Lucas 17:21 - Tagbanwa

²¹ Egay makasugid nga maat, ‘Waytu na baꞌ!’ u ‘Wayti na, magꞌaꞌabut na duꞌun!’ Sabap kaꞌadiꞌan it Ampuꞌang Diyus nga paꞌaaten, pagsakep ya it nakem it kumpur magsarig baw magpamayat kanya.”

Lucas 17:21 Iomraidhean Croise

Mateo 12:28

Ta it kakayaan it Espiritu Santo nga garing duꞌun it Ampuꞌang Diyus i ipagkaꞌimugaw kut mga mararaꞌe-raꞌet, daꞌga baꞌ nangangaꞌulugan nga miyabut na situt imyu i kaꞌadiꞌan it Ampuꞌang Diyus?”

Marcos 13:21

Aypaꞌ in beteꞌ may maat it imyu, ‘Situ na bayan i Cristo!’ u ‘Asan na bayan kanya!’ ayaw kamu it pamayaꞌ.

Lucas 17:23

Abutun kamu nayan it baritaꞌ nga maat yan, ‘Nagpaꞌuliꞌ siꞌ bayan kanya nga sini na!’ U maat it beken, ‘Duꞌun na bayti!’ Temed ayaw kamut pamayaꞌ nga maat mapanaw nga tumulus it aken.

Lucas 21:8

Pagtubag ni Jesus, maat ya, “Magꞌintur kamu nga ega mateꞌag-teꞌag it maski siyu. Sabap dakel yan nga mabut nga mangambuꞌ it ngaran ku, nga maat yan, ‘Aku na ngaytu baytu i Cristo ngayang paꞌaaten,’ baw ‘Timpu naytu it umur.’ Temed ayaw kamut pamayaꞌ kayan.

Juan 1:26

Tumubag siꞌ si Juan, maat ya, “Aken, ipagbawtis ku, danum, temed kat piyagtenga-tengaꞌan mi may esa nga ega mi kilala.

Juan 18:36

Tumubag si Jesus, maat ya, “Iyan pagkaꞌadiꞌ ku, ega subuk mga pagkaꞌadiꞌ nga situt sinirungat langit. In beteꞌ atkayay pagkaꞌadiꞌ ku, simpri panindegan akut mga taawan ku. Simpri ega basta-basta maꞌalima akut mga Judio ngaytu. Temed ta it belag talagay garing it aken nga pagkaꞌadiꞌ.”

Roma 14:17

Sabap kaꞌadiꞌan ngaytu it Ampuꞌang Diyus, ega iyan i pagpaꞌiguꞌan, in unuy pagkaꞌnen baw pagꞌimnun tami, in daꞌga iyan pangaꞌgenan nga mataldeng, maꞌimbeng nga pakiꞌiba-iba it masigkataw, baw kasagyaan it nakem nga begay it Espiritu Santo.

Colosas 1:27

Ituy tagu-taguꞌ nga pabetang-betang nga ipiyaꞌrut ya na, nga mga bangsa it taw nga ega Judio i maꞌildawan ya it daꞌna masugid nga kagayenan. Eeꞌ baꞌ, mapakay na nga kamu na i pagtatakenaꞌan na ni Cristo, nga ituy puꞌun-sabap it kasiguruwan mi it kagayenang tumbas kat pagdadarapaꞌen.