Lucas 18:1 - Tagbanwa

¹ Esa gasing alimbawa i ipiyanulduꞌ ni Jesus it mga alagad ya, isaꞌun matantuwan nira nga kaꞌilangan pirmi nga magpanalangin, ega maskedan.

Lucas 18:1 Iomraidhean Croise

Isaias 40:31

Temed iyan nga magꞌuꞌunay i pagsarig baw pamayaꞌ nira it AMPUꞌANG DIYUS, talagang pirmi sira nga pagbastantiyen it kakayaan. Kat kadakulat kakayaan nira ngaytu, subung sirat kalayug duꞌun it dibwat nga banar, nga subung it agila nga egay kalpuꞌan yat kerab-kerab. Malagyu sira nga malagyu temed ega epaꞌan. Mapanaw sira nga mapanaw, subung naga, ega naga malpuꞌan sira.

Jeremias 29:12

Kat timpu ngayan, mangabang kamu baw mandangep nga manalangin kamu na sinit aken, baw talagang sambungan ku yan kamu.

Lucas 11:10

Sabap pagbegayan ya i kumpur magꞌangut. Magkaparag i iyan nga magtulus. Baw talagang sambungan i kumpur magpaꞌungaꞌ-ungaꞌ it pasleden.

Lucas 21:36

Aypaꞌ magꞌaꞌalistu kamu nga pirmi, baw pirming magpanalangin nga magꞌangut it ega maꞌunu i pamayaꞌ baw pagsarig mit aken pagꞌabut it mga kakuriꞌan ngaytu. In daꞌga, makateꞌteꞌ kamu, isaꞌun masagya kamu nga kaꞌadap it aken nga Taga Langit nga Ipiyanganak it Taw it egay pagꞌiꞌlaman.”

Roma 12:12

Pasagyaen mi nga pirmi i nakem mi ka dedemdemen mi i kagayenan nga pagdadarapaꞌen. Sagkaꞌen mit magayen i nakem i mga kakuriꞌan nga magꞌabut it imyu. Baw yanay adaten mi, mapiyanalangin kamu nang pirmi.

2 Corinto 4:1

Aypaꞌ, paribasay piyakarguꞌan kami it Ampuꞌang Diyus it buwaten namen ngaytu nga magpangadal, ega magkaꞌawaꞌ i pagmaꞌiseg it nakem namen nga sarungaen it magayen i ipiyagꞌildaw ya ngaytut amen.

Galacia 6:9

Aypaꞌ ega maꞌyawan tami it mga magagayen nga pagbuwaten, ka pagꞌabut it timpu na, simpri may kaygen ta in daꞌta maskedan.

Efeso 6:18

Muꞌsa ngaytu, buwaten mi tu kat keseg it panalangin. Magayen, kat panguꞌna it Espiritu Santo, mapiyanalangin kamu nga pirmi kat muꞌsang kalasit panalangin. Sarungaen mit magayen i itung buwat, paꞌresan, ega palubay-lubay. Baw sana muꞌsang mga magpamayaꞌ i ipagpanalangin mi.

Filipos 4:6

Ega palibegan it pikiran mi i maski unu nga bagay, in daꞌga yay magayen, ipanalangin mi. Angutun mi it may pasalamat duꞌun it Ampuꞌang Diyus i muꞌsa nga pagkaꞌilanganen mi.

Colosas 4:12

Iyan kabanwa mi ngaytung si Epafras, nga esa gasing manigsirbi ni Cristo Jesus, magkumusta gasit imyu. Talagang papaꞌres nay panalangin yat imyu asan nga magmapaꞌgen i pagsarig mit Ampuꞌan baw magpamayaꞌ kamu it ustung pamayaꞌ, nga magkasepsepan mi nga banar i kaꞌirgan ya.

Colosas 4:2

Itu paꞌ gasiꞌ i beken nga ipagꞌaat kut imyu, mapiyaꞌres kamu kat panalangin, baw in magpanalangin kamu mapiyasalamat kamung mga taw. Pagpipikiren mit magayen i pagꞌampangen mi kat panalangin, ega maat magbasta-basta lamang.

1 Tesalonica 5:17

baw mapiyanalangin kamu gasiꞌ nga pirmi.

1 Samuel 1:12

Kaꞌlay ngaytit magpanalangin si Ana, sigi nga sesyek ni Eli.