Lucas 17:18 - Tagbanwa

¹⁸ Unu, daꞌsira nagpaꞌuliꞌ nga bantugun niray Ampuꞌang Diyus? Unu, itu lamang, kanya ngaytung ega Judio?”

Lucas 17:18 Iomraidhean Croise

Mateo 19:30

Temed yay matuud, dakel i mataꞌas kayti kat pabetang it taw, nga baraꞌan nira raꞌyat pagꞌabut it iting aldaw. Baw dakel sira kayti nga raꞌyat lamang kat pabetang it taw, temed baraꞌan nira mataꞌas duꞌun it kaꞌadiꞌan it Ampuꞌang Diyus.”

Mateo 20:16

Maat pay paꞌugdun ni Jesus, “Subung tu it pagꞌaaten ku ngayan nga maat ku, may mataꞌas kayti kat pabetang it taw, nga baraꞌan nira raꞌyat. Baw may raꞌyat lamang kayti nga baraꞌan nira mataꞌas duꞌun it kaꞌadiꞌan it Ampuꞌang Diyus.”

Mateo 8:10

Naliluꞌ si Jesus, pagkagneg ya kayti. Maat ya it mga taw ngayti nga mamagbaya-bayaꞌ it kanya, “Matuud talagay iꞌaat ku ngaytut imyu. Egay namuyaan ku nga maski siyu situt mga Judio, nga mga tungtung-inapuꞌ ni Israel, nga atkaytuy kadakulaꞌ it pamayaꞌ yat aken.

Mateo 8:12

Temed dakel naga i pangimugawun it Ampuꞌang Diyus nga mga Judio, nga maat taawan ya temed it egay pamayaꞌ nirat aken. Papaꞌaduꞌunun sirat kadleman nga alaid duꞌut kanya. Duꞌun i surugawan nga ega pateng baw magpanggeeget i pati nipen.”

Mateo 9:8

Namagkaliluꞌ i kadakel ngaytit mga taw duꞌun nga namagkalteg, baw inabut sirat iꞌlam. Biyantug niray Ampuꞌang Diyus nga minggay kat taw it atkayti nga pudir.

Lucas 17:17

Miningkut si Jesus, “Daꞌga baꞌ,” maat ya, “sang pulung kataawan i pindekan it bangbang? Ta ari nay siyam ngayan?

Mga Ipiyalteg 14:7

Miyampang kanyat dadakulaꞌ nga magꞌaat, “Galangen baw iꞌlaman mi i Ampuꞌang Diyus, baw bantugun mi i ega basta-bastang keseg it guna ya. Sabap naꞌbut nay timpu nga ukumanan ya nay muꞌsang mga taw. Kaꞌilangan nga sambaen mi i Ampuꞌang Diyus ngaytu nga nagguna it langit baw banwa, dagat baw muꞌsang mga pagtumbudan it danum.”