Lucas 16:6 - Tagbanwa

⁶ Katubag i iningkut ya ngayti, ‘Daku-dakulaꞌ bayan,’ maat ya, ‘ka sang gatus nga katapayanan i lana.’ ‘Ta, wayni kasuratan mu nga siyuratan it utang mu ngayan,’ maat i manigpamaalaꞌ ngayti. ‘Kayti, madung ka baw dali-daliꞌen mut sumurat it iganti ta nga limang puluꞌ na lamang i isurat mu.’

Lucas 16:6 Iomraidhean Croise

Mateo 20:8

Iyan magsedep nay aldaw, singkat nat tagpuꞌun ngayti i manigpamaalaꞌ ya. Maat ya, ‘Taꞌwagan mu nay mga urnal ngayti ka tangdanan mu na sirang muꞌsa. Uꞌnaen muy kiyaꞌpusang mga piyabwat ku. Iyan piyabwat ku ngayat uꞌna, ipakiyaꞌpusan mu mana sirat tumangdan.’

Lucas 16:12

Ta, it Ampuꞌang Diyus i tagpuꞌun it muꞌsang kaya mi situ, aypaꞌ in daꞌkamu magkasarigan it subuk ipiyabaalaꞌ ya ngaytit imyu situ, magꞌuꞌunu yan ipasadilit imyu i kamanggadan ngayti nga duꞌut langit?

Lucas 16:5

Ta, binwat ya, piyuꞌsa yat patawag i kumpur may utang duꞌut agalen ya ngayti. Iningkut yay uꞌnang ipiyatawag ya. Maat ya, ‘Piray utang mu duꞌut agalen ku?’

Lucas 16:7

Sunud siꞌ i iningkut ya. ‘Ay imu,’ maat ya, ‘piray utang mu?’ ‘Aaꞌ, daku-dakulaꞌ bayan,’ maat i tubag ya, ‘ka sang gatus nga bakid i tirigu.’ ‘Ta, wayni kasuratan mut utang mu ngayan. Isurat mut baꞌgu. Isurat mu walung puluꞌ na lamang.’

Lucas 16:9

Ta kayti, aku nay magꞌaat it imyu nga mga alagad ku. Gayen-gayenen mi i imyu nga panggamit it pirak u maski unu nga kusas mi. Gamiten mi tu kat buwaten it Ampuꞌang Diyus, isaꞌun tanggapen kamut masagya duꞌut langit it mga nakaꞌbut duꞌun sabap it magayen ngaytung panggamit mi it kusas mi.

Juan 2:6

May duꞌun nga enem nga katapayanan nga tagduwa u tulung puluꞌ nga galun i danum nga magkabtang. Magbebtang nga danum, ipagꞌugas it alima kat kaꞌugaliꞌan nira nga mga Judio nga paglimpiyuꞌ.

Tito 2:10

Baw ega talaga mapakay nga maglimat-limat it in unu nga betang it agalen nira, in daꞌga ipalteg kat muꞌsang buwat nira nga magkasarigan sirang banar. Sabap sikayan matantuwan it mga katataawan nga magayen palan i ipagpangadal tami pasar it Ampuꞌang Diyus nga pagpanggaringan it karibriyan tami.