Lucas 18:42 - Tagbanwa

⁴² Kaꞌampang si Jesus, “Ta, in atkayan, pagsekaten ku nga kalteg ka na. Makalteg ka nayan sabap it pamayaꞌ mut aken.”

Lucas 18:42 Iomraidhean Croise

Mateo 15:28

Pagkagneg ni Jesus, maat yat babay ngayti, “Talagang dakulaꞌ i pamayaꞌ mut aken. Maꞌimu i kaꞌilangan mu ngayan.” Kat iti nagang uras, gimnayen nga matuud i anak ya ngayti.

Mateo 8:3

Tiyapal kanya ni Jesus, dengan it miyampang nga magꞌaat, “Talagang ireg ku. Kayti nga lagi, gumayen ka naytu!” Pagkaꞌampang ni Jesus kayti, sakaling gimnayen i babangbangen ngayti.

Mateo 9:22

Limningaw si Jesus ka natanudan ya. Pagkalteg yat babay ngayti, miyampang kanya, nga magꞌaat, “Edeꞌ, paksegen muy nakem mu. Piyagayen ka na sabap it pamayaꞌ mut aken.” Ta dengan it mindek na nga matuud i sarakiten it babay ngayti.

Lucas 17:19

Bawnga inaat kanya ni Jesus, “Tindeg na. Dumayun-dayun ka nat panaw mu. Piyagayen ka naytu sabap it pamayaꞌ mut aken.”

Lucas 18:41

“Unuy ireg mu nga buwaten kut imu?” “Ampuꞌan, abaa, ireg ku baꞌ magkalteg aku na!” maat i tubag ya.

Lucas 7:50

Maat siꞌ ni Jesus it babay ngayti, “Talagang naribri ka kat kadakulat pamayaꞌ baw pagsarig mut aken. Masagya ka nayang muliꞌ.”

Lucas 8:48

Ta, mampang si Jesus, maat yat babay ngayti, “Edeꞌ, piyagayen ka sabap it pamayaꞌ mut aken. Masagya ka nayang muliꞌ.”