Temed sabap it mga piniliꞌ it Ampuꞌang Diyus, ega yan pakaꞌlayen ya.

Mateo 24:24

Sabap dakel talaga yan i mangambuꞌ it Cristo na kanya, baw may manluꞌsut payan nga magpapru-prupitaꞌ. Palteg sira it mga tandaꞌanan baw muwat sira it mga kalililuꞌan nga mga bagay, isaꞌun nga in mapakay lamang, mateꞌag-teꞌag niray pati mga piniliꞌ it Ampuꞌang Diyus.

Mateo 7:11

Ta, in kamu nga makasalaꞌan, magkaꞌrut megay it magagayeng bagay kat mga anak mi, daꞌga baꞌ subraꞌ na i Amaꞌ mi nga duꞌut langit? Talagang ibgay yay mga magagayeng bagay kat mga magꞌangut duꞌun it kanya.

Lucas 11:13

Ta, in kamu nga makasalaꞌan, magkaꞌrut naga megay it magagayen nga bagay kat mga anak mi, daꞌga subraꞌ na i Amaꞌ mi nga duꞌut langit? Talagang ibgay ya i Espiritu Santo ya kat matuud nga magꞌangut duꞌun it kanya.”

Lucas 2:37

Ta, kat iting timpu, walung puluꞌ may epat na nga taꞌun i idad it balu ngayti. Yanay pirmi ya duꞌun it Templo, ka delem-aldaw magsamba kanya, magpuwasa baw magpanalangin duꞌun it Ampuꞌang Diyus.

Lucas 21:28

Ta, in magpapuꞌun nat magꞌabut i muꞌsa ngaytu, sumagya kamu na. Paksegen mi nay nakem mi, sabap adeꞌdeng na talagay panribri it imyu.”

Roma 8:33

Ta, kita ngaytung piniliꞌ it Ampuꞌang Diyus, siyu paꞌ i makadimanda it aten duꞌun it adapan ya? Yay matuud, ega, ka Ampuꞌang Diyus naga i nagsanggup nga iniriꞌ ya na talaga kat panleteg ya i muꞌsang mga kasalaꞌan tami.

Colosas 3:12

Aypaꞌ kamu nga piniliꞌ it Ampuꞌang Diyus, paribasay pagrarasan ya kamu baw subuk ipiyapinpin ya nga mga taawan ya na, kaꞌilangan masakit kat nakem mi i makuring kabetangan it mga maꞌiba mi baw maꞌildaw kamu it kanira. Baw gasiꞌ mapiyababaꞌ kamu na, nakman kamu nang nakman, baw ega makusked.

1 Tesalonica 3:10

Yay matuud, delem-aldaw pirmi namen nga ipagpanalangin, nga magpaꞌungaꞌ-ungaꞌ kami nga sana magsinle-sinletegen tami naga, isaꞌun makapasepsep namen nga banar i mga magkakurangan mi paꞌ kat pamayaꞌ mi.

2 Tesalonica 1:6

Baw sira ngayan nga magpakuriꞌ it imyu, siguradu nga belsen it Ampuꞌang Diyus it panriga, ka yay kataldengan nga pagꞌangutun nira kat panleteg ya.

1 Timoteo 5:5

Ta, yan balu nga kaꞌildaw-ildaw na ka ega nay magkasarigan ya, tingled nay pagsarig ya duꞌun it Ampuꞌang Diyus. Aypaꞌ ka delem-aldaw sigi na nga panalangin ya baw pangabang yat kanya.

2 Timoteo 1:3

Talagang magpasalamat aku duꞌun it Ampuꞌang Diyus nga pagsirbiyan ku uyun kat naꞌrutan ku nga kaꞌirgan ya, nga subung it pagsirbi it mga kagiyaringanan ku. Pagpasalamatan ku ikaw baw delem-aldaw pirmi ku ikaw nga pagsangpiten kat panalangin ku.

2 Timoteo 2:10

Aypaꞌ ka pagsagkaꞌen kuy maski unu nga kakuriꞌan it magayen i nakem, sabap kat ikagayen tu it mga napiliꞌ it Ampuꞌang Diyus. Pagsagkaꞌen kuy muꞌsa isaꞌun maribri sira gasiꞌ kat keseg it pakilagpit nirat ki Cristo Jesus, baw makaꞌuyut gasiꞌ sira it egay kaskedan nga kagayenan ya duꞌut langit.

Tito 1:1

Dunguꞌ Tito, wayan i surat ku, aku nga si Pablo, nga manigsirbi it Ampuꞌang Diyus. Piyaꞌapustul aku ni Jesu-Cristo isaꞌun kat pangadal kut Magayeng Baritaꞌ, mamayaꞌ nay mga taw nga piniliꞌ ya. Tiyaꞌeg aku ka isaꞌun matantuwan niray kamatuudan bawnga mangaꞌgenan sira nga uyun kat kamatuudan ngaytu.

1 Pedro 1:1

Aku nga si Pedro, nga esang apustul ni Jesu-Cristo, i tagsurat kaytu. Mga pagsuratan ku, kamung mga piniliꞌ it Ampuꞌang Diyus nga mga taawan ya, nga subuk tari-tariwanak baw dayuꞌan kat rugar it Ponto, Galacia, Capadocia, Asia baw Bitinia. Sabagay magꞌiꞌistar kamu paꞌ situt sinirungat langit, takaꞌ yay matuud, bilang mga dumadayuꞌ kamu lamang.

2 Pedro 3:9

Aypaꞌ it belag i kanya nga pabetang it timpu, ega maꞌaat ta nga subung it patandes it beken, nga sanggup ya ngaytu sabap it pamaꞌuliꞌ situ ni Jesu-Cristo, sanggup lampud na lamang ka ega paꞌ tiyuman ya. Temed yay matuud, ega paꞌ tiyuman ya sabap lamang it kadakulat sanguꞌ yat aten nga muꞌsa. Ka pagbegayan ya pat rugar i kadakel, nga makapagsinguliꞌ baw mangindiꞌ it kasalaꞌan nira. Ka talagang ireg ya nga maribri i muꞌsa, nga egay maski siyu nga kaꞌaduꞌun it egay kaskedan nga kakuriꞌan.

Mga Ipiyalteg 18:20

Kamu nga duꞌun it langit, sagyaan mi nga banar i nabetangan ya ngaytu. Kamu nga mga prupitaꞌ baw mga apustul baw beken nga taawan it Ampuꞌan, magkasagya kamu na. Sabap binles nat Ampuꞌang Diyus i mga binwat it taga Babilonia ngayti nga binwat nirat imyu.”

Mga Ipiyalteg 6:10

Nagnegan ku nga imbus niray gaꞌmaran nirat gimnaꞌuy nga magꞌaat, “Agalen namen, alaid ka talaga kat muꞌsang kasalaꞌan baw purus kamatuudan i imu. Kapira pay kaꞌlay it elatan namen? Kaꞌnu mu paꞌ betanganan it ukuman baw rigaen i mga taw duꞌut sinirungat langit nga minimatay it amen?”

Mga Ipiyalteg 7:15

Aypaꞌ, sabap it iti ngayti, duꞌun sira it adapan it araꞌdungan ngaytut Ampuꞌang Diyus kat pagkaꞌadiꞌ ya. Magsirbi sirat kanya it delem-aldaw situt langit ngaytung bilang Templo ya. Baw kanya ngayan nga magꞌaꞌdung situt araꞌdungan ngaytut adiꞌ i tumaraꞌna it kanira.