Lucas 18:14 - Tagbanwa

¹⁴ Matuud talagay iꞌaat kut imyu, nga iti nga taw, miyuliꞌ kanya nga ipagpabetang nat Ampuꞌang Diyus nga mataldeng, ka piyasinsiya nay mga kasalaꞌan ya. Temed iti, Pariseo ngayti, ega. Sabap yay matuud, siyu-siyuy mapiyataꞌas-taꞌas, buwaten kanya nga mababaꞌ, temed iyan mapiyababaꞌ, iyan i ipataꞌas.”

Lucas 18:14 Iomraidhean Croise

Lucas 14:11

Ka yay matuud, iyan mapiyataꞌas-taꞌas, buwaten kanya nga mababaꞌ. Baw iyan mapiyababaꞌ, iyan i buwaten nga mataꞌas.”

Lucas 16:15

Pagkamuya ni Jesus kayti, maat yat kanira, “Kamu i pagpaꞌiguꞌan ku ngayan, nga buwat mi, pagpapamayaꞌnen mi i katataawan nga mataldeng kamu nga mga taw, isaꞌun istimaren kamut magayen. Temed ega talaga magkataguꞌ duꞌun it Ampuꞌang Diyus i karaꞌe-raꞌetan kat nakem mi. Yay matuud, iyan ipagpabetang mi nga mabantug nga ipagkatuꞌgud it imyu it mga taw, maraꞌway nga maraꞌway yan kat panleteg it Ampuꞌang Diyus.

Santiago 4:10

Pababaꞌ kamu baꞌ kat panleteg it Ampuꞌang Diyus. Sabap, iyan mapiyababaꞌ, ipataꞌas ya.

Mateo 23:12

Ka iyan mapiyataꞌas-taꞌas, buwaten kanyat Ampuꞌang Diyus nga mababaꞌ. Baw iyan mapiyababaꞌ, iyan i buwaten ya nga mataꞌas.

Santiago 4:6

Temed subraꞌ paꞌ kaytu i ildaw nga ipagbegay it Ampuꞌang Diyus. Aypaꞌ ka magsusurat kat kasuratan nga magꞌaat, “Talagang pagkuntraꞌen it Ampuꞌang Diyus i mga mapiyataꞌas-taꞌas, temed dakulay ildaw nga ipagbegay ya kat mga mapiyababaꞌ.”

Lucas 1:52

May mga adiꞌ nga inawaꞌan ya nat pagkaꞌadiꞌ. Baw may mga raꞌyat nga ipiyataꞌas nat Ampuꞌang Diyus.

Mateo 5:3

“Magkasagya i mga taw nga, ipagpabetang nira nga talagang egay sadiling kakayaan nga masarigan, in daꞌga Ampuꞌang Diyus lamang, sabap kaꞌuyut sira duꞌun it kanyang kaꞌadiꞌan.

Galacia 2:16

nasepsepan tami na nga ega kat pagsunud it taw it mga urdin ipabetang kanya nga mataldeng kat panleteg it Ampuꞌang Diyus, in daꞌga kat kamatuudang pamayaꞌ baw pagsarig ya it binwat ni Cristo Jesus. Aypaꞌ, maski kita ngaytu nga mga Judio, paribasay nakasepsep nat itu ngaytu, namayaꞌ tami na it ki Cristo Jesus. Ka natantuwan tami na nga pamayaꞌ baw pagsarig tami ngaytu it binwat ni Cristo i ikapisiꞌ tat maꞌawaꞌ i kasalaꞌan tami kat panleteg it Ampuꞌang Diyus, ega maat sadili tang pagsunud it mga urdin. Ka ega talagay maski siyu nga ipabetang it Ampuꞌang Diyus nga mataldeng sabap it pagsunud yat mga urdin, ka egay magkasunud it kaꞌustuꞌan.

Roma 4:5

Temed belag i karibriyan ngaytu. Itu, ildaw tu nga banar. Ka, pabetang ngaytut aten it Ampuꞌang Diyus nga mga taw na nga mataldeng, egaytu sabap it siyunud tami i inaat yat aten, in daꞌga sabap lamang it pagsarig baw pamayaꞌ ta it kanya, kanya nga magpabetang nga ega nay kakasalaꞌan it mga makasalaꞌan naga, sabap it kamataynen ni Cristo.

Roma 3:20

Sabap egay maski siyung taw nga tumaldeng kat panleteg it Ampuꞌang Diyus kat pagsunud yat mga urdin, ka ipagpatantut aten it mga urdin ngaytu nga makasalaꞌan tami nga muꞌsa.

Lucas 10:29

Ta, it ireg it manigpaꞌyag ngayti nga makalandaw i kanya nga pasepsep, iningkut ya sit sumaꞌup si Jesus, nga magꞌaat, “Ta siyu yay masigkataw ku ngayan nga kaꞌilangan nga rarasan ku?”

1 Samuel 1:18

Kaꞌampang si Ana, maat ya, “In maat atnakayan, agalen ku, aku manay daꞌgay tumbas in wayti na nga magmatuud i inaat mu ngayan.” Ta, masagya na si Ana ngayti. Nakakaꞌen na kanyat magayen.

Exodo 18:11

Natantuwan ku kayti nga AMPUꞌANG DIYUS talaga i mabantug, subraꞌ paꞌ it maski unu nga beken nga pagkilalaen nga diyus. Ka lamang ereꞌeret i pataꞌas-taꞌas it mga taga Egipto ngayti nga simnarit pakuriꞌ it mga Israelita, temed diyaꞌeg sira nga banar it AMPUꞌANG DIYUS.”

Roma 8:33

Ta, kita ngaytung piniliꞌ it Ampuꞌang Diyus, siyu paꞌ i makadimanda it aten duꞌun it adapan ya? Yay matuud, ega, ka Ampuꞌang Diyus naga i nagsanggup nga iniriꞌ ya na talaga kat panleteg ya i muꞌsang mga kasalaꞌan tami.

Roma 5:1

Ta it ipagpabetang ta nat Ampuꞌang Diyus nga ega nay kakasalaꞌan sabap it pamayaꞌ baw pagsarig tat kamataynen it Ampuꞌan ta nga si Jesu-Cristo, aypaꞌ kagayen tami na kanya.

Daniel 4:37

Aypaꞌ ka aku nga si Nabucodonosor, magbantug baw magbegay it galang baw magpamatuud it kataꞌasan it Adiꞌ nga duꞌun it langit. Sabap muꞌsa nga buwat ya, purus tamaꞌ baw mataldeng. Baw talagang magkabwat ya nga ipagpababaꞌ i mga mapiyataꞌas-taꞌas.”

Isaias 53:11

Maat it Ampuꞌang Diyus, “Pagkatupus it kakuriꞌan, magantiyan siꞌ it kasagyaan, sabap matantuwan ya nga ega desang kaꞌuruꞌ-uruꞌan i siyagkaꞌan ya nga kakuriꞌan. Kat kamatuudan nga pagkilala it aken it manigsirbi ku ngaytu nga mataldeng, dakel nga taw i buwaten ya nga mataldeng kat panleteg ku. Sabap tanggungun ya i mga kasalaꞌan nira.