Lucas 16:8 - Tagbanwa

⁸ Pagkamuya it agalen ya ngayti, tiyuꞌgud ya i mapiyanluku nga manigpamaalaꞌ ya, ega sabap it panluku ya ngayti, in daꞌga sabap it kaꞌulu ya ngayti nga ipiyalteg ya. Sabap kayti, kat uꞌna ngaytung kaꞌgenan, mga taw nga egay pamayaꞌ nira it Ampuꞌang Diyus, talagang makaꞌrut nga banar muwat it pabetang-betang nga ipagkagayen it sadili nira, subraꞌ pat mga taawan it Ampuꞌang Diyus.

Lucas 16:8 Iomraidhean Croise

Genesis 3:1

Iyan dukul nga esa gasing giyuna it AMPUꞌANG DIYUS, kanyang adat nga mapiyandaya-dayaꞌ, subraꞌ paꞌ it muꞌsang ramu-ramu nga beken nga giyuna it AMPUꞌANG DIYUS. Miningkut kanya it babay ngayti, nga maat ya, “Unu, matuud nga inaat kamut Ampuꞌang Diyus nga may mga kayu situt kalulwakan ngaytu nga ega salyaen mit kumaꞌen i buwaꞌ nira?”

Exodo 1:10

Kaꞌilangan ipaꞌabwatay tami i pikiran ta isaꞌun mapeꞌtek tami i pandakel nira ngaytu. Ka in beteꞌ mabut nga rumpakan tami it mga kalaban ta, barang kumampiꞌ i mga Israelita ngaytu it mga manrumpak ngayan. Daꞌga sikayan makalꞌid na sira situt Egipto ngaytu?”

Mateo 12:32

Matuud tu nga maski mangarampangen i maski siyu nga kuntraꞌ it aken nga Taga Langit nga Ipiyanganak it Taw, pasinsiyaen naga kanya in magsinguliꞌ nga matuud. Temed seked it kaꞌnu-kaꞌnu ega talaga pasinsiyaen i maski siyu nga mangarampangen kuntraꞌ it Espiritu Santo.

Mateo 17:26

“Mga sinakepan siguru,” maat i tubag ni Pedro. “Ta in atkayan,” maat ni Jesus, “daꞌga ega pagpabayaden i mga kat pamalay-balay?

Lucas 16:10

Ka matuud talaga nga iyan magkasarigan it dekeyeꞌ nga bagay, simpri maski dakulaꞌ nga bagay magkasarigan naga. Temed iyan maski dekeyeꞌ nga bagay ipagpanluku ya, simpri subraꞌ na nga ipanluku ya i dakulaꞌ nga bagay.

Lucas 16:4

Aaꞌ palan, naꞌrutan ku nay buwaten ku isaꞌun siguradung istimaren akut magayen duꞌun it babalayan, maski maat maꞌawaꞌ aku na nga manigpamaalaꞌ.’

Lucas 16:7

Sunud siꞌ i iningkut ya. ‘Ay imu,’ maat ya, ‘piray utang mu?’ ‘Aaꞌ, daku-dakulaꞌ bayan,’ maat i tubag ya, ‘ka sang gatus nga bakid i tirigu.’ ‘Ta, wayni kasuratan mut utang mu ngayan. Isurat mut baꞌgu. Isurat mu walung puluꞌ na lamang.’

Lucas 18:6

Ta, maat siꞌ ni Jesus ngayti, “Ta, pikiren mit magayen i inaat it manigꞌukuman ngayti nga maraꞌe-raꞌet i adat.

Lucas 20:34

Pagtubag ni Jesus, maat ya, “Kat kayti ngaytu nga kaꞌgenan, magꞌasa-asawaen i taw.

Lucas 20:35

Temed in asan nat egnen nat paꞌuliꞌ i mga miyatay, iyan mga taw nga inildawan it Ampuꞌang Diyus nga kasled duꞌun it kaꞌadiꞌan ya duꞌut langit, ega na magꞌasa-asawaen sira,

Juan 12:36

Aypaꞌ mintras situt imyu i paꞌaaten ngaytu nga tidaw, kaꞌilangan nga pasakep kamu nat kanya, isaꞌun magkapangaꞌgenan kamu nga pirmi kat eyag it tidaw ngaytu.” Pagkaꞌampang ni Jesus kayti, nagliꞌid na kanya.

1 Corinto 3:18

Magayen, ega ambutan it maski siyu i sadili ya, ka in beteꞌ pagpikiren ya nga makaꞌrut kanya kayti kat pabetang it banwa ngaytu, magayen ibuntal ya na baw ipabetang i sadili ya nga subuk egay uru-urut kat pabetang it banwa, isaꞌun kumaꞌrut kanya kat kamatuudan nga kasepsep nga garing duꞌun it Ampuꞌang Diyus.

Efeso 5:8

Ka iti, tagnaꞌ ngayti, talagang kat kadleman kamu paꞌ ka egay pagkilala mi it Ampuꞌang Diyus. Temed kayti, kat kaꞌyagan kamu na sabap it pakilagpit mi it Ampuꞌan. Aypaꞌ mangaꞌgenan kamu na it pangaꞌgenan nga bagay kat mga taw nga naꞌyagan na.

Filipos 3:19

Temed nakasiguru nayan nga kamataynen nga egay kaskedang panriga i abutun nira. Itung mga taw, sadili nira nga bilug i piyakadiyus nira, ka pirmi nira nga pagsumbayaꞌen i maraꞌe-raꞌet nga kaꞌirgan it bilug nira. Ipagpatuꞌgud nira paꞌ i mga dapat sana nga eyaꞌan nira, baw ta, yanayan yay paglabiyen nira, mga bagay nga situt banwa.

1 Tesalonica 5:5

Ka kamung muꞌsa nga maglalagpit nat ki Cristo, talagang kat kaꞌyagan kamu na. Maꞌyag nat imyu nga subung it aldawun i muꞌsa. Ega na talaga kat kadleman tami paꞌ. Eeꞌ baꞌ, ega na madlem paꞌ it aten nga subung it delemen i muꞌsa ngaytu.

1 Pedro 2:9

Temed kamu, mga taw kamu nga piniliꞌ it Ampuꞌang Diyus. Mga adiꞌ kamu kat kaꞌadiꞌan ya, baw mga sasirduti nga magsirbi it kanya. Subung kamu nat esang bangsat taw nga ipiyasiguru it Ampuꞌang Diyus nga talagang kanya na. Piniliꞌ kamu nga mga taawan ya isaꞌun ipatanyag mi i mga kalililuꞌan nga mga buwat ya. Ka kanya i nagpaliꞌwan it imyu kat kadleman it kasalaꞌan isaꞌun mangaꞌgenan kamu kat kaꞌyagan it ega basta-bastang kagayenan ya.

1 Juan 3:10

Sikaytu ta makilalaan in siyu may siyu i bilang anak nat Ampuꞌang Diyus, baw siyu pay bilang anak ni Satanas. Iyan nga ega magpaꞌres it muwat it kataldengan kat panleteg it Ampuꞌang Diyus baw egay raras yat sulsug ya kat pamayaꞌ, siguradung ega yan anak it Ampuꞌang Diyus.