Lucas 17:14 - Tagbanwa

¹⁴ Pagkalteg ni Jesus it kanira, maat ya, “Sigi, paꞌaduꞌun kamu it mga sasirduti ka paꞌeket-eket it kanira.” Ta desang mamagpanaw na sira, sakaliꞌ nga mindek nay mga bangbang nira ngayti.

Lucas 17:14 Iomraidhean Croise

2 Mga Adiꞌ 5:14

Napikir ni Naaman nga matuud i pagꞌaaten it mga katabang ya ngayti. Egay beken, naꞌaduꞌun na kanya it Jordan. Pagꞌabut ya, limindep na it pitung ledep, subung nat inaat ngayti it prupitaꞌ it Ampuꞌang Diyus. Ta, unupat nagꞌuliꞌnan i bilug ya nga dati, malnis nay lamilamit ya nga subung it kat madaragen. Limpiyung-limpiyuꞌ na. Muꞌsang bilug ya, ega nay maski dekeyeng barnaꞌ it biyangbang kanya.

Mateo 3:15

Temed katubag si Jesus, “Pataꞌnan mu lamang i magꞌabut ngaytu kayti. Sabap itu naga i mapakay nga buwaten ta, ka dapat ta nga buwaten i muꞌsang kataldengan nga ipagpabwat it Ampuꞌang Diyus.” Yapay pamayaꞌ ni Juan ngayti.

Lucas 5:14

“Iyan,” maat ni Jesus, “ega daꞌay sugidan mu nga maski siyu, in daꞌga paꞌaduꞌun ka nga lagi it sasirduti, ka paꞌeket-eket ka it kanya. Bawnga megay ka it ipagpasalamat, uyun kat mga ipiyagꞌurdin ni Moises, nga bilang pamatuud kat mga taw nga magayen ka na.”

Juan 11:10

Temed magkasampuk i magpanaw it delemen sabap it ega nay eyag ngayti.”

Juan 2:5

Inaat it inaꞌ ngayti ni Jesus i mga manigtarakan, “Iyan buwaten mi i kumpur iꞌaat yat imyu nga buwaten.”

Juan 9:7

Pagkapaꞌid ya, maat ya, “Panaw, manraꞌmus ka duꞌut danum ngayting pagpangaranat Libtung it Siloe.” (Ireg sugiden it Siloe ngayti, tiyaꞌeg.) Namayaꞌ i beleg ngayti. Pagꞌuliꞌ ya duꞌut balay ya, magkalteg na kanya.