Lucas 18:21 - Tagbanwa

²¹ “Manigtulduꞌ,” maat siꞌ it lalaki ngayti, “muꞌsa ngayan, pagsunudun ku nayan garing it pagwaꞌwaꞌ ku.”

Lucas 18:21 Iomraidhean Croise

Lucas 15:29

Temed maat gay tubag ya, ‘Talagang daꞌku magkabaraꞌan kayan. Ka aken, daꞌku nagliꞌi-liꞌid it pira-pira nang taꞌun, ka magpakariga aku nga subung lamang it esang uripen mu, baw maski kaꞌsa daꞌku simnutil it imu. Temed maski kaꞌsa daꞌku binggayan mut maski mana nga uꞌuybun it kambing nga ipagkasagyaan namen it mga iba-iba ku!

Lucas 15:7

Matuud talagay iꞌaat kut imyu, nga subraꞌ talagang kasagyaan i duꞌun it langit sabap it esang makasalaꞌan nga magsinguliꞌ baw indiꞌan ya nay mga kasalaꞌan ya. Ka subraꞌ paytu it siyam nga puluꞌ may siyam nga ega magsinguliꞌ it kasalaꞌan nira sabap, kat pikir nira, egay kanirang kakasalaꞌan.”

Lucas 18:20

Siguru magkaꞌrutan muy mga urdin. Kuydaw ka it pamakun duꞌun it ega asawa mu. Kuydaw ka it pangimatay it masigkataw mu. Kuydaw ka it panakaw. Kuydaw ka it panistigu it ega matuud. Galangen mu i amaꞌ baw inaꞌ mu.”

Lucas 18:22

Pagkagneg ni Jesus kayti, maat ya siꞌ, “May esa paꞌ nga bagay nga magkakurangan mu. Ipaꞌalang muy muꞌsang mga kusas mu bawnga iyan bayad ya, pamagiꞌ-bagiꞌen mu kat mga makukuriꞌ. Ka in buwaten mu gaytu, siguradung may kamanggadan mu duꞌun it langit. Pagkabwat mut muꞌsa ngaytu, paꞌuliꞌ ka siꞌ situ, ka magbaya-bayaꞌ ka nat aken, nga alagad ku na.”

Filipos 3:6

Ka kamatuudan, kat keseg it pagsunud ku it rilihiyun nameng mga Judio, tagnaꞌ pagtiꞌsen ku nga banar i mga magpamayaꞌ it Ampuꞌan. Ta in kat kasunud it mga urdin ni Moises, ega talagay magkaꞌiway it aken.