Lucas 16:23 - Tagbanwa

²³ Kat paglabayen it manggaden ngayti nga kakuriꞌan duꞌun it panriga ngayting apuy nga egay kapugdawan ya, nalawag ya duꞌut alaid si Abraham baw si Lazaro nga nagsagpun sira.

Lucas 16:23 Iomraidhean Croise

Mateo 11:23

Baw kamu, mga taga Capernaum, daꞌga baꞌ subuk nakarapat it langit i kataꞌasan mi? Temed ta, iꞌlug kamu lamang duꞌun it egay pasubraꞌ nga karigaan. Ka in beteꞌ duꞌun lamang it Sodoma it tagnaꞌ paꞌ i binwatan it mga kalililuꞌan ngaytung bagay nga binwat situt imyu, nagsinguliꞌ na sira it kasalaꞌan nira isaꞌun ega ranggaꞌen it Ampuꞌang Diyus i siyudad nira ngayti, naneꞌteꞌ paꞌ it seked kayti.

Mateo 18:9

Ta in beteꞌ mata muy pagpanggaringan it ipagkasalaꞌan mu, luwaten mu na lamang ka ibuntal na. Ka egay bali, maski paglulwaten nay sang baling mata, basta maꞌimu i kaꞌgenan nga egay kaskedan. Ega gat naglimbang pay mata nga italpak duꞌun it ega ngaytu magpamugdaw nga apuy.”

Mateo 23:33

Mga dukul kamu. Talagang mga mapiyandayaꞌ kamu nga subung it dukul. Daꞌkamu makaribri it panriga nga duꞌun it apuy nga egay kapugdawan ya.

Mateo 5:22

Temed kayti aku na i magꞌaat it imyu, maski desang miseg ka it maꞌiba mu, siguradu nga turubagen mu na duꞌun it Ukuman. Ka basta manregda-regda ka, mapakay nga ukumanan ka it manigsurugiden. Aaten muy iba mu, ‘Magpulpug ka!’ mapakay nga iduꞌun ka it apuy nga ega magpamu-pamugdaw, nga panriga it Ampuꞌang Diyus.

Mateo 5:29

Aypaꞌ in mata mu i pagpanggaringan it ipagkasalaꞌan mu, luwaten mu na lamang bawnga ibuntal. Ka magayen pay may magnis na nga bagit bilug mu, ega gat kumplitu pay bilug mu nga italpak duꞌun it apuy nga ega magpamu-pamugdaw, nga panriga it Ampuꞌang Diyus.

Mateo 8:29

Gimnaꞌuy nga lagi sira, nga magꞌaat, “Unuy lalabeten mut amen, ikaw nga Anak it Ampuꞌang Diyus? Unuy inasitu mu, pakuriꞌan kami na it ega paꞌ naꞌbut i ipiyabetang-betang nga timpu it pangukuman?”

Lucas 16:24

Pagkalawag ya, gimnaꞌuy nga magꞌaat, ‘Amay Abraham, beteꞌ masanguꞌan mu naga aku. Sekaten mu si Lazaro nga ilꞌud yay tutulduꞌ ya duꞌut danum ka ipatiꞌtiꞌ ya sinit dilaꞌ ku isaꞌun rumamig. Ka matuud nga makuri-kuriꞌ na bayni i ginawa kut pangini-init it apuy ngayni.’

Lucas 16:28

Ka paꞌimbandaan i limang mga sulsug ku duꞌun, isaꞌun daꞌsira kapaꞌabut situt rugar ngaytut kakuriꞌan.’

Lucas 8:28

Pagkalteg yat ki Jesus, nangurisang i magpulpug ngayti. Kiminleb kanya duꞌun it sarungaan ni Jesus baw miyampang it talagang diyadakulaꞌ ya, nga magꞌaat, “Jesus, nga Anak it Ampuꞌang Diyus nga Subrang Piyakamataꞌas, unuy lalabeten mut aken? Magpasanguꞌ-sanguꞌ aku nga beteꞌ daꞌku naga pakuriꞌan mu!”

1 Corinto 15:55

“Ta ari na, kamataynen, i pandaꞌeg mu? Ari na, kamataynen, i dalit mu?”

2 Pedro 2:4

Dedemdemen mi tu, nga iyan tagnaꞌ paꞌ, may nagkasalaꞌan nga mga anghil, temed daꞌsira piyataꞌnan it Ampuꞌang Diyus. In daꞌga pinirisu ya sira duꞌun it piyakamalgeb nga siwang. Ta duꞌun paꞌ sira it kadleman ngayti, seked mabut i aldaw nga ipangukuman.

Mga Ipiyalteg 20:10

Ta unupat iti, si Satanas ngayti nga dimnayaꞌ it kanira, itiyalpak na kanya duꞌun it maglalapnaw nga apuy nga magdiklap-diklap nay sugut asupri, nga tiyalpakan gasiꞌ it kumakaꞌen ngayting ramu-ramu baw mapiyandayaꞌ ngayting prupitaꞌ. Sang siraan i pakuriꞌan duꞌun it delem-aldaw it egay katupusan.