Lucas 17:34 - Tagbanwa

³⁴ Matuud talagay iꞌaat kut imyu nga kat pamaꞌuliꞌ ku situ, mapinpin nay mga taw. In delemen i iꞌabut ku, barang may duwang kataawan nga nagꞌulid temed in ega nagsubung sira nga taawan ku, matuduꞌ i esa, esa lamang i pisiꞌen.

Lucas 17:34 Iomraidhean Croise

Isaias 42:9

Kumpur mga inaat ku nga mabut, kayti nagꞌabut na. Mga baꞌgu na nga bagay i ipagpaꞌyag ku kayti. Parabir tu mabut, ipiyagꞌaat ku naytu nga lagi.”

Mateo 24:25

Dedemdemen mi tu. Ipagsugid ku naytung lagi it imyu i mga itu ngaytu isaꞌun daꞌkamu naga mateꞌag-teꞌag.

Marcos 13:23

Aypaꞌ magꞌintur kamu nga banar. Ipagsugid ku naytung lagi it imyu i muꞌsa ngaytu isaꞌun daꞌkamu naga mateꞌag-teꞌag.

Marcos 14:29

Mampang si Pedro, maat ya, “Maski kumurang i pamayaꞌ nira nga muꞌsa it imu, temed aku, talagang ega tananan ku ikaw.”

Lucas 13:24

“Talagang paꞌresan mi nga semled duꞌun it masupit nga puwirtaꞌan. Ka matuud i iꞌaat kut imyu nga mabut i aldaw nga dakel nay magreges nga kusled duꞌun it kaꞌadiꞌan it Ampuꞌang Diyus, temed ega na makasled ka nasauryan na.

Lucas 13:3

Talagang ega maat atkayan. Ka basta ega singuliꞌan mi baw indiꞌan i mga kasalaꞌan mi, surubung kamu nga muꞌsa nga mapuuꞌ!

Lucas 13:5

Talagang ega maat atkayan. Ka basta ega singuliꞌan mi baw indiꞌan i mga kasalaꞌan mi, surubung kamu nga muꞌsa nga mapuuꞌ!”

Lucas 17:33

Ka iyan magraras nga banar it kaꞌgenan ya ngaytu kayti, maꞌlam nagaytu asat kanya. Temed iyan temeꞌteꞌ it aken, maski maat ikagtas nat ginawa ya, makanya talagay kaꞌgenan nga ega basta-basta.

Lucas 17:35

In aldawun i iꞌabut ku, barang may duwa nga nagsaꞌud i maglebek, temed in ega nagsubung sira nga taawan ku, matuduꞌ i esa, esa lamang i pisiꞌen.

2 Pedro 2:9

Ta kat mga biyaraꞌan ngaytit tagnaꞌ paꞌ, daꞌga maꞌyag nga iyan Ampuꞌang Diyus, magkaꞌrut talaga rimibri it mga magpamayaꞌ it kanya kat mga kakuriꞌan nira. Baw talagang magkaꞌrut kanya gasiꞌ rimiga it mga mamagbuwat it karaꞌe-raꞌetan, mintras ipagꞌareg ya sira kat aldaw ngayti nga ipangukuman nga banar.