Lucas 18:4 - Tagbanwa

⁴ Kat suliꞌ-suliꞌ ya na ngayti duꞌun, ega pagguman-gumanen it manigꞌukuman ngayti. Temed iyan naꞌlay na, maat ya, ‘Maski na maat egay iꞌlam kut Ampuꞌang Diyus baw egay paggalangen ku nga masigkataw ku,

Lucas 18:4 Iomraidhean Croise

Lucas 12:17

May esang taꞌun nga simnubraꞌ kat karebtangan i piyatbasan ya. ‘Aaꞌ,’ maat ya, ‘unu pay mabtangan ku kaytu?

Lucas 16:3

Pagkagneg it manigpamaalaꞌ ngayti, maat i kat nakem ya, ‘Itu palan, awaꞌen aku na nga manigpamaalaꞌ it agalen ku ngaytu. Unu naytuy buwaten ku? Ega kaya ku nga muwat it mabeꞌgat nga subuk magkali. Magꞌeyaꞌ aku gasiꞌ in paꞌildaw-ildaw aku nga pabgay.

Lucas 18:2

Maat ya, “Duꞌun it esa nga siyudad, may esang manigꞌukuman nga egay iꞌlam ya it Ampuꞌang Diyus baw ega gasiꞌ maggalang kanya it masigkataw ya.

Lucas 18:3

Duꞌun gasiꞌ it iting siyudad may esang babay nga balu nga manu-manu paꞌaduꞌun it manigꞌukuman ngayti, ka magꞌangut it kataldengan sabap it esang taw nga magpakuriꞌ it kanya.

Lucas 20:13

Kaꞌampang i tagpuꞌun ngayti, ‘Unuytu i magayen nga buwaten ku? Aaꞌ daꞌga,’ maat ya, ‘magayen siguru, pagmaꞌa-maꞌalen ku na ngaytung anak ku i paꞌaduꞌunun ku. Siguru basta kanya ngaytu, istimaren nira it magayen.’

Hebreo 12:9

Daꞌga baꞌ paggalangen tami i amaꞌ ta situt banwa in ega pagpabaya-bayaꞌan ya lamang i buwat tang ega magayen in daꞌga pagtaldengen ya? Aypaꞌ subraꞌ nga pasakep tat panaldeng it Ampuꞌang Diyus nga naꞌAmaꞌ tami sabap it pamayaꞌ ta, ka in atkayan, liꞌwan ya, magꞌega basta-basta i kaꞌgenan ta.

Mga Pagbayaꞌen 14:17

Sigi nang pasuga-sugaw baw paꞌaluk-aluk it babay ngayti duꞌut ki Samson it seledan it pitung aldaw ngayti nga pagkasagyaan nira. Aypaꞌ ka iyan ikapitu nang aldaw, nakasugid na ni Samson i pagpintuꞌun it inigem ya ngayti, sabap it sigi-sigi na ngayti nga ingeꞌret it babay ngayti. Ta it isiyugid na ni Samson i pagpintuꞌun, dayun it isiyugid it babay ngayti duꞌut mga kabilug ya ngayti.