Lucas 17:2 - Tagbanwa

² Magayen pay paribatuwan na lamang i esang taw it dakulaꞌ nga gigilingan nga batu ka itdag na lamang duꞌun it tengat laud. Magayen pat pakursud kanya it esang mapiyababaꞌ nga magpamayat aken.

Lucas 17:2 Iomraidhean Croise

Mateo 17:27

Takaꞌ maski atkayan,” maat siꞌ ni Jesus, “isaꞌun egay maꞌaat nirat aten, paꞌaduꞌun ka it lapnaw ka magbanit ka. Seklen muy uꞌnang kumaꞌen nga sedaꞌ. Ipanganga mu, may asan yan it baꞌbaꞌ ya nga pirak. Pisiꞌen mu ka tamaꞌ-tamaꞌ yan it barayadan ta nga duwa.”

Mateo 18:10

Maat siꞌ ni Jesus, “Magꞌintur kamu nga ega tibabaꞌen mi i maski esa kat mga mapiyababaꞌ ngaytu nga subuk waꞌwaꞌ nga may pamayaꞌ nat aken. Ka matuud talagay iꞌaat kut imyu, nga pagtatarimaen sirat mga anghil nga magkaꞌadap nga pirmi duꞌun it Amaꞌ ku nga duꞌut langit.

Mateo 18:14

Atkayan naga yan, talagang ega ireg it Amaꞌ mi nga duꞌun it langit nga mateꞌag-teꞌag i maski esa kat mga magpasbung ngaytut dekeyeng waꞌwaꞌ nga magpamayaꞌ nat aken.”

Mateo 26:24

Talagang maꞌimatay aku nga Taga Langit nga Ipiyanganak it Taw, ka simpri matuman i duꞌun it isiyurat nga ampang it Ampuꞌang Diyus. Temed talagang subraꞌ nga makuriꞌ i magꞌaꞌareg it bayaꞌen ngayan. Magayen pay ega na lamang ipiyanganak i iyang taw.”

Marcos 9:42

Temed ta, in siyu nga pakursud it esang mapiyababaꞌ nga subung it waꞌwaꞌ ngaytu nga magpamayat aken, magayen paꞌ talagay paribatuwan na lamang kanya it dakulaꞌ nga gigiling nga batu ka itdag na lamang duꞌun it tengat laud. Magayen pat tabusun yay atkaytung kadakulat karaꞌe-raꞌetan.

Juan 21:15

Pagkakaꞌen nira, iningkut ni Jesus si Simon Pedro. Maat ya, “Simon, nga anak ni Juan, unu pagkayliyan mu aku subraꞌ pat kanira nga kayli it aken?” “Eeꞌ, Ampuꞌan. Urut mu na nga may pagꞌireg kut imu,” maat i tubag ni Pedro. “Ta in atkayan,” maat ni Jesus, “arigraen mut magayen i mga uꞌuybun nga tupa ku.”

1 Corinto 9:15

Temed maski may pudir ku, seked kayti, ega talaga magꞌangut akut tabang it mga pagtulduꞌan ku. Baw ega maat pagsuratan ku kamu kayti isaꞌun begayan mi lamang aku it tabang mi. Ka ire-ireg ku pay puyangten aku lamang, ega gat mapalsaan i ipagpadayaw ku nga pagbuwaten it Ampuꞌang Diyus kat pagpangadal it Magayeng Baritaꞌ.

1 Corinto 9:22

Ta in iyan siꞌ i pagtulduꞌan ku, mga malulubay paꞌ nga pamayaꞌ, nga dakel pay pagliꞌyan nira, pagpaꞌuyunan ku sira isaꞌun mapakseg ku i pamayaꞌ nira. Basta ega kuntraꞌ kat inaat it Ampuꞌan talagang pagpaꞌuyunan ku i muꞌsang taw kat in unu nga buwat isaꞌun, sana, may makaparibri ku kat panriga it kasalaꞌan nira.