Lucas 16:26 - Tagbanwa

²⁶ Dungag ya paꞌ kayan, may ipiyabalantang kat piyagtengaꞌan tami nga malgeb nga siwang, isaꞌun iyan sini ega makapaꞌasan, iyan asan ega makapaꞌasini.’

Lucas 16:26 Iomraidhean Croise

Malakias 3:18

Baw mabut siꞌ nga talagang mamuyaan mi i piyagbelagan it matanaꞌan it mga mataldeng baw mga maraꞌe-raꞌet i adat, iyan mga taw nga mamagsirbi it aken baw ega.”

Mateo 25:46

Ta, egay beken, idedeg na sira duꞌun it panriga nga egay katupusan. Temed iyan mga mataldeng ngaytu kat panleteg it Ampuꞌang Diyus, tumanggap sirat kaꞌgenan nga egay kaskedan.”

Lucas 12:59

Talagang matuud tuy iꞌaat ku ngaytut imu, nga egay kaliꞌwanan mu duꞌun seked it ega paꞌ napwas mu i muꞌsang ipiyagbetangan it imu nga ukuman.”

Lucas 16:25

Temed maat gay itiyubag ni Abraham, ‘Dunguꞌ, yay demdemen mu, pangaꞌgenan mu it duꞌun pat sinirungat langit, nga nagpasamunsayaꞌ ka na. Ki Lazaro ngaytu, dakulang kakuriꞌan i liyabay ya. Temed kayti, pagbanga-bangayen nat kanya sini. Ikaw siꞌ i maglabay it ega basta-bastang kakuriꞌan.

Lucas 16:27

Kaꞌampang siꞌ i manggaden ngayti, maat ya, ‘Ta in atkayan, Amay, asi-asi pat imu nga papaꞌaduꞌunun mu si Lazaro it balay ni Amaꞌ.

Juan 3:36

Iyan magpamayaꞌ baw magsarig nat Anak ngaytut Ampuꞌang Diyus, may kaꞌgenan ya na nga egay kaskedan. Temed iyan nga ega magpamayaꞌ it Anak ngaytu, ega makanya i itung kaꞌgenan. Siguradung ega kaꞌbut duꞌut kagayenan nga duꞌun it langit. Magtetdek paꞌ duꞌun it kanya i iseg it Ampuꞌang Diyus.

Mga Ipiyalteg 20:10

Ta unupat iti, si Satanas ngayti nga dimnayaꞌ it kanira, itiyalpak na kanya duꞌun it maglalapnaw nga apuy nga magdiklap-diklap nay sugut asupri, nga tiyalpakan gasiꞌ it kumakaꞌen ngayting ramu-ramu baw mapiyandayaꞌ ngayting prupitaꞌ. Sang siraan i pakuriꞌan duꞌun it delem-aldaw it egay katupusan.

Mga Ipiyalteg 22:11

Aypaꞌ it atkayan na, iyan mamagbuwat it maraꞌe-raꞌet pasigi lamang nga paraꞌe-raꞌet, ka yay pagkubwaten nira. Atnaga i maraꞌway i adat, sigi lamang nga paraꞌwayen nira. Temed iyan mga taawan it Ampuꞌang Diyus nga mamagbuwat it magayen, kaꞌilangan ipasigi nira lamang i magagayen ngaytung pamagbuwaten nira baw inturun nga alaid sira kat muꞌsang kasalaꞌan.”