Lucas 17:8 - Tagbanwa

⁸ Simpri ega. In daꞌga, iyan i iskat mu, aaten mu yan, ‘Sigi, tarakanan mu aku it pangiyapun ku baw magꞌimaraꞌ ka na ka aꞌarigraan mu aku nga magkaꞌen baw magꞌinum. Kumaꞌen ka manay imu in kakaꞌen aku na.’

Lucas 17:8 Iomraidhean Croise

Genesis 43:16

Pagkalteg ni Jose it ki Benjamin, inaat yay sarig-sarigan ya nga magpamaalaꞌ duꞌut pamalay-balay ya, “Pabayaꞌen muy namagꞌabut ngaytu duꞌut balay. Iskat mu asat balay nga magsimpan it pangaꞌen baw pakarniꞌen mu sira it masdaꞌan ka sang kamiyan it itung mga taw i kumaꞌen mabway nga panramrag.”

2 Samuel 12:20

Pagkagneg ni David, timnindeg na kanya, langkuy namaꞌyuꞌ baw nagpakay siꞌ it magayen. Siminled kanya duꞌut papagsambaan nirat AMPUꞌANG DIYUS ka nanalangin baw simnamba it AMPUꞌANG DIYUS. Pagkatupus ya miyuliꞌ na ka nagpatarakan nat pangaꞌen.

Lucas 12:37

Talagang makasagya i mga uripen nga, abutan it agalen nira, alistu sira nagay mamagꞌelat. Matuud talagay iꞌaat kut imyu, nga magtarakan i agalen ngaytu ka pakaꞌnen ya duꞌut papangaꞌnan i mga uripen ngaytu, nga kanya paꞌ i magꞌarigra it magkaꞌen.

Lucas 17:7

Dedemdemen mi tu. In beteꞌ may esat imyu nga may uripen nga magꞌaradu u magꞌeper beteꞌ it mga tupa, unuy iskat mut kanya pagꞌuliꞌ ya nga garing duꞌut uma? Unu, aaten mu nga lagi kanya, ‘Daliꞌ na, kumaꞌen’?

Lucas 17:9

Baw in nasunud nat uripen ngayti i muꞌsang isingkat it kanya, unu, pasalamatan kanya it agalen ya ngayti? Siguru ega.

Juan 13:4

Aypaꞌ binwat ni Jesus it magꞌaꞌdung na sira ka kumaꞌen na, timnindeg kanya baw limbas yay panliꞌwan nga pakayan ya, bawnga miyanu kanyat tuwalya ka tiyapis ya.