Lucas 16:3 - Tagbanwa

³ Pagkagneg it manigpamaalaꞌ ngayti, maat i kat nakem ya, ‘Itu palan, awaꞌen aku na nga manigpamaalaꞌ it agalen ku ngaytu. Unu naytuy buwaten ku? Ega kaya ku nga muwat it mabeꞌgat nga subuk magkali. Magꞌeyaꞌ aku gasiꞌ in paꞌildaw-ildaw aku nga pabgay.

Lucas 16:3 Iomraidhean Croise

Mateo 20:8

Iyan magsedep nay aldaw, singkat nat tagpuꞌun ngayti i manigpamaalaꞌ ya. Maat ya, ‘Taꞌwagan mu nay mga urnal ngayti ka tangdanan mu na sirang muꞌsa. Uꞌnaen muy kiyaꞌpusang mga piyabwat ku. Iyan piyabwat ku ngayat uꞌna, ipakiyaꞌpusan mu mana sirat tumangdan.’

Marcos 10:46

Nakaꞌbut na si Jesus duꞌun it Jerico, kaꞌibaan ya nagay mga alagad ya ngayti. Paggaring nira siꞌ duꞌun, daꞌga magbugtuꞌ i bulyug it taw nga dimnasun it kanira. May napsagan nira nga beleg, magꞌaꞌdung duꞌun it binit it dalan ka magpaꞌildaw-ildaw. Ngaran ya si Bartimeo, amaꞌ ya si Timeo.

Lucas 12:17

May esang taꞌun nga simnubraꞌ kat karebtangan i piyatbasan ya. ‘Aaꞌ,’ maat ya, ‘unu pay mabtangan ku kaytu?

Lucas 16:2

Aypaꞌ ka ipiyatawag it manggaden ngayti ka piyaruri ya. ‘Unuytu,’ maat ya, ‘i magkaringid-ringid ku ngaytu sabap it imu? Kayti, ipalteg mut aken it egay kurang i pamaalaꞌ mut muꞌsang kusas ku, ka garing kayti ega na ikaw i manigpamaalaꞌ ku.’

Lucas 16:20

Baw may esa gasiꞌ nga miskin nga si Lazaro i ngaran. Kakaranangen nga nanggeꞌak-geꞌak na i bilug ya. Bawnga duꞌun na magbabanig it salakwatan it manggaden ngayti.

Lucas 16:22

Ta, miyabut nga miyatay nay miskin ngayti. Pagpatay ya, tiyaban kanyat mga anghil duꞌut pagꞌaꞌanuꞌan ni Abraham nga duꞌut langit. Simnunud nagat kanya i manggaden ngayti. Pagpatay, ilimbeng.

Lucas 16:4

Aaꞌ palan, naꞌrutan ku nay buwaten ku isaꞌun siguradung istimaren akut magayen duꞌun it babalayan, maski maat maꞌawaꞌ aku na nga manigpamaalaꞌ.’

Lucas 18:4

Kat suliꞌ-suliꞌ ya na ngayti duꞌun, ega pagguman-gumanen it manigꞌukuman ngayti. Temed iyan naꞌlay na, maat ya, ‘Maski na maat egay iꞌlam kut Ampuꞌang Diyus baw egay paggalangen ku nga masigkataw ku,

Juan 9:8

Pagkalteg it mga kamalay ya baw beken paꞌ nga nakalteg it kanya iyan magpaꞌildaw-ildaw paꞌ, maat nira, “Daꞌga baꞌ yanayay beleg ngayan nga magpaꞌildaw-ildaw?”

Mga Binwat 3:2

Ta, may esang taw nga pilay, nga pilay ya ngayti, sekad ya. Iting taw, aldaw-aldaw pagtabanen kanyat beken duꞌun it salakwatan it piyakakamaꞌyagan it Templo nga pagpangaranat Salakwatang Magayen, ka magpaꞌildaw-ildaw it kumpur mamagseled.

Mga Binwat 9:6

“Timindeg ka na ka lumangbus ka na duꞌun it pagꞌabutun mu nga siyudad. May sumugid it imu duꞌun in unuy kaꞌilangan mu nga buwaten.”

2 Tesalonica 3:11

Siyangpit namen tu situt surat namen ngaytu ka nabaritaꞌan namen nga may beken asat imyu nga pagꞌindiꞌan nay sadili nga ipagkaꞌgen. Ega lamang atkayan, in daꞌga magpanasaw sira nagat pangaꞌgenan it beken.