Lucas 16:25 - Tagbanwa

²⁵ Temed maat gay itiyubag ni Abraham, ‘Dunguꞌ, yay demdemen mu, pangaꞌgenan mu it duꞌun pat sinirungat langit, nga nagpasamunsayaꞌ ka na. Ki Lazaro ngaytu, dakulang kakuriꞌan i liyabay ya. Temed kayti, pagbanga-bangayen nat kanya sini. Ikaw siꞌ i maglabay it ega basta-bastang kakuriꞌan.

Lucas 16:25 Iomraidhean Croise

Daniel 5:30

Temed ta, iti nga delem, inimatay nay adiꞌ ngayti nga si Belsasar.

Mateo 27:63

Pagꞌabut maat nira, “Tabing galang it imu, palan nademdeman namen nga inaat it magpangambuꞌ ngayan it iyan egen paꞌ, nga egnen naga kanya it paꞌuliꞌ pagꞌikatlung aldaw.

Marcos 9:45

Ta in aꞌay mu gasiꞌ i ipagkasalaꞌan mu, peꞌteken mu gasiꞌ. Ka egay bali, maski peꞌtek i sang baling aꞌay, basta maꞌimu i kaꞌgenan nga egay kaskedan. Ega gat limbang pay aꞌay nga italpak duꞌun it apuy nga egay kapugdawan ya.

Lucas 16:20

Baw may esa gasiꞌ nga miskin nga si Lazaro i ngaran. Kakaranangen nga nanggeꞌak-geꞌak na i bilug ya. Bawnga duꞌun na magbabanig it salakwatan it manggaden ngayti.

Lucas 16:23

Kat paglabayen it manggaden ngayti nga kakuriꞌan duꞌun it panriga ngayting apuy nga egay kapugdawan ya, nalawag ya duꞌut alaid si Abraham baw si Lazaro nga nagsagpun sira.

Lucas 16:26

Dungag ya paꞌ kayan, may ipiyabalantang kat piyagtengaꞌan tami nga malgeb nga siwang, isaꞌun iyan sini ega makapaꞌasan, iyan asan ega makapaꞌasini.’

Lucas 6:24

Temed makuriꞌ talagay magꞌaꞌareg it imyu nga mga manggaden kayti, nga kanget talaga it nakem mi i manggad mi ngaytu, sabap natanggap mi na i imyu nga kagayenan. Ega nay inawaren mi nga beken.

Juan 16:33

Isiyugid kut imyuytu isaꞌun may kaꞌimbengan it nakem mi kat pakilagpit mit aken. Talagang may kakuriꞌan mi naga yan, mintras situ kamu pat banwa ngaytu. Temed paksegen mi i nakem mi ka aku ngaytu, diyaꞌeg ku nay magsasakep situt sinirungat langit.”

Mga Binwat 14:22

Duꞌut kada rugar ngayti, pagpaksegen nira i nakem it mga magpamayaꞌ baw ipagbenge-bengel nirat kanira nga, sana, teꞌteꞌan i pamayaꞌ nirat Ampuꞌan maski pakuriꞌan. “Ka simpri,” maat nira, “kaꞌilangan, dakel i malabayan ta nga kakuriꞌan parabir mabut tami duꞌun it kaꞌadiꞌan it Ampuꞌang Diyus nga duꞌun it langit.”

Roma 8:7

Sabap talagang iyan singkadan ngaytung kaꞌiꞌirgan it taw, kuntraꞌ talagat Ampuꞌang Diyus ka ega magpasakep it mga urdin garing duꞌun it kanya. Baw yay matuud, egay kaya nira nga pasakep it mga ituꞌun ngaytu.

Filipos 3:19

Temed nakasiguru nayan nga kamataynen nga egay kaskedang panriga i abutun nira. Itung mga taw, sadili nira nga bilug i piyakadiyus nira, ka pirmi nira nga pagsumbayaꞌen i maraꞌe-raꞌet nga kaꞌirgan it bilug nira. Ipagpatuꞌgud nira paꞌ i mga dapat sana nga eyaꞌan nira, baw ta, yanayan yay paglabiyen nira, mga bagay nga situt banwa.

1 Tesalonica 3:3

isaꞌun maski pagpakuriꞌan kamu, egay mateꞌag-teꞌag nga kapangindiꞌ it pamayaꞌ ya. Ka magkaꞌrutan mi nga mga pakuriꞌ ngaytu, pabetang-betang nagat Ampuꞌang Diyus it aten.

Hebreo 11:25

Yanagay liyabi ya, makaꞌuyut naga kanya it mga kabilug ya nga mga taawan it Ampuꞌang Diyus maski pakuriꞌan, ega gat pasaga-saga it kasalaꞌan nga magkapisiꞌan it kasagyaan lamang nga ega magpaneꞌteꞌ.

1 Juan 2:15

Asi-asi pat imyu, ega na labiyen mi i mga adat situt sinirungat langit nga kuntraꞌ it kaꞌirgan it Ampuꞌang Diyus, u maski unu situ nga kuntraꞌ it kanya. Ka in siyu pay magkayli it mga itu ngaytu, maꞌyag nga egay pagmaꞌal yat Amaꞌ ta ngaytu.

Mga Ipiyalteg 7:14

Katubag aku, maat ku, “Tabing galang it imu, taꞌway. Ega magkaꞌrutan ku in ari piyamaggaringan kayan. Siguru ikaw yan i magꞌuꞌrut.” Maat ya siꞌ it aken, “Sira ngayan, iyan i nakalabay it dakulaꞌ talagang kakuriꞌan, temed maski atkayan, daꞌsira nangindiꞌ, naneꞌteꞌ i pamayaꞌ nira. Talagang linimpiyuꞌ nira baw piyaputiꞌ it duguꞌ it paꞌaaten ngaytung Uꞌuybun It Tupa i mga pakayan nira ngayan.