Lucas 16:22 - Tagbanwa

²² Ta, miyabut nga miyatay nay miskin ngayti. Pagpatay ya, tiyaban kanyat mga anghil duꞌut pagꞌaꞌanuꞌan ni Abraham nga duꞌut langit. Simnunud nagat kanya i manggaden ngayti. Pagpatay, ilimbeng.

Lucas 16:22 Iomraidhean Croise

Mateo 18:10

Maat siꞌ ni Jesus, “Magꞌintur kamu nga ega tibabaꞌen mi i maski esa kat mga mapiyababaꞌ ngaytu nga subuk waꞌwaꞌ nga may pamayaꞌ nat aken. Ka matuud talagay iꞌaat kut imyu, nga pagtatarimaen sirat mga anghil nga magkaꞌadap nga pirmi duꞌun it Amaꞌ ku nga duꞌut langit.

Mateo 24:31

Basta piyatingeg nat dadakulaꞌ i taburi, taꞌgen ku nay mga anghil ku nga lekpen niray banwa ngaytu, ka tingpeden nira nay mga piniliꞌ nga taawan ku nga gumaring kat paꞌari-aring rugar.

Mateo 8:11

Talagang matuud tuy iꞌaat ku ngaytut imyu, nga dakel i mabut nga ega Judio nga gumaring kat paꞌari-aring rugar, nga ayun duꞌun it lebatan baw sedpan, nga maꞌiba na Abraham, si Isaac baw si Jacob kat kasagyaan duꞌun it kaꞌadiꞌan it Ampuꞌang Diyus duꞌun it langit.

Marcos 8:36

Ka unuy mapulus it esang taw, maski na maat makanya i muꞌsang manggad situt banwa, in maꞌilang i kiyarurwa ya ka kaꞌaduꞌun it kakuriꞌan nga egay kaskedan?

Lucas 12:20

Temed inaat kanyat Ampuꞌang Diyus, ‘Engel-engel ka! Sabap kayti ngaytu nga delem, baiꞌan ka na it ginawa. Ta, kasiyu nay muꞌsa ngayan nga rininut nga ipagꞌimet mu?’

Lucas 16:21

Magꞌeꞌlat kanya it may makaꞌen ya sana nga maski unu nga naꞌped nga maꞌulug duꞌun it papangaꞌnan it manggaden ngayti. Egay beken, pagramuun na kanyat mga keꞌdeng ka magtilaꞌ nat bungad ya.

Juan 1:18

Talagang garing paꞌ it tagnaꞌ, egay maski siyu nga nakalteg it Diyus Amaꞌ. Temed kayti subuk naltegan ta na kanya, ka ipiyaꞌyag nat aten it paeꞌesa-esa ngaytu nga pagmaꞌa-maꞌalen yang Anak i pasar it Diyus Amaꞌ ngaytu.

Juan 13:23

Iyan esa nga alagad nga talagang pagmaꞌa-maꞌalen ni Jesus, magꞌaꞌdung duꞌun it tepad ya.

Juan 21:20

Nalingawan ni Pedro nga magdadasun it kanira i alagad ngayting pagmaꞌalen ni Jesus, kanya ngayti nga simnandir duꞌun it ki Jesus iyan magkaraꞌnen sira ngayti it pangiyapun, baw miningkut ngayti nga magꞌaat, “Ampuꞌan, siyu bay bayaꞌen ngayan it mga kuꞌimatay it imu?”

Hebreo 1:14

Aypaꞌ unuy pagꞌargan it mga anghil? Daꞌga baꞌ, mga anghil ngaytu, mga manigsirbi duꞌun it Ampuꞌang Diyus? Egaytu magkaltegan tami temed, muꞌsa sira ngaytu, mga pagtaꞌgen ya nga magtabang it kumpur ipiyabetang-betang ya nga begayan it karibriyan.

Hebreo 2:14

Ta paribasay taw i mga anak ngayti nga paꞌaaten, nga may isi, duguꞌ baw kaskedat ginawa, aypaꞌ ka si Jesus, nagbalyu nga taw naga isaꞌun mapakay nga matay gasiꞌ kanya. Sabap, duꞌun it kamataynen ya diyaꞌeg ya si Satanas, nga riyanggaꞌ ya i pamegbeg yat taw, nga yay magtaban it kanira duꞌun it kamatayneng panriga nga egay kaskedan.

Santiago 1:11

Daꞌga baꞌ, iyan dikut, magpanluyus in masgaꞌ nga masgaꞌ i init? Ta in nanluyus mana, matagar nay burak ya nga magpagayen it kanya nga pagletganan. Ta atkayan i kabilangan it manggaden ngaytu. Mabut talagay matay kanya, maski maat magkasasaw paꞌ it mga kubwaten ya nga panulus.

1 Pedro 2:24

Kanya mismu i timnanggung it muꞌsang kasalaꞌan tami, kat nalabayan yang kamataynen ya duꞌun it krus. Binwat yaytu isaꞌun indiꞌan ta na i muꞌsang ipagkasalaꞌan tami, baw mangaꞌgenan na it purus mataldeng nga pagbuwaten. Yay matuud, sabap lamang it ega teꞌe-teꞌeng nga pasakit nga tiyanggap ni Cristo, naꞌubaꞌubat nay mga kasalaꞌan tami.

Mga Ipiyalteg 14:13

Bawnga nakagneg aku sit ampang nga gimnaring duꞌun it langit nga magꞌaat, “Isurat muy itu ngaytu. Garing kayti, makasagyang banar i sira nga seked it kamataynen ega nagpaꞌiwar-iwar it pakilagpit nirat Ampuꞌan.” “Talagang matuud tu,” maat it Espiritu Santo, “makapaꞌna na sira kat paꞌres nira baw begayan sirat tumbas it mga binwatan nira.”