Lucas 16:9 - Tagbanwa

⁹ Ta kayti, aku nay magꞌaat it imyu nga mga alagad ku. Gayen-gayenen mi i imyu nga panggamit it pirak u maski unu nga kusas mi. Gamiten mi tu kat buwaten it Ampuꞌang Diyus, isaꞌun tanggapen kamut masagya duꞌut langit it mga nakaꞌbut duꞌun sabap it magayen ngaytung panggamit mi it kusas mi.

Lucas 16:9 Iomraidhean Croise

Daniel 4:27

Aypaꞌ, kagalang-galang nga Adiꞌ, in mapakay pagnegan mu i masugid ku. Sana indiꞌan mu nay karaꞌe-raꞌetan mu. Baꞌguun mu nay adat mu. Magayen na nga adat i adaten mu, nga maꞌildaw ka na it mga makukuriꞌ. Ka barang in atkayan, maneꞌteꞌ naga nga maꞌimbeng i pangaꞌgenan mu.’ ”

Mateo 19:21

“Magayen,” maat ni Jesus, “in talagang ireg mu nga masagyaan ka nga banar it Ampuꞌang Diyus, muliꞌ ka na ka ipaꞌalang muy muꞌsang kusas mu, bawnga itabang mu it mga makukuriꞌ i bayad ya. Ka in buwaten mu gaytu, siguradung may kamanggadan mu duꞌun it langit. Pagkabwat mut muꞌsa ngaytu, paꞌuliꞌ ka siꞌ situ, ka magbaya-bayaꞌ ka nat aken, nga alagad ku na.”

Mateo 6:19

“Beken paꞌ nga iꞌaat kut imyu, ayaw kamut pagrinut it kamanggadan situt banwa, ka situt banwa dakel-dakel na nga magranggaꞌ, nga subuk tanga, karat baw sumang kaꞌanu takawun.

Mateo 6:24

Ka yay matuud, egay maski siyu nga manigsirbi nga kapagsirbi it duway agalen. Ka barang isgan ya nay sangbat, esa mana i maꞌalen ya, u in daꞌga, esa mana nga agalen i pagsirbiyan yat kamatuudan, iyan esa tibabaꞌen ya na. Ta atkayan naga, basta pagrinut it betang i kanget it nakem mi, talagang ega mapakay nga sirbiyan mit kamatuudan i Ampuꞌang Diyus.

Lucas 11:41

Aypaꞌ imbis nga adat nga malupig, mamgay kamut masagyay nakem it ildaw mi duꞌun it mga makukuriꞌ. Ta, magbaraꞌ nayan nga subuk limpiyuꞌ kamu na nga matuud.

Lucas 12:33

Sigi, ipaꞌalang mi nay mga kusas mi, bawnga ipamagiꞌ mit mga makukuriꞌ. Yay magayen, riminut it kamanggadan nga duꞌun it langit, nga kabilangan ya, subung it berebtangat pirak nga ega magkaranggaꞌ baw ega gasiꞌ magkawaraꞌan. Sabap iyan i kamanggadan nga ega magkatakaw baw ega magkaketket it tanga.

Lucas 14:14

Simpri egay makatumbas nirat imu. Aypaꞌ ka subraꞌ ka nga makasagya, ka Ampuꞌang Diyus i tumumbas it imu, asan it egnen ya nat paꞌuliꞌ i mga taw nga mataldeng kat panleteg ya.”

Lucas 16:11

Ta kayti, in daꞌkamu magkasarigan kat panggamit mit pirak baw kusas mi situt sinirungat langit ngaytu, magꞌuꞌunu yan masarigan kamu it kamanggadan duꞌun it langit?

Lucas 16:13

Yay matuud, egay maski siyu nga manigsirbi nga kapagsirbi it duway agalen. Ka barang isgan ya nay sangbat, esa mana i maꞌalen ya. U in daꞌga, esa mana nga agalen i pagsirbiyan yat kamatuudan, iyan esa tibabaꞌen ya na. Ta atkayan naga, talagang ega mapakay nga sirbiyan mit kamatuudan i Ampuꞌang Diyus basta pagrinut it betang i kanget it nakem mi. Aypaꞌ ipasakep mit kanya i muꞌsa.”

Lucas 16:4

Aaꞌ palan, naꞌrutan ku nay buwaten ku isaꞌun siguradung istimaren akut magayen duꞌun it babalayan, maski maat maꞌawaꞌ aku na nga manigpamaalaꞌ.’

Mga Binwat 10:31

Inaat ya aku, ‘Cornelio, magkagnegan it Ampuꞌang Diyus i mga panalangin mu baw pagsagyaan ya i tabang mu it mga makukuriꞌ. Talagang ega paglilipaten ya.

Mga Binwat 10:4

Pasesyek si Cornelio ngayti ka nakaiꞌlam kanya nga banar. Yanay naꞌampang ya, “Unu bayan, Agalen?” Maat siꞌ it anghil ngayti, “Magkagnegan it Ampuꞌang Diyus i mga panalangin mu baw pagsagyaan ya i tabang mu it mga makukuriꞌ. Talagang ega paglilipaten ya.

2 Corinto 4:17

Sabap, kadakulat kakuriꞌan ngaytu nga paglabayen namen kayti, ega naga yan maneꞌteꞌ baw maꞌaat ta nga dekeyeꞌ lamang in panawun it pikiran tami i tumbas ya kat pagdadarapaꞌen, nga subraꞌ nga piyakaꞌega babasta-bastaen nga kabantugan nga ega talagay kaꞌawaꞌan.

Judas 1:21

Inturun mi i pangaꞌgenan mi, isaꞌun daꞌkamu kapaꞌalaid kat kararas it Ampuꞌang Diyus, mintras pagpaꞌbutun mi i kaꞌgenan nga egay kaskedan, nga ildaw it aten it Ampuꞌan tami nga si Jesu-Cristo.